പ്രതീകാത്മകചിത്രം
പുക വിടുന്ന മീനോ ? വെറും തട്ടിപ്പെന്ന് വിചാരിക്കാൻ വരട്ടെ. നുണയാണോ സത്യമാണോയെന്ന് ഇനിയും അന്വേഷണങ്ങൾ നടന്നുകൊണ്ടിരിക്കുകയാണ്. എന്തായാലും പുകവിടുന്ന ഒരു മീനുണ്ടെന്ന് തെളിയിക്കുന്നതാണ് ട്വിറ്ററിൽ എത്തിയിരിക്കുന്ന വീഡിയോ. എന്തുതരം പുകയാണെന്ന് വ്യക്തമല്ലെങ്കിലും ശരീരത്തിൽ ഉൽപാദിപ്പിക്കുന്ന ഒരുതരം ദ്രാവകമാണെന്നാണ് ചില കണ്ടെത്തലുകൾ. വീഡിയോയിൽ ഒരു മീൻ വെള്ളത്തിനുമുകളിലേക്ക് പൊന്തിവരികയും ദ്വാരത്തിലേക്ക് തുടർച്ചയായി പുകവിടുകയും ചെയ്യുന്നത് കാണാം. ദ്വാരത്തിലുള്ളത് ഈൽ മത്സ്യമാണ്. അതിനെ പുറത്തേക്കെത്തിക്കാൻ വേണ്ടിയാണ് മീൻ പുക വിടുന്നതെന്ന് വ്യക്തം.
മീൻ വെള്ളത്തിനടിയിലേക്ക് മറയുന്നതാണ് പിന്നെ വീഡിയോയിൽ കാണുന്നത്. കുറച്ചുകഴിഞ്ഞ് ദ്വാരത്തിൽനിന്നും ഈൽ പതുക്കെ പുറത്തുവരുന്നു. വെള്ളത്തിലേക്ക് ഇറങ്ങിയ ഈലിനെ പിടിക്കാൻ മറഞ്ഞിരുന്ന മീൻ ശ്രമം നടത്തുന്നു. പക്ഷേ ഈൽ ദ്വാരത്തിലേക്ക് തന്നെ മടങ്ങിപ്പോകുന്നു. തുടർന്ന് ഒരു ടോം ആൻഡ് ജെറി കളിയാണ് അവിടെ നടക്കുന്നത്. ഈൽ പുറത്തുവരുമ്പോൾ ആ മീൻ പിടിക്കാൻ നോക്കും, ഈൽ രക്ഷപ്പെടും. അവസാനം ഈൽ ആ മീനിന്റെ വായിൽ കുടുങ്ങുക തന്നെ ചെയ്തു! ഈലിനെ മുഴുവനായി വെള്ളത്തിലേക്ക് കൊണ്ടുവന്ന് മീൻ തിന്നാൻ തുടങ്ങുന്നു. പക്ഷേ ഈലിനെ മുഴുവനായി അകത്താക്കാൻ വലിയ മത്സ്യത്തിന് കഴിയുന്നില്ല.
ഈലിനെ പിടികൂടുന്ന മീൻ ഏതെന്ന് ഇപ്പോഴും വ്യക്തമല്ല. ലങ്‍ഫിഷ് (LungFish) ഇനമാണെന്നാണ് ചില റിപ്പോർട്ടുകൾ. സമൂഹമാധ്യമങ്ങളിൽ വൈറലായ വീഡിയോ വ്യാജമാണെന്നാണ് പലരുടേയും കമന്റ്. ഒരു മത്സ്യത്തിന് അങ്ങനെ പുകവിടാനൊന്നും കഴിയില്ലെന്നാണ് ചിലരുടെ വാദം. ഗായകനായ ബിഗ് ബോയ് 2019-ൽ സമാനമായ വീഡിയോ പങ്കുവെച്ചിരുന്നു. അതിൽ രണ്ട് മീനുകളും വെള്ളത്തിൽ നേർക്കുനേർ വരികയും ലങ്‍ഫിഷ് ഈലിനെ വിഴുങ്ങാൻ ശ്രമിക്കുന്നത് കാണാം. പുക വിടുന്ന മീൻ ഏതാണെന്ന അന്വേഷണങ്ങൾ തുടരുകയാണ്. ഐ.എഫ്.എസ്. ഓഫീസറായ സുശന്ത നന്ദയാണ് വീഡിയോ പങ്കുവെച്ചത്.
Content highlights :viral video of a big anonymous fish catching eel emitting smoke
Also Watch
RELATED STORIES
.jpg?$p=dc43ca4&f=1x1&w=100&q=0.8)
%20(1).jpg?$p=60a8fee&f=1x1&w=100&q=0.8)
IN CASE YOU MISSED IT
.png?$p=2bd0e28&f=1x1&w=100&q=0.8)
.png?$p=c0551d8&f=1x1&w=100&q=0.8)
.jpg?$p=2922c1a&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..