.
തണ്ണീര്‍മത്തന്‍ ദിനങ്ങള്‍ എന്ന ഒറ്റച്ചിത്രത്തിലൂടെ മലയാളികളുടെ മനസില്‍കയറിക്കൂടിയ പെണ്‍കുട്ടിയാണ് അനശ്വരരാജന്‍. നിഷ്‌കളങ്കമായ മുഖവും സൗമ്യതയും അവരെ മലയാളിയ്ക്ക് അപ്പുറത്തെ വീട്ടിലെ കുട്ടിയെന്ന പോലെയുള്ള സ്‌നേഹം നേടിക്കൊടുത്തു.
ചെറിയ പ്രായത്തിലേ മലയാളസിനിമയില്‍ തന്റേതായ ഇടം കണ്ടെത്താന്‍ അനശ്വരയ്ക്ക് കഴിഞ്ഞിട്ടുണ്ട്. സാമൂഹിക മാധ്യമങ്ങളിലും സജീവമായ താരം തന്റെ നിലപാടുകള്‍ കൊണ്ടും പ്രേക്ഷകശ്രദ്ധ പിടിച്ചുപറ്റിയിരുന്നു. മൈക്ക് എന്ന സിനിമയിലെ അനശ്വരയുടെ പ്രകടനം അടുത്തിടെ പ്രേക്ഷകശ്രദ്ധ പിടിച്ചുപറ്റിയിരുന്നു.
ഇപ്പോളിതാ അനശ്വരയുടെ പുതിയ ബോള്‍ഡ് ഫോട്ടോഷൂട്ടാണ് വൈറലായിരിക്കുന്നത്. അനശ്വര തന്റെ ഇന്‍സ്റ്റഗ്രാമിലൂടെയാണ് ചിത്രങ്ങള്‍ പങ്കുവെച്ചിരിക്കുന്നത്. ഡീപ് നെക്കുള്ള ചുവന്ന ബൗസും വെള്ളനിറത്തിലെ ദോത്തിപാന്റുമാണ് വേഷം. പതിവ് ഫോട്ടോഷൂട്ടുകളില്‍ നിന്നെല്ലാം വ്യത്യസ്തമായൊരു ലുക്കാണ് അനശ്വര ഈ ഫോട്ടോഷൂട്ടില്‍ സ്വീകരിച്ചിരിക്കുന്നത്.
വ്യത്യസ്തമായ ഫോട്ടോഷൂട്ടുകളിലൂടെ സാമൂഹികമാധ്യമങ്ങളില്‍ ശ്രദ്ധ പിടിച്ചുപറ്റിയ ഐശ്വര്യയാണ് ഈ ചിത്രങ്ങള്‍ പകര്‍ത്തിയിരിക്കുന്നത്.ഐശ്വര്യയോടൊപ്പമുള്ള രസകരമായ നിമിഷങ്ങളും അനശ്വര ഇന്‍സ്റ്റഗ്രാം സ്റ്റോറിയില്‍ പങ്കുവെച്ചിട്ടുണ്ട്.
'ഔരത്' എന്ന അടിക്കുറിപ്പോടെയാണ് അനശ്വര ചിത്രങ്ങള്‍ പങ്കുവെച്ചത്.ഔരത് എന്ന ഹിന്ദിവാക്കിന്റെ അര്‍ത്ഥം സ്ത്രീയെന്നാണ്.വെറ്റിലച്ചെല്ലത്തില്‍ നിന്നും വെറ്റിലയെടുത്ത് മുറുക്കുന്ന വീഡിയോയും താരം ചിത്രങ്ങള്‍ക്കൊപ്പം പങ്കുവെച്ചിട്ടുണ്ട്.
നടിമാരായ ഐശ്വര്യ ലക്ഷ്മി, സാനിയ ഇയ്യപ്പന്‍, ഗോപിക രമേശ് ,അനിഖ സുരേന്ദ്രന്‍ തുടങ്ങി നിരവധിപ്പേരാണ് അനശ്വരയുടെ ബോള്‍ഡ് ഫോട്ടോഷൂട്ടിനെ അഭിനന്ദിച്ച് കമന്റുകളിട്ടത്. പ്രണയവിലാസം ആണ് അനശ്വരയുടെ അടുത്തായി റിലീസിന് ഒരുങ്ങുന്ന അടുത്ത സിനിമ.
Content Highlights: anaswara rajan, viral photoshoot,bold and beautiful,malayalam actress
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=2d834bf&f=1x1&w=100&q=0.8)
IN CASE YOU MISSED IT
.jpg?$p=8a7b7b1&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..