കുട്ടിക്കാനം: ദേശീയപാതയിൽ ഓടിക്കൊണ്ടിരുന്ന വാഹനം കത്തിനശിച്ചു. യാത്രക്കാർ പരിക്കേൽക്കാതെ രക്ഷപ്പെട്ടു. എറണാകുളം വൈറ്റില സ്വദേശികൾ സഞ്ചരിച്ചിരുന്ന വാഹനമാണ് പൂർണമായും കത്തിയത്. ദേശീയപാത 183-ൽ വളഞ്ഞങ്ങാനം വെള്ളച്ചാട്ടത്തിനുസമീപത്തായി ഞായറാഴ്ച വെളുപ്പിന് രണ്ടുമണിയോടെയാണ് അപകടമുണ്ടായത്. കയറ്റം കയറിവന്ന വാഹനത്തിൽനിന്ന്‌ പുക ഉയരുന്നതുകണ്ട് വാഹനം നിർത്തി യാത്രക്കാർ പുറത്തിറങ്ങിയതിനുപിന്നാലെയാണ് വാഹനം കത്തിയത്. പത്ത് പേരാണ് വാഹനത്തിൽ ഉണ്ടായിരുന്നത്. പ്രദേശത്ത് ഒരു മാസത്തിനിടെ മൂന്നാമത്തെ വാഹനമാണ് കത്തിനശിക്കുന്നത്.
ഓടിവന്ന വാഹനം കത്തിനശിച്ചു
×![]()
കുട്ടിക്കാനം ദേശീയപാതയില്‍ ഓടിക്കൊണ്ടിരിക്കുന്നതിനിടയില്‍ പൂര്‍ണമായും കത്തിനശിച്ച വാഹനം
