പാനൂർ: യൂറോ കപ്പിൽ മൈതാനമധ്യത്തിൽ കളിയുടെ ആരവം ഉയരുമ്പോൾ പാനൂരിന് സമീപം 13 വയസ്സുകാരന്റെ കാൽപ്പന്ത് പ്രകടനം മനംകവരുന്നു. ചെറുപ്പറമ്പിലെകക്കോട്ട് മുഹമ്മദിന്റെ പന്തടക്കമാണ് വിസ്മയമാകുന്നത്. കമഴ്ത്തിവെച്ച ബക്കറ്റിന് മുകളിൽ ഫുട്ബോൾവെച്ച് അതിന് മുകളിൽ കയറിനിന്ന് തല കുനിച്ച് മുതുകിൽവെച്ച ഫുട്ബോൾ താഴെ വീഴാതെ നേരത്തെ ധരിച്ച ടീ ഷർട്ടുകൾ ഒന്നൊന്നായി അഴിച്ചെടുക്കാൻ മുഹമ്മദിന് വേണ്ടത് നിമിഷങ്ങൾ മാത്രം.

ഫുട്ബോൾ കാലിൽവെച്ചും കൈയിൽവെച്ചും മുതുകിൽവെച്ചും നടത്തുന്ന അഭ്യാസങ്ങൾ ഇതിനകം സാമൂഹിക മാധ്യമങ്ങളിൽ വൈറലായി കഴിഞ്ഞു. പെരിങ്ങത്തൂർ എൻ.എ.എം. ഹയർ സെക്കൻഡറി സ്കൂൾ എട്ടാം ക്ലാസ് വിദ്യാർഥിയാണ്. ചെറുപ്പറമ്പിലെ കക്കോട്ട് അസ്ലമിന്റെയും റംലയുടെയും മകനാണ്.

Content highlights : eight standard student muhammad doing amazing tricks with football