കുണ്ടംകുഴി: ബി-സെവൻ സോക്കർ അഖിലേന്ത്യാ ഫുട്ബോൾ ടൂർണമെന്റ് സീസൺ രണ്ട് 12 മുതൽ 19 വരെ കുണ്ടംകുഴിയിൽ നടക്കും. രാത്രി ഏഴുമുതലാണ് മത്സരങ്ങൾ.
മത്സരത്തിന് മുന്നോടിയായി ദിവസവും കലാ-സാംസ്കാരിക പരിപാടികൾ ഉണ്ടാകും. ഗവ. ഹയർ സെക്കൻഡറി സ്കൂൾ മൈതാനത്താണ് മത്സരങ്ങൾ. വിദേശ താരങ്ങളും കളിക്കും. ബേഡഡുക്ക പഞ്ചായത്ത് യൂത്ത് കോ ഓർഡിനേഷൻ കമ്മിറ്റിയാണ് ടൂർണമെൻറ് സംഘടിപ്പിക്കുന്നത്. ഗാലറിയുടെ നിർമാണം പുരോഗമിക്കുന്നു.
