.jpg?$p=9227d21&f=16x10&w=856&q=0.8)
Photos: facebook.com/TheRealJohnAbraham
നാൽപതുകളിലും അതിശയിപ്പിക്കുന്ന രീതിയിൽ ഫിറ്റ്നസ് കാത്തുസൂക്ഷിക്കുന്ന താരമാണ് നടൻ ജോൺ എബ്രഹാം. വർക്കൗട്ട് മാത്രമല്ല വർഷങ്ങളായി ഡയറ്റിൽ പിന്തുടരുന്ന കണിശതയുമാണ് ജോൺ എബ്രഹാമിന്റെ ആരോഗ്യകരമായ ശരീരത്തിന്റെ രഹസ്യം. മാത്രമല്ല സോഷ്യൽ മീഡിയയിൽ തീരെയില്ലാത്തതും തന്റെ ജീവിതത്തിൽ സന്തോഷം നിറയ്ക്കുന്ന കാര്യങ്ങളിലൊന്നാണെന്നും നടൻ പറയുന്നു.
കഴിഞ്ഞ ഇരുപത്തിയേഴു വർഷമായി തനിക്കേറ്റവും പ്രിയപ്പെട്ട മധുര പലഹാരമായ കാജു കട്ലി കഴിച്ചിട്ടില്ലെന്നു പറഞ്ഞാണ് ജോൺ തന്റെ മധുരവിരോധം പങ്കുവെക്കുന്നത്. മധുരം ഇഷ്ടമില്ലാത്തതു കൊണ്ടല്ല മറിച്ച് ശരീരത്തിന് അത്രത്തോളം ദോഷകരമാണ് എന്നതുകൊണ്ടാണ് ഒഴിവാക്കാൻ തീരുമാനിച്ചതെന്ന് ജോൺ പറയുന്നു.
ഇരുപത്തിയേഴു വർഷമായി മധുരപലഹാരങ്ങൾ ഡയറ്റിൽ നിന്ന് ഒഴിവാക്കിയിരിക്കുകയാണ്. എയറേറ്റഡ് പാനീയങ്ങളും കുടിക്കാറില്ല. ലോകത്തിലെ ഏറ്റവും വലിയ വിഷം എന്ന് താൻ കരുതുന്നത് പഞ്ചസാര ആണെന്നും അത് പുകവലിയേക്കാൾ പ്രശ്നകരമാണെന്നും ജോൺ.
മാത്രമല്ല സമൂഹമാധ്യമത്തിൽ സജീവമല്ലാത്തതും തന്നെ സന്തുഷ്ടനായി തുടരാൻ സഹായിക്കുന്ന ഘടകമാണെന്ന് നടൻ. തന്റെ ഫോണിൽ ഒരു സാമൂഹിക മാധ്യമവുമില്ല. വാട്സാപ്പിൽ പോലും തനിക്ക് അക്കൗണ്ട് ഇല്ല. വൈകാതെ മുഴുവനായും സാമൂഹിക മാധ്യമത്തോട് വിട പറയും.
അതുമാത്രമല്ല വിശ്രമരഹിതമായ ജീവിതത്തെക്കുറിച്ചും താരത്തിന് പറയാനുണ്ട്. കഴിഞ്ഞ പതിനെട്ടു വർഷത്തിനിടെ വളരെ കുറച്ചു അവധി ദിനങ്ങൾ മാത്രമാണ് താനെടുത്തത്. പക്ഷേ അത് വളരെ വിരസവും നിർഭാഗ്യകരവും ആണെന്നും ആരാധകർ ആ രീതി പിന്തുടരരുത് എന്നും ജോൺ പറയുന്നു.
Content Highlights: bollywood actor john abraham fitness secret, social media addiction, healthy diet
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=74dd70a&f=1x1&w=100&q=0.8)
.jpg?$p=1eea686&q=0.8&f=16x11&w=104)
.jpg?$p=3ca10ba&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..