'അമ്മമടിയിലിരുന്ന് കുഞ്ഞുവായന'; അങ്ങനെ ഈ കുഞ്ഞുങ്ങളുടെ ലോകവും കളറാകുന്നു


ഈ വര്‍ഷത്തെ വായനവാരാചരണത്തിലാണ് അമ്മമടിയില്‍ കുഞ്ഞു വായന തുടങ്ങിയത്.

നാർകോട്ടിക് സെൽ ഡിവൈ.എസ്.പി.യും എസ്.പി.സി. ജില്ലാ നോഡൽ ഓഫീസറുമായ വി. രജികുമാർ തിരുനെല്ലി ഗുണ്ടികപറമ്പ് കോളനിയിലെ കുട്ടികൾക്ക് പുസ്തകങ്ങൾ നൽകുന്നു

മാനന്തവാടി: അമ്മമടിയിലിരുന്ന് അക്ഷരങ്ങളോട് കൂട്ടുകൂടുക, കഥകൾ, കളികൾ, കവിതകൾ അങ്ങനെ കുഞ്ഞുങ്ങളുടെ ലോകം കളറാക്കുകയാണ് പൂക്കോട് മോഡൽ റെസിഡൻഷ്യൽ സ്കൂളിലെ സ്റ്റുഡന്റ്സ് പോലീസ് കാഡറ്റ് യൂണിറ്റ്. 'അമ്മമടിയിലെ കുഞ്ഞുവായന'- പേരുപോലെ ലാളിത്യമുള്ളതാണ് ആദിവാസി കോളനികളിൽ നടപ്പാക്കുന്ന പദ്ധതി. ഓരോ കോളനിയിലേയും കുട്ടികൾക്ക് പുസ്തകങ്ങൾ എത്തിച്ചുനൽകി അവരെ വായനയുടെ ലോകത്തേക്ക് അടുപ്പിക്കുന്നതാണ് പദ്ധതി. അക്ഷരങ്ങൾ പഠിച്ചുതുടങ്ങുന്ന കുട്ടികൾക്ക് അത്തരത്തിലുള്ള പുസ്തകങ്ങൾ, ബാലസാഹിത്യ കൃതികൾ എന്നിങ്ങനെ ഓരോ പ്രായക്കാർക്കുമുതകുന്ന പുസ്തകങ്ങളാണ് നൽകുന്നത്. വായനയ്ക്കുശേഷം പരസ്പരം കൈമാറി എല്ലാ പുസ്തകവും എല്ലാവരും വായിച്ചതിനുശേഷം അടുത്ത കോളനിയിലേക്ക് കൈമാറും. പൂക്കോട് പ്രിയദർശിനി കോളനി, കാട്ടിക്കുളം എട്ടേക്കർ കോളനി, അപ്പപ്പാറ ആക്കൊല്ലിക്കുന്ന് കോളനി, തിരുനെല്ലി ഗുണ്ടികപറമ്പ് കോളനി എന്നിവിടങ്ങളിൽ ഇതുവരെ പുസ്തകങ്ങൾ നൽകി.

ഒരു കഥ പറയാം

പാഠപുസ്തകത്തിനതീതമായി വായന പ്രോത്സാഹിപ്പിക്കുക എന്ന ലക്ഷ്യത്തോടെ ഒരു കഥ പറയാം എന്നപേരിൽ സ്കൂളിന് സമീപത്തെ പ്രിയദർശിനി കോളനിയിൽ തുടങ്ങിയ പരിപാടിയാണ് അമ്മമടിയിൽ കുഞ്ഞുവായന എന്ന പേരിൽ വിപുലീകരിച്ചത്. ഈ വർഷത്തെ വായനവാരാചരണത്തിലാണ് അമ്മമടിയിൽ കുഞ്ഞു വായന തുടങ്ങിയത്. പദ്ധതിയുടെ വിജയത്തിനായി കോളനികളിലെ വിദ്യാസമ്പന്നരായ യുവജനങ്ങളുടെയും ട്രൈബൽ പ്രൊമോട്ടർമാരുടെയും സഹായവും തേടിയിട്ടുണ്ട്.

പ്രധാനാധ്യാപകൻ സി.കെ. ആത്മാറാം, എസ്.പി.സി.യുടെ ചുമതല വഹിക്കുന്ന അധ്യാപകരായ അമ്പിളി എസ്. വാരിയർ, പി.ടി. നിയാസ്, പോലീസ് ഓഫീസർ കെ.കെ. വിപിൻ എന്നിവരാണ് പരിപാടിക്ക് നേതൃത്വം നൽകുന്നത്. രക്ഷിതാക്കളിൽ നിന്നും വിദ്യാർഥികളിൽനിന്നും മികച്ച പ്രതികരണമാണ് ലഭിക്കുന്നതെന്നും വരും ദിവസങ്ങളിൽ കൂടുതൽ കോളനികളിലേക്ക് പദ്ധതി വ്യാപിപ്പിക്കാനാണ് ലക്ഷ്യമെന്നും പ്രധാനാധ്യാപകൻ സി.കെ. ആത്മാറാം പറഞ്ഞു.

Content highlights :students police cadet unit implement reading habit project in tribal colonies


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented