കൊടുവള്ളി : കൊടുവള്ളി ബ്ലോക്ക് പഞ്ചായത്ത് വാർഷികപദ്ധതിയിൽ ഉൾപ്പെടുത്തി കിഴക്കോത്ത് ഗ്രാമപ്പഞ്ചായത്തിലെ ചളിക്കോട് രണ്ടാംവാർഡിൽ നടപ്പാക്കുന്ന കുടിവെള്ള പൈപ്പ് ലൈൻ വിപുലീകരണ പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് അംഗം സി.ടി. വനജ നിർവഹിച്ചു.
പൈപ്പ് ലൈൻ വിപുലീകരണത്തോടെ വേങ്ങനയുള്ള കുന്ന്, കളംകെട്ടിയ പൊയിൽ, കണ്ണോറക്കണ്ടി, ചീനത്താംപൊയിൽ, മലയിൽ, വടക്കെപ്പുര, കരുമ്പാക്കണ്ടി തുടങ്ങിയ പ്രദേശത്തെ കുടിവെള്ളക്ഷാമത്തിന്ന് പരിഹാരമാകും.
ജില്ലാപഞ്ചായത്ത് അംഗം എം.എ. ഗഫൂർ അധ്യക്ഷനായി. വാർഡ് അംഗം ശ്രീജ സത്യൻ, ഡി.സി.സി. ജനറൽ സെക്രട്ടറി സി.ടി. ഭരതൻ, വി.കെ. കുഞ്ഞായിൻ, മൂത്തടത്ത് ഗഫൂർ, മുജീബ് ചളിക്കോട്, കെ.പി. വിനോദ് ,കെ.കെ. അബു, അശോകൻ, കുയ്യൊടി മജീദ് എന്നിവർ സംബന്ധിച്ചു.
