പാലാ : സാഹിത്യ-സാംസ്‌കാരിക രംഗത്തെ ഓൾറൗണ്ടറായിരുന്നു വെട്ടൂർ രാമൻ നായരെന്ന് സാഹിത്യകാരൻ ഡോ. ചേരാവള്ളി ശശി പറഞ്ഞു.
പാലാ സഹൃദയസമിതി നടത്തിയ വെട്ടൂർ രാമൻ നായർ അനുസ്മണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമ്മേളനത്തിൽ സഹൃദയസമിതി പ്രസിഡന്റ് രവി പാലാ അധ്യക്ഷത വഹിച്ചു.
വെട്ടൂർ രാമൻ നായരുടെ വസതിയിൽ അദ്ദേഹത്തിന്റെ ഛായാചിത്രത്തിനു മുമ്പിൽ കൊച്ചുമകൾ റോഷ്‌നി വിളക്ക്‌ തെളിച്ചു.
എ.എസ്.കുഴികുളം, പി.ജി.സോമനാഥൻ നായർ, ജി.ഗോപകുമാർ ഇടനാട്, ഡോ. ജയകൃഷ്ണൻ വെട്ടൂർ, ചാക്കോ സി.പൊരിയത്ത്, ജോസ് മംഗലശ്ശേരി, ഡി.ശ്രീദേവി, ശ്രീകല വെട്ടൂർ, രവി പുലിയന്നൂർ, പി.എസ്.മധുസൂദനൻ എന്നിവർ പ്രസംഗിച്ചു. കവിയരങ്ങിൽ ആർ.കെ.വള്ളിച്ചിറ, വേണു കെഴുവംകുളം, സീനു പൊൻകുന്നം എന്നിവർ പങ്കെടുത്തു.
