കൃത്യമായി വ്യായാമം ചെയ്യുന്നത് കോവിഡ് ഗുരുതരമാവാനുള്ള സാധ്യത കുറയ്ക്കുമെന്ന് പഠനം


വ്യായാമം ചെയ്യുമ്പോള്‍ നിരവധി ഗുണങ്ങളാണ് ശരീരത്തിന് ലഭിക്കുന്നത്

Representative Image| Photo: GettyImages

ഴ്ചയില്‍ 150 മിനിറ്റെങ്കിലും വ്യായാമം ചെയ്യുന്നത് കോവിഡ് ഗുരുതരമാവാതിരിക്കാന്‍ സഹായിക്കുമെന്ന് പഠനം. വ്യായാമം ചെയ്യുമ്പോള്‍ നിരവധി ഗുണങ്ങളാണ് ശരീരത്തിന് ലഭിക്കുന്നത്. വ്യായാമം ചെയ്യുമ്പോള്‍ അവയവങ്ങള്‍ക്ക് കരുത്തും പേശികള്‍ക്ക് വഴക്കവും ശരീരത്തിന് ഊര്‍ജസ്വലതയും ലഭിക്കുമെന്നും ഇത് രോഗത്തെ തടയുമെന്നും ഹാര്‍വാര്‍ഡ് ഹെല്‍ത്ത് പ്രസിദ്ധീകരിച്ച പഠനത്തില്‍ പറയുന്നു.

ബ്രിട്ടീഷ് ജേണല്‍ ഓഫ് സ്‌പോര്‍ട്‌സ് മെഡിസിന്‍ 48440 ആളുകളില്‍ നടത്തിയ പഠനമാണ് വിശകലനം ചെയ്തത്. ശാരീരിക അധ്വാനം കുറയുന്നത് കോവിഡ് 19 ഗുരുതരമാകാനുള്ള സാധ്യത വര്‍ധിപ്പിക്കും. ദിവസവും വ്യായാമം ചെയ്യുന്നവരില്‍ കോവിഡ് 19 ഗുരുതരമാവാതെ പ്രതിരോധിക്കപ്പെടുമെന്നും പഠനത്തില്‍ പറയുന്നു.

യു.എസില്‍ കോവിഡ് പോസിറ്റീവായ 48000 ആളുകളില്‍ നടത്തിയ പഠനവും ഈ പഠനത്തില്‍ പരാമര്‍ശിച്ചിട്ടുണ്ട്.

ശാരീരികാധ്വാനത്തിലെ കുറവ് മൂലം അമിതഭാരം, പ്രമേഹം, ഹൃദ്രോഗങ്ങള്‍ തുടങ്ങിയ രോഗാവസ്ഥകള്‍ക്ക് വഴിയൊരുക്കാം. ഈ പ്രശ്‌നങ്ങള്‍ കോവിഡ് ഗുരുതരമാവാനും മരണത്തിലേക്കും വഴിയൊരുക്കാം.

പഠനത്തില്‍ പങ്കെടുത്തവരെ ശാരീരികാധ്വാനത്തിന്റെ അടിസ്ഥാനത്തില്‍ മൂന്ന് ഗ്രൂപ്പുകളായാണ് തരംതിരിച്ചത്. ആഴ്ചയില്‍ 150 മിനിറ്റെങ്കിലും വ്യായാമം ചെയ്യുന്നവര്‍, ആഴ്ചയില്‍ 10 മിനിറ്റ് വ്യായാമം ചെയ്യുന്നവര്‍, ആഴ്ചയില്‍ 11 മിനിറ്റ് മുതല്‍ 149 മിനിറ്റ് വരെ വ്യായാമം ചെയ്യുന്നവര്‍ എന്നിങ്ങനെയാണ് തരംതിരിച്ചത്.

പ്രായം, ലിംഗം, വംശം, ജീവിതശൈലി, പ്രമേഹം, ഉയര്‍ന്ന രക്തസമ്മര്‍ദം, ഹൃദയസംബന്ധമായ പ്രശ്‌നങ്ങള്‍, വൃക്ക രോഗങ്ങള്‍ എന്നീ കാര്യങ്ങളും പരിഗണിച്ചിരുന്നു.

കോവിഡ് ഉണ്ടായാലും ഇല്ലെങ്കിലും വ്യായാമം മുടക്കരുത്. വ്യായാമം കൃത്യമായി ചെയ്യുന്നത് ദീര്‍ഘായുസ്സിന് സഹായിക്കും. നന്നായി വ്യായാമം ചെയ്യുക, വാക്‌സിന്‍ എടുക്കുക, ആരോഗ്യകരമായ ഭക്ഷണം കഴിക്കുക എന്നിവ വഴി കോവിഡില്‍ നിന്നും പ്രതിരോധം നേടാം. സ്ഥിരമായി വ്യായാമം ചെയ്യുന്നത് ഭാവിയില്‍ ഡിമെന്‍ഷ്യ ബാധിക്കാനുള്ള സാധ്യത 30 ശതമാനത്തോളം കുറയുമെന്ന് മറ്റൊരു പഠനത്തിലും വ്യക്തമാക്കിയിട്ടുണ്ട്.

Content Highlights: Exercising more than 150 minutes/week inked to lower chance of Covid19 infection, Health, Covid19

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented