കോട്ടയം : മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ റിമാൻഡ് പ്രതി കാഞ്ഞിരപ്പള്ളി വട്ടകപ്പാറ തൈപ്പറമ്പിൽ ഷെഫീഖ് (37) മരിച്ച സംഭവത്തിൽ സി.ബി.ഐ. അന്വേഷണം പ്രഖ്യാപിച്ചത് സ്വാഗതാർഹമാണെന്ന്‌ യൂത്ത് കോൺഗ്രസ് ജില്ലാ കമ്മിറ്റി.
കൊല്ലപ്പെട്ട ഷെഫീഖിന്റെ കുടുംബത്തിന്‌ നീതി ലഭിക്കണമെന്നാവശ്യപ്പെട്ട് യൂത്ത് കോൺഗ്രസ് പ്രവർത്തകർ സമരരംഗത്തുണ്ടായിരുന്നു. സാധാരണക്കാരനായ ഒരു യുവാവിനെ കൊലപ്പെടുത്തിയ പോലീസ് ഉദ്യോഗസ്ഥർക്കെതിരായ സമരത്തിൽ മുന്നിൽനിന്ന എല്ലാ യൂത്ത് കോൺഗ്രസ് പ്രവർത്തകർക്കും അഭിമാനിക്കാവുന്ന തീരുമാനമാണ് ഇപ്പോൾ സർക്കാർ എടുത്തിരിക്കുന്നത്.
സമരത്തിൽ ആദ്യവസാനം പങ്കെടുത്ത് കുടുംബത്തിന്‌ നീതിക്ക്‌ അവസരം ഒരുക്കിയ യൂത്ത് കോൺഗ്രസ് പ്രവർത്തകരെ ജില്ലാ പ്രസിഡന്റ് ചിന്റു കുര്യൻ ജോയി അഭിനന്ദിച്ചു.
