കോഴിക്കോട് : തദ്ദേശ തിരഞ്ഞെടുപ്പുമായി ബന്ധപ്പെട്ട് ജില്ലയിൽ പ്രവർത്തനം ഊർജിതമാക്കി ആന്റി ഡിഫെയ്സ്മെന്റ് സ്ക്വാഡ്. പെരുമാറ്റ ചട്ടലംഘനങ്ങൾ കണ്ടെത്താൻ അഞ്ച് സ്ക്വാഡുകളാണ് ജില്ലയിൽ പ്രവർത്തിക്കുന്നത്. ജില്ലാതലത്തിൽ ഒരു സ്ക്വാഡും നാലു താലൂക്കുകളിൽ ഓരോ സ്ക്വാഡുമാണുള്ളത്.
ഇതിനകം കൺട്രോൾ റൂമിൽ ലഭിച്ച നൂറോളം പരാതികളാണ് പരിഹരിച്ചത്. ചട്ടലംഘനങ്ങൾ കണ്ടെത്തി തുടർ നടപടികൾ സ്വീകരിക്കുന്നുണ്ട്. അനധികൃതമായി സ്ഥാപിച്ചിട്ടുള്ള ബോർഡുകൾ, പ്രചാരണ സാമഗ്രികൾ എന്നിവ നീക്കം ചെയ്യുന്നുണ്ട്. ചട്ടലംഘനങ്ങൾ പരിഹരിക്കുന്നതിന് കളക്ടർ എസ്. സാംബശിവറാവുവിന്റെ നേതൃത്വത്തിൽ പ്രത്യേക പാനലും പ്രവർത്തിക്കുന്നുണ്ട്.
ജില്ലാ കൺട്രോൾ റൂം - ഫോൺ: 0495 2374875. കോഴിക്കോട് താലൂക്ക് - 0495 2372966, വടകര താലൂക്ക് - 0496 2513480, കൊയിലാണ്ടി താലൂക്ക് - 0496 2620235, താമരശ്ശേരി താലൂക്ക് - 0495 2982000.
