ഉഴുന്ന് ചേര്‍ത്ത ഭക്ഷണം കഴിച്ചാല്‍ ഈ പ്രത്യേക ഗുണങ്ങള്‍ ശരീരത്തിന് ലഭിക്കും


ഉഴുന്ന് ചേര്‍ത്ത പലഹാരങ്ങള്‍ക്ക് സ്വാദുമാത്രമല്ല ഗുണവും കൂടും

Representative Image| Photo: GettyImages

ഴുന്ന് ഉപയോഗിച്ചുണ്ടാക്കുന്ന ആഹാരങ്ങള്‍ എന്ന് പറയുന്നതിനേക്കാള്‍ 'പലഹാരങ്ങള്‍' എന്ന് പറയുന്നതാണ് കൂടുതല്‍ നന്നാവുക. ഉഴുന്നുവട, ഇഡ്ഡലി, ദോശ, പപ്പടം, മുറുക്ക്, തേന്‍കുഴല്‍ മുതലായവ അക്കൂട്ടത്തില്‍ സുപരിചിതങ്ങളാണ്. 'ദാല്‍മഖാനി' എന്ന ഉത്തരേന്ത്യന്‍ വിഭവം തവിട് കളയാത്ത ഉഴുന്നുപയോഗിച്ച് തയ്യാറാക്കുന്നു.

മാംസ്യം ഏറ്റവും കൂടുതലുള്ള ധാന്യങ്ങളില്‍ ഒന്നാണ് ഉഴുന്ന്. അന്നജം അധികമുള്ള അരിയും മാംസ്യം അധികമുള്ള ഉഴുന്നും ചേരുമ്പോള്‍ സമീകൃതാഹാരമാകുന്നു. വിറ്റാമിനുകളുടെയും ധാതുലവണങ്ങളുടെയും സാന്നിധ്യം കൊണ്ട് ഉഴുന്ന് പോഷക പദാര്‍ഥങ്ങളുടെ ഗണത്തില്‍ ഉള്‍പ്പെടുന്നു. ഉഴുന്നിന്റെ ഉപയോഗം കൊണ്ട് ശരീരത്തിന് വിറ്റാമിന്‍ ബി, പൊട്ടാസ്യം, കാത്സ്യം എന്നിവ ലഭിക്കുന്നു. ഉഴുന്നില്‍ താരതമ്യേന നാരുകള്‍ ധാരാളം അടങ്ങിയിട്ടുണ്ട്. അതിനാല്‍ മലബന്ധം ഉള്ളവര്‍ക്ക് അത് കൂടുതല്‍ പഥ്യമാകുന്നു.

ശരീരകോശങ്ങളുടെ ജീര്‍ണത തടയുവാന്‍ ഉഴുന്നിന്റെ ഉപയോഗം സഹായിക്കും. പേശികള്‍ക്ക് വളര്‍ച്ചയും ബലവും നല്‍കുന്നു. ഗുരുത്വമുള്ള ആഹാരമാണെങ്കിലും അഗ്നിയെ വര്‍ധിപ്പിച്ച് ദഹനത്തെ എളുപ്പമുള്ളതാക്കുന്നു. അമിതമായ വിശപ്പകറ്റുവാന്‍ ഉഴുന്ന് നല്ല ഭക്ഷണമാണ്. ദേഹത്തുണ്ടാകുന്ന കോച്ചല്‍, പിടിത്തം എന്നിവയ്ക്ക് പരിഹാരമാണ് ഉഴുന്നിന്റെ ഉപയോഗം. രേതസ്സിന്റെ അളവും ഗുണവും വര്‍ധിപ്പിക്കുകയും സ്രവണം (Discharge of Semen) ആഹ്ലാദകരമാക്കുകയും ചെയ്യുന്നു.

ഉഴുന്നിന്റെ ഗുണങ്ങളെ ഉപയോഗപ്പെടുത്തുന്ന ഒട്ടേറെ ആയുര്‍വേദ ഔഷധങ്ങള്‍ നിലവിലുണ്ട്. പ്രസാരിണ്യാദി കഷായം, വിദാര്യാദി ലേഹം, മഹാമാഷതൈലം, ബലാഹഠാദി തൈലം എന്നിവ അവയില്‍ ചിലതാണ്.

പഴകിയ തലവേദനയുടെ പരിഹാരത്തിന് ഉഴുന്നുകൊണ്ട് പാല്‍ക്കഷായം തയ്യാറാക്കി സേവിപ്പിക്കുന്ന ഒരു രീതി വൈദ്യന്‍മാര്‍ പിന്‍തുടര്‍ന്നിരുന്നു.

തയ്യാറാക്കിയത്
ഡോ. കെ. മുരളീധരന്‍
അഡീഷനല്‍ ചീഫ് ഫിസിഷ്യന്‍
കോട്ടയ്ക്കല്‍ ആര്യവൈദ്യശാല

Content Highlights: Health benefits of Black Gram Urad Dal Uzhunnu, Food, Health

ആരോഗ്യമാസികയില്‍ പ്രസിദ്ധീകരിച്ചത്

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented