ഓര്‍മകള്‍ പകര്‍ത്തുന്ന ഫോട്ടോഗ്രഫിയും ഓര്‍മകള്‍ സൂക്ഷിക്കുന്ന റെയ്സിന്‍ ആര്‍ട്ടുമായി ഒരു പെണ്‍കുട്ടി


അഞ്ജലി എന്‍.കുമാര്‍

കാന്‍ഡിഡ് വെഡ്ഡിങ്, ഫാഷന്‍, ന്യൂബോണ്‍-മെറ്റേണിറ്റി ഫോട്ടോ ഷൂട്ടുകളെല്ലാം ഈ കൈകളില്‍ ഭദ്രം.

Photo: instagram.com|nyt_owl93

കൊച്ചി: ''ആദ്യമൊക്കെ പരിചയക്കാര്‍ക്ക് അംഗീകരിക്കാന്‍ ഭയങ്കര ബുദ്ധിമുട്ടായിരുന്നു. പക്ഷേ, ഇപ്പോള്‍ ഞാനതു ശ്രദ്ധിക്കാതെയായി. ഇഷ്ടജോലിയുമായി മുന്നോട്ടു പോകുന്നതില്‍ എനിക്ക് സന്തോഷവും വീട്ടുകാരുടെ പിന്തുണയുമുണ്ട്'' - അങ്കമാലി ഫിസാറ്റ് എന്‍ജിനീയറിങ് കോളേജില്‍നിന്ന് കംപ്യൂട്ടര്‍ സയന്‍സ് ബിരുദം പൂര്‍ത്തിയാക്കി ക്യാമറയും എടുത്തിറങ്ങിയപ്പോള്‍ മുതല്‍ സ്വന്തം ഇഷ്ടങ്ങള്‍ തേടിയുള്ള യാത്രയിലാണ് ദിയ ജോണ്‍സണ്‍. എട്ടാം ക്ലാസ് മുതല്‍ ക്യാമറയാണ് ഈ പെണ്‍കുട്ടിയുടെ ഇഷ്ടങ്ങളില്‍ ഒന്നാമത്. പഠനത്തിരക്കുകള്‍ക്കിടയിലും ക്യാമറ ക്ലിക്കുകള്‍ അവളുടെ മനസ്സിലുണ്ടായിരുന്നു. യാത്രകളും യാത്രകളിലെ ഓര്‍മകള്‍ ശേഖരിക്കുന്നതും ദിയയുടെ ഇഷ്ടങ്ങളായി. ഇന്ന് ഫ്രീലാന്‍സ് ഫോട്ടോഗ്രാഫറും റെയ്സിന്‍ ആര്‍ട്ടിസ്റ്റുമാണ് ദിയ.

യാത്രകള്‍ ആരംഭിച്ചപ്പോള്‍ മുതല്‍ ഓര്‍മകള്‍ക്കായി വ്യത്യസ്തമായ എന്തും ശേഖരിക്കുകയെന്ന സ്വഭാവവും അവള്‍ ആരംഭിച്ചു. ഇലകള്‍, പൂക്കള്‍, കക്കകള്‍, ഭംഗിയുള്ള കല്ലുകള്‍... അങ്ങനെ എന്തും ദിയ ശേഖരിച്ചു. കൂട്ടുകാരോടൊത്ത് പോകുമ്പോള്‍ ദിയയെ കാണാതായാല്‍ അവര്‍ക്കറിയാം, അവള്‍ ഓര്‍മകള്‍ 'ഉപ്പിലിടാനു'ള്ള ഒരുക്കത്തിലാണെന്ന്.

'റെയ്സിന്‍ ആര്‍ട്ട്' തുടങ്ങിയ ശേഷമാണ് കൂട്ടുകാര്‍ ഈ 'ഉപ്പിടല്‍' പ്രയോഗം ആരംഭിച്ചതെന്ന് ദിയ പറയുന്നു. റെയ്സിന്‍ ആര്‍ട്ടിനായി പൂക്കള്‍ ഉണക്കിയെടുക്കാന്‍ ഉപയോഗിക്കുന്ന സില്‍ക്കണ്‍ പൗഡര്‍ ഉപ്പുപോലെയാണ് കാണാന്‍. ഇതു കണ്ട ശേഷമാണ് കൂട്ടുകാര്‍ ഇത്തരമൊരു കമന്റ് പറഞ്ഞു തുടങ്ങിയത്.

ഊട്ടിയിലെ 'ലൈറ്റ് ആന്‍ഡ് ലൈഫ്' അക്കാദമിയില്‍നിന്ന് ഫോട്ടോഗ്രഫി പഠിച്ചാണു ദിയ ഫ്രീലാന്‍സ് ഫോട്ടോഗ്രാഫര്‍ ആയത്. ആദ്യമൊക്കെ ഫീല്‍ഡില്‍ പിടിച്ചുനില്‍ക്കാന്‍ ബുദ്ധിമുട്ടായിരുന്നു. പിന്നീട് ഓരോ ഇവന്റുകള്‍ ലഭിച്ചു തുടങ്ങിയപ്പോള്‍ പതുക്കെ സ്വപ്നങ്ങള്‍ യാഥാര്‍ഥ്യമായിത്തുടങ്ങി.

കാന്‍ഡിഡ് വെഡ്ഡിങ്, ഫാഷന്‍, ന്യൂബോണ്‍-മെറ്റേണിറ്റി ഫോട്ടോ ഷൂട്ടുകളെല്ലാം ഈ കൈകളില്‍ ഭദ്രം. കുഞ്ഞുങ്ങളുടെ ഫോട്ടോ എടുക്കാനാണ് ഏറെ താത്പര്യം. കുഞ്ഞുങ്ങള്‍ ഉറങ്ങുമ്പോഴാണ് അവരുടെ മുഖത്ത് ഏറെ ഭാവങ്ങള്‍ വിടരുക. അവ പകര്‍ത്തുമ്പോള്‍ കിട്ടുന്ന സന്തോഷം മറ്റൊന്നിനും പകരം വയ്ക്കാനാവില്ലെന്ന് ദിയ പറയുന്നു. റെയ്സിന്‍ ആര്‍ട്ടിനും ആരാധകര്‍ ഏറെയാണ്. ആഭരണങ്ങള്‍ ഉണ്ടാക്കിയാണ് ദിയ ഈ രംഗത്തെത്തുന്നത്. പിന്നീട് സുഹൃത്തുക്കള്‍ക്ക് ഉണ്ടാക്കി നല്‍കി. ഇന്ന് ഇന്‍സ്റ്റഗ്രാമിലൂടെ ഒട്ടേറെപ്പേര്‍ റെയ്‌സിന്‍ ആര്‍ട്ട് തേടിയെത്തുന്നു. ഹോം ഡെക്കറുകള്‍, ആഭരണങ്ങള്‍, മെമ്മറി പോട്ടുകളുമെല്ലാം ഉണ്ടാക്കുന്നു. ഓര്‍മകള്‍ നിറയ്ക്കുന്ന ഫോട്ടോഗ്രഫിയും വാടാത്ത ഓര്‍മകള്‍ സമ്മാനിക്കുന്ന റെയ്സിന്‍ ആര്‍ട്ടുമാണ് ഈ പെണ്‍കുട്ടിയുടെ കൈകളിലുള്ളത്.

Content Highlights: Diya johnson resin artist and Photographer

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented