കേരളത്തിലേക്ക് ചുഴലിക്കാറ്റ് വരുന്നു എന്നു പങ്കുവെച്ച സന്ദേശം.
കേരളത്തിലേക്കു അതിശക്തമായ സൈക്ലോൺ(ചുഴലിക്കാറ്റ്) അടുത്തു കൊണ്ടിരിക്കുകയാണെന്ന അവകാശവാദം ഉന്നയിച്ചുകൊണ്ട് ഒരു സന്ദേശം സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
പ്രചരിക്കുന്ന സന്ദേശത്തിന്റെ പ്രധാന ഭാഗം: 'അതിശക്തമായ സൈക്‌ളോൺ ആണ് ഇപ്പോൾ കേരളത്തിന്റെ തീരത്തേക്ക് അടുത്തുകൊണ്ടിരിക്കുന്നത്. ഒരു പക്ഷേ, ഇത്ര ശക്തമായ ഒരു സൈക്‌ളോൺ ഈ തലമുറയിലെ ആരും കണ്ടിട്ടുണ്ടാവില്ല. അത്ര ശക്തമാണ് അത്. കനത്ത കാറ്റോ ഇടിമിന്നലോ രണ്ടും ചേർന്നോ ഉള്ള പേമാരിയാണ് വരും ദിവസങ്ങളിൽ കേരളത്തിൽ കാലാവസ്ഥാ നിരീക്ഷകർ പ്രതീക്ഷിക്കുന്നത്...'
നിരവധി പേരാണ് ഫേസ്ബുക്കിലൂടെയും വാട്‌സ് ആപ്പിലൂടെയും ഇത് പങ്കു വെച്ചിരിക്കുന്നത്.
അന്വേഷണം
സത്യാവസ്ഥ പരിശോധിക്കാൻ സംസ്ഥാനത്തെ കാലാവസ്ഥാ നിരീക്ഷണ കേന്ദ്രവുമായി ബന്ധപ്പെട്ടു. കേരളത്തിൽ സൈക്ലോൺ മുന്നറിയിപ്പ് നൽകിയിട്ടില്ലെന്ന് അവർ അറിയിച്ചു. കേരളത്തിൽ ഒക്ടോബർ 21-നു പത്തനംതിട്ട, കോട്ടയം, ഇടുക്കി എന്നീ മൂന്ന് ജില്ലകളിൽ ഓറഞ്ച് അലേർട്ടും ഏഴു ജില്ലകളിൽ യെല്ലോ അലെർട്ടുമാണ് പ്രഖ്യാപിച്ചിട്ടുള്ളത്. ഒക്ടോബർ 22 മുതൽ 25 വരെ റെഡ് അലെർട്ടോ ഓറഞ്ച് അലെർട്ടോ നൽകിയിട്ടുമില്ല. അതിനാൽ പ്രചരിക്കുന്ന സന്ദേശം വ്യാജമാണെന്ന് തെളിഞ്ഞു.
വാസ്തവം
കേരത്തിലേക്ക് ശക്തമായ സൈക്ലോൺ വരുന്നുണ്ടെന്നു തരത്തിൽ പ്രചരിക്കുന്ന സന്ദേശം വ്യാജം. കാലാവസ്ഥാ നിരീക്ഷണ കേന്ദ്രം അത്തരത്തിൽ ഒരു മുന്നറിയിപ്പ് നൽകിയിട്ടില്ല.
Content Highlights: Cyclone alert in Kerala? | Fact Check
RELATED STORIES
.png?$p=ef09aa8&f=1x1&w=100&q=0.8)
.jpg?$p=3e6baa4&f=1x1&w=100&q=0.8)
IN CASE YOU MISSED IT
.jpg?$p=2922c1a&f=1x1&w=100&q=0.8)
.png?$p=ef09aa8&q=0.8&f=16x11&w=104)
.jpg?$p=3e6baa4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..