സൗരയൂഥത്തിലെ കൗതുകങ്ങള്‍ തേടിയുള്ള അന്വേഷണം ആറുവയസ്സുകാരന്‍ ശ്രീനന്ദിനെ എത്തിച്ചത് ഏഷ്യ ബുക്ക് ഓഫ് റെക്കോഡ്സില്‍. മൂന്നുമിനിറ്റിനുള്ളില്‍ സൗരയൂഥത്തെക്കുറിച്ചുള്ള 75 പൊതുചോദ്യങ്ങള്‍ക്ക് ഉത്തരം നല്‍കിയാണ് ഈ കുരുന്ന് റെക്കോഡ് സ്വന്തമാക്കിയത്.
നേരത്തേതന്നെ ഇന്ത്യ ബുക്ക് ഓഫ് റെക്കോഡ്സ്-2022-ല്‍ ഇടംപിടിച്ചിരുന്നു ശ്രീനന്ദ്. അതിനുശേഷമാണ് ഏഷ്യ ബുക്ക് ഓഫ് റെക്കോഡ്സ് സ്വന്തമാക്കിയത്. ചെറുതുരുത്തി പൈങ്കുളം വാഴാലിപ്പാടത്ത് പനവില്‍കല്ലാറ്റ് വീട്ടില്‍ അരുണിന്റെയും മലപ്പുറം ആനമങ്ങാട് തെക്കേതില്‍ ധന്യയുടെയും മകനാണ്. കുടുംബത്തിനൊപ്പം മുംബൈയിലാണ് താമസം.
ശാസ്ത്രവിഷയങ്ങളോടുള്ള താത്പര്യമാണ് ശ്രീനന്ദിനെ സൗരയൂഥത്തിന്റെ അറിവുകളിലേക്ക് നയിച്ചത്. ഇതുമായി ബന്ധപ്പെട്ട പുസ്തകങ്ങളും രക്ഷിതാക്കള്‍ നല്‍കി.
Content highlights : six year old kerala boy sreenand wins asia book of records in curious solar system questions
