'വിവാഹത്തോടെ പഠനം ഉപേക്ഷിക്കുന്നവർ കണ്ടുപഠിക്കണം ഈ വധുവിനെ'; വീഡിയോ


വിദ്യാഭ്യാസത്തിന്റെ പ്രാധാന്യത്തെക്കുറിച്ച് സന്ദേശം പകരുന്ന വധുവാണ് വീഡിയോയിലുള്ളത്.

വീഡിയോയിൽ നിന്ന് | Photo: instagram.com|viralbhayani|

പെൺകുട്ടികൾക്ക് പ്രായപൂർത്തിയാവുമ്പോഴേക്കും വിവാഹം കഴിപ്പിച്ചയക്കാൻ പദ്ധതിയിടുന്ന വീട്ടകങ്ങളുണ്ട്. വിദ്യാഭ്യാസത്തിനും കരിയറിനുമൊക്കെ സ്ത്രീകൾ കൂടുതൽ ശ്രദ്ധ പതിപ്പിക്കേണ്ടതിനെക്കുറിച്ച് ചർച്ചകൾ നടക്കുന്ന ഈ കാലത്തു തന്നെയാണ് പ്രായം തികയും മുമ്പുപോലും വിവാഹങ്ങൾ നടക്കുന്നത്. ഇപ്പോൾ സമൂഹമാധ്യമത്തിൽ വൈറലാകുന്നത് ഒരു വധുവിന്റെ വീഡിയോ ആണ്. വിദ്യാഭ്യാസത്തിന്റെ പ്രാധാന്യത്തെക്കുറിച്ച് സന്ദേശം പകരുന്ന വധുവാണ് വീഡിയോയിലുള്ളത്.

​ഗുജറാത്തിൽ നിന്നാണ് വീഡിയോ പുറത്തുവന്നിരിക്കുന്നത്. വിവാഹവേഷത്തിൽ ഒരുങ്ങിയെത്തിയ യുവതി പരീക്ഷ എഴുതുന്നതാണ് വീഡിയോയിലുള്ളത്. ചുവപ്പ് നിറത്തിലുള്ള ലെഹം​ഗയും ആഭരണങ്ങളുമൊക്കെ ധരിച്ചെത്തിയ ശിവാം​ഗി ഭ​ഗ്ദാരിയ പരീക്ഷ എഴുതുന്നത് കാണാം. പരീക്ഷ തീർന്നയുടൻ നേരെ വിവാഹവേദിയിലേക്ക് പോവുകയാണ് ശിവാം​ഗി ചെയ്തത്.

ശാന്തി നികേതൻ കോളേജ് വിദ്യാർഥിനിയായ ശിവാം​ഗി ബിഎസ്ഡബ്യു വിദ്യാർഥിനിയാണ്. അഞ്ചാം സെമസ്റ്റർ പരീക്ഷയും വിവാഹവും ഒരേ ദിനമായതിനാൽ ഇരുകാര്യങ്ങളും വിട്ടുവീഴ്ച ചെയ്യാതെ കൈകാര്യം ചെയ്യുകയായിരുന്നു ശിവാം​ഗി.

പരീക്ഷാതീയതി പുറത്തു വരും മുമ്പായിരുന്നു ശിവാം​ഗിയുടെ വിവാഹം നിശ്ചയിച്ചത്. അപ്രതീക്ഷിതമായാണ് വിവാഹം നിശ്ചയിച്ച ദിനം തന്നെ പരീക്ഷയും വന്നത്. അങ്ങനെയാണ് പരീക്ഷ പ്രധാനമാണെന്നും അതിൽ വിട്ടുവീഴ്ച ചെയ്യരുതെന്നും ശിവാം​ഗിയും കുടുംബവും തീരുമാനിച്ചത്. ശേഷം വിവാഹവേഷത്തിൽ പരീക്ഷാ ഹാളിലെത്തി പരീക്ഷയും തീർത്ത് വിവാഹവേദിയിലേക്ക് പോവുകയാണുണ്ടായത്.

നിരവധി പേരാണ് ശിവാം​ഗിക്ക് അഭിനന്ദനവുമായെത്തിയത്. വിവാഹത്തോടെ പഠനം ഉപേക്ഷിക്കുന്നവരും വിവാഹത്തിനു വേണ്ടി വിദ്യാഭ്യാസം മാറ്റിവെക്കുന്നവരുമൊക്കെ ശിവാം​ഗിയെ കണ്ടു പഠിക്കണമെന്നാണ് വീഡിയോക്ക് കീഴെ കമന്റുകൾ വരുന്നത്.

Content Highlights: exam on wedding day, gujarat bride viral video, exam on wedding day, bride writing exam, viral wedding videos

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


ashraf tharasseri

2 min

'ബാധ്യതയെല്ലാം തീര്‍ത്തപ്പോള്‍ വേണ്ടപ്പെട്ടവര്‍ക്ക് ഞാനൊരു ബാധ്യതയായി'; അറംപറ്റിയതുപോലെ ആ വാക്കുകള്‍

Jul 5, 2022


pinarayi and saji cheriyan

1 min

അപ്രതീക്ഷിത വിവാദം; മന്ത്രി സജി ചെറിയാനെ മുഖ്യമന്ത്രി വിളിപ്പിച്ചു, തിരക്കിട്ട ചര്‍ച്ചകള്‍

Jul 5, 2022

Most Commented