കിസാൻസഭ തപാലോഫീസ് മാർച്ച് നടത്തി

കാഞ്ഞങ്ങാട്: കൃഷിയിടങ്ങളിലെ വന്യമൃഗശല്യത്തിന് പരിഹാരം കാണണമെന്നാവശ്യപ്പെട്ട് കിസാൻസഭ ജില്ലാ കമ്മിറ്റി കാഞ്ഞങ്ങാട് മുഖ്യതപാലോഫീസിലേക്ക് മാർച്ച് നടത്തി. കിസാൻ സഭ സംസ്ഥാന സെക്രട്ടറി എ.പ്രദീപൻ ഉദ്ഘാടനം ചെയ്തു. ജില്ലാ പ്രസിഡന്റ് പി.എ. നായർ അധ്യക്ഷതവഹിച്ചു. സി.പി.ഐ. ജില്ലാ സെക്രട്ടറി അഡ്വ. ഗോവിന്ദൻ പള്ളിക്കാപ്പിൽ, ബങ്കളം പി.കുഞ്ഞികൃഷ്ണൻ, എം.അസിനാർ, കെ.പി.സഹദേവൻ എന്നിവർ സംസാരിച്ചു. ബി.പി.അഗ്ഗിത്തായ, വി.കണ്ണൻ, സാവിത്രി കണ്ണോത്ത് എന്നിവർ മാർച്ചിന് നേതൃത്വം നൽകി. കെ.പി.സഹദേവൻ സ്വാഗതം പറഞ്ഞു.