തൊടുപുഴ: വാളയാറിലെ കുരുന്നുകൾക്ക് നീതി തേടി കെ.എസ്.യു. നടത്തിയ നിയമസഭാ മാർച്ചിൽ പോലീസ്
ഷാഫി പറമ്പിൽ എം.എൽ.എ.യെയും സംസ്ഥാന പ്രസിഡന്റ് ഉൾപ്പടെയുള്ള കെ.എസ്.യു. നേതാക്കളെയും മർദിച്ചതിൽ പ്രതിഷേധിച്ച് കെ.എസ്.യു പോലീസ് സ്റ്റേഷൻ മാർച്ച് നടത്തി. സമരക്കാരെ അറസ്റ്റ് ചെയ്യുവാൻ പോലീസ് ശ്രമിച്ചത് സംഘർഷത്തിനിടയാക്കി. തുടർന്ന് സ്റ്റേഷന് മുൻപിൽ കൂടിയ പ്രതിഷേധയോഗം ഡി.സി.സി ജനറൽ സെക്രട്ടറി ജിയോ മാത്യു ഉദ്ഘാടനം ചെയ്തു. കെ.എസ്.യു. ജില്ലാ പ്രസിഡന്റ് ടോണി തോമസ് അധ്യക്ഷനായി.