നീളം 370 കിലോമീറ്റര്‍; വരുന്നൂ വമ്പന്‍ വാല്‍നക്ഷത്രം


സുരേന്ദ്രന്‍ പുന്നശ്ശേരി 

ഈ ഘട്ടത്തിലാണ് നാം വാലുള്ള വാല്‍നക്ഷത്രത്തെ കാണുന്നത്. ഇപ്പോള്‍ പറയപ്പെടുന്ന ഭീമന്‍ വാല്‍നക്ഷത്രം 2014-ല്‍ കണ്ടെത്തിയതാണ്.

പ്രതീകാത്മകചിത്രം

കേട്ടപാതി കേൾക്കാത്തപാതി ചിലരൊക്കെ ബൈനോക്കുലറും ടെലിസ്കോപ്പുമായി പുറത്തേക്കോടും, മാനത്ത് നോക്കും. വമ്പനെ കാണില്ല... ആരാണീ വമ്പൻ ? വമ്പൻ ഒരു വാൽനക്ഷത്രം തന്നെ.അതെ, സാധാരണ വാൽനക്ഷത്രത്തേക്കാൾ വളരെ വലിയ ഒരു പുള്ളി. ഇവൻ സൂര്യനടുത്തേക്ക് പാഞ്ഞുവരികയാണത്രെ. മാധ്യമങ്ങൾ വാർത്ത പരത്തിക്കൊടുത്തുകഴിഞ്ഞു. പക്ഷേ, ആരും ഭയക്കേണ്ട, അതങ്ങ് സൂര്യനടുത്തുകൂടെ കടന്നുപോകും.

എന്താണ് വാൽനക്ഷത്രം എന്ന് കൂട്ടുകാർക്കറിയാമോ ? സൗരയൂഥത്തിന്റെ വിദൂരതകളിൽനിന്ന് സൂര്യനടുത്തേക്ക് പാഞ്ഞടുക്കുന്ന ഹിമശിലാവസ്തുക്കളാണ് വാൽനക്ഷത്രങ്ങൾ. ഇവയിൽ മിക്കതും സൗരയൂഥത്തിലെ അതിർത്തിപ്രദേശമായ കുയിപ്പർ ബെൽറ്റിൽനിന്നോ വിദൂരപ്രദേശമായ ഊർട്ട് മേഘപടലത്തിൽനിന്നോ വരുന്നവയാണ്.

മിക്കതിനും തുടക്കത്തിൽ അഞ്ചോ പത്തോ കിലോമീറ്റർ വ്യാസമുള്ള ഒരു ന്യൂക്ലിയസ് കാണുക. സൂര്യന്റെ സമീപത്തേക്ക് നീങ്ങുമ്പോൾ അവയിലുള്ള ബാഷ്പശീലമുള്ള പദാർഥങ്ങൾ ഉരുകുകയും ന്യൂക്ലിയസിന് ചുറ്റും ഒരു വലിയ കോമ രൂപപ്പെടുകയും ചെയ്യും. വീണ്ടും സൂര്യനോട് അടുക്കുമ്പോൾ സൗരവാതമേറ്റ് അത് ഏറെക്കുറെ വാലായി രൂപാന്തരപ്പെടും. ഈ ഘട്ടത്തിലാണ് നാം വാലുള്ള വാൽനക്ഷത്രത്തെ കാണുന്നത്. ഇപ്പോൾ പറയപ്പെടുന്ന ഭീമൻ വാൽനക്ഷത്രം 2014-ൽ കണ്ടെത്തിയതാണ്. 2014 UN271 എന്ന് പേരിട്ടിരിക്കുന്ന ഈ വാൽനക്ഷത്രം 2031-ൽ മാത്രമേ ശനിക്കരികിൽത്തന്നെ എത്തുകയുള്ളൂ.

പിന്നെ ഇതിനിത്ര പ്രാധാന്യം എന്തെന്ന് ചോദിക്കാം. കാരണം സാധാരണ വാൽനക്ഷത്ര ന്യൂക്ലിയസ് 20 കിലോമീറ്റർ വരെയേ കാണാറുള്ളൂ. ഇതാകട്ടെ 370 കിലോമീറ്ററോളം വലുപ്പമുണ്ട്. ഏതായാലും ഈ വാൽനക്ഷത്രത്തെ സാധാരണഗതിയിൽ വെറും കണ്ണുകൊണ്ട് കാണാൻ എളുപ്പമല്ല. എന്നാൽ അതിനിടെ ഈ വിദൂര വിരുന്നുകാരനെ ഭൂമിയിലെ ബഹിരാകാശവാഹനങ്ങൾ അങ്ങോട്ട് ചെന്ന് കണ്ടുകൂടായ്കയില്ല. കാരണം കോടിക്കണക്കിന് വർഷങ്ങൾക്കുമുമ്പ് ഈ സൗരയൂഥം എങ്ങനെയായിരുന്നുവെന്ന് നമുക്കറിയണമെങ്കിൽ ഇങ്ങനെയുള്ള അതിഥികളുമായി ചില 'സല്ലാപങ്ങൾ' ഒക്കെ വേണ്ടിവരും.

(ബാലഭൂമിയിൽ പ്രസിദ്ധീകരിച്ചത്)

Content highlights :giant comet named un271 2014 may pass sun in 2031


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented