ഹൃദയത്തെ സൗഖ്യത്തിലാക്കാം ഈ വഴികളിലൂടെ...
- എണ്ണയില്‍ വറുത്തതും പൊരിച്ചതുമായ ഭക്ഷണങ്ങള്‍ കഴിവതും ഒഴിവാക്കണം.
- ബീഫ്, പോര്‍ക്ക്, മട്ടണ്‍ തുടങ്ങി, കൊഴുപ്പു കൂടിയ മാംസങ്ങള്‍ കഴിവതും ഒഴിവാക്കുക. ഇറച്ചി കൂടിയേ കഴിയൂ എന്നുണ്ടെങ്കില്‍ കോഴി, താറാവ് തുടങ്ങിയ പക്ഷികളുടെ മാംസമാണ് നല്ലത്.
- ഇറച്ചി വറുത്തു കഴിക്കരുത്, വേവിച്ച് കഴിച്ചാല്‍ മതിയാകും.
- മത്തി തുടങ്ങിയ ചെറിയ മത്സ്യങ്ങളാണ് ആരോഗ്യത്തിനു നല്ലത്. കഴിവതും കറിവച്ചു മാത്രം കഴിക്കുക. വറുത്തും പൊരിച്ചും കഴിക്കാതിരിക്കുക.
- ഊണിനോടൊപ്പം വേവിക്കാത്ത പച്ചക്കറി നിത്യവും കഴിക്കുക. വെള്ളരി, കക്കിരി, കാരറ്റ്, തക്കാളി, സവാള തുടങ്ങിയവ സാലഡായി ഉപയോഗിക്കാം.
- ചോറിന്റെ അളവ് കുറച്ച്, വേവിക്കാത്ത പച്ചക്കറികളുടെ അളവ് കൂട്ടുക. മൊത്തത്തില്‍ അമിതഭക്ഷണം പാടില്ല.
- ഉപ്പ് പരമാവധി കുറയ്ക്കുക. ഉപ്പിന് പ്രത്യേക ഔഷധഗുണങ്ങളൊന്നുമില്ല.
- നാര് കൂടുതലുള്ള പയറുവര്‍ഗങ്ങള്‍, കടലവര്‍ഗങ്ങള്‍, ഇലക്കറികള്‍ തുടങ്ങിയവ ശീലമാക്കുക. ഇവ വറുത്തോ തോരന്‍ വച്ചോ കഴിക്കുന്നതിനേക്കാള്‍ കറിവച്ചു കഴിക്കുന്നതാണ് നല്ലത്.
- പഴവര്‍ഗങ്ങള്‍ ധാരാളം കഴിക്കുക. കീടനാശിനികളും രാസവളങ്ങളും ചേരാത്തവയായാല്‍ നന്ന്. ജ്യോൂസാക്കി കഴിക്കാതെ, നേരിട്ടു തിന്നുന്നതാണ് നല്ലത്.
- മുട്ടയുടെ മഞ്ഞക്കരു പരമാവധി ഒഴിവാക്കുക.
- ടെലിവിഷന്‍ കാണുമ്പോഴും വായിക്കുമ്പോഴും ചിപ്സ്, കോണ്‍ തുടങ്ങിയ വറുത്തതും ഉപ്പുകൂടിയതുമായ വസ്തുക്കള്‍ കഴിക്കുന്ന ശീലം നിര്‍ത്തണം.
- ഐസ്‌ക്രീം, ചോക്ലേറ്റ്, കേക്ക്, പേസ്റ്ററി തുടങ്ങിയവ വളരെയധികം കൊഴുപ്പു ചേര്‍ന്നവയാണ്. വയറ്റിനും ഇവ ദോഷം ചെയ്യും. ഇവ പാടേ ഒഴിവാക്കുകയാണ് ബുദ്ധി.
- ഊണിനോടൊപ്പം എപ്പോഴും പപ്പടം വേണമെന്ന നിര്‍ബന്ധം ഒഴിവാക്കുക. കൂടിയേ കഴിയൂ എങ്കില്‍ പപ്പടം ചുട്ടുതിന്നാം. അപ്പോഴും ഉപ്പുകുറയില്ലെന്നോര്‍ക്കുക.
- പാലും പാലുല്‍പ്പന്നങ്ങളും പരമാവധി കുറയ്ക്കുക. മോര് കൂട്ടാം.
- ഹോട്ടല്‍ ഭക്ഷണം കഴിവതും ഒഴിവാക്കണം. അഥവാ വേണ്ടിവന്നാല്‍ നോണ്‍ വെജിറ്റേറിയന്‍ കഴിക്കാതിരിക്കുക.
- രാവിലെ ഭക്ഷണം കഴിച്ച് ഉച്ചയ്ക്കുമുമ്പ് വിശപ്പു തോന്നിയാല്‍ മേറ്റ്ന്തെങ്കിലും കഴിക്കാതെ ഒരു ഗ്ലാസ് വെള്ളം മാത്രം കുടിക്കുക. ഇടനേരങ്ങളില്‍ ചെറുഭക്ഷണങ്ങള്‍ കഴിക്കുന്ന ശീലം നന്നല്ല.
- സദ്യക്കും പാര്‍ട്ടിക്കും പോകുംമുമ്പ് എന്തു കഴിക്കണം തുടങ്ങിയ കാര്യങ്ങളെപ്പറ്റി നേരത്തേ ആലോചിച്ചുറപ്പിക്കുകയും സ്വയം തയ്യാറെടുക്കുകയും വേണം. സദ്യ, ഒരവസരമായിക്കണ്ട് വലിച്ചുവാരി കഴിക്കരുത്.
- പ്രമേഹം വരാതെനോക്കുകയാണ് ഹൃദയത്തിനും നല്ലത്. വന്നുകഴിഞ്ഞാല്‍ കര്‍ശനമായി നിയന്ത്രിക്കുക.
- പ്രമേഹമുള്ളവര്‍ക്ക് ഹൃദ്രോഗലക്ഷണങ്ങളോ നെഞ്ചുവേദനയോ പ്രത്യക്ഷമായി അറിയണമെന്നില്ല. ഇടയ്ക്കിടെ ഹൃദ്രോഗസാധ്യത പരിശോധിപ്പിക്കണം.
- പ്രമേഹരോഗികളില്‍ ഗ്യാസ്ട്രബിള്‍, നെഞ്ചെരിച്ചില്‍, തികട്ടല്‍ പോലുള്ള പ്രശ്നങ്ങള്‍ അനുഭവപ്പെട്ടാല്‍ ഹൃദ്രോഗലക്ഷണമല്ലെന്ന് ഉറപ്പാക്കണം. പ്രമേഹരോഗികള്‍ കൃത്യമായി മരുന്നുകള്‍ കഴിക്കണം.
- രക്തസമ്മര്‍ദം കൂടാതെ നോക്കണം. അതിനുള്ള ഭക്ഷണക്രമവും ജീവിതരീതിയും പാലിക്കണം.
- ബി.പി.യുള്ളവര്‍ ഇടയ്ക്കിടെ പരിശോധന നടത്തി ഹൃദ്രോഗസാധ്യതയില്ലെന്ന് ഉറപ്പാക്കണം.
- പാരമ്പര്യമായി ഹൃദ്രോഗം, കൊളസ്ട്രോള്‍, ബി.പി., പ്രമേഹം തുടങ്ങിയവയുള്ളവര്‍ ചിട്ടയായ ജീവിതശൈലി ചെറുപ്പത്തിലേ ശീലിക്കണം.
- വീട്ടിലും പറമ്പിലുമൊക്കെയുള്ള ചെ റുജോലികളെങ്കിലും സ്വയം ചെയ്യുക. വീട്ടുജോലികളിലും മറ്റും കുട്ടികളെ നി ര്‍ബന്ധമായും പങ്കെടുപ്പിച്ച്, മെയ്യനങ്ങുന്ന ശീലം ഉണ്ടാക്കിയെടുക്കുക.
- ഓഫീസുകളിലും മറ്റും കോണിപ്പടി ക യറിപ്പോകുകയെന്നത് ശീലമാക്കുക. ലിഫ്റ്റ് അത്യാവശ്യത്തിനു മാത്രം ഉപയോഗിക്കുക. ഇറങ്ങാന്‍ ലിഫ്റ്റ് വേണ്ട.
- ഒരു കിലോമീറ്ററും മറ്റുമുള്ള ചെറിയ ദൂ രങ്ങള്‍ക്ക് ബസ്, ഓട്ടോ തുടങ്ങിയ വാ ഹനങ്ങളെ ആശ്രയിക്കാതിരിക്കുക.
- ഒന്നോ രണ്ടോ കിലോമീറ്റര്‍ മാത്രമേയുള്ളൂവെങ്കില്‍, കുട്ടികള്‍, സ്‌കൂളിലേക്ക് നടന്നുപോവുക ശീലമാക്കണം. 'അഞ്ചും പത്തും നാഴിക നടന്ന് പഠിച്ച' കാര്യം മുത്തച്ഛന്മാരും മറ്റും പറയുന്നത് കേള്‍ക്കാറില്ലേ. ചെറുപ്പത്തിലെ ഈ നടത്തം ജീവിതാന്ത്യം വരെ ആരോഗ്യത്തി നുമുതല്‍ക്കൂട്ടാണ്.
- വീട്ടിലും ജോലിസ്ഥലത്തും വലിയ ജോലികളില്ലാത്തവര്‍ വ്യായാമത്തിനായി രാവിലെ, നിത്യം, അരമണിക്കൂറെങ്കിലും നടക്കണം.
- പ്രഭാത സായാഹ്ന സവാരികളില്‍ സാമാന്യം വേഗത്തില്‍ വേണം നടക്കാന്‍. നടന്നു വിയര്‍ക്കണമെന്നര്‍ഥം.
- മറ്റു പ്രശ്നങ്ങളില്ലാത്തവര്‍, നിത്യവും അല്‍പദൂരം ഓടുന്നതും നീന്തുന്നതും നല്ലതാണ്. അടുത്ത് കുളമോ പുഴയോ ഉള്ളവര്‍ നീന്തിക്കുളിക്കുന്നതാണ് ഉത്തമം.
- കുട്ടികള്‍ ദിവസവും കുറച്ചുനേരമെങ്കിലും ഓടിച്ചാടിക്കളിക്കണം.
- പതിവുയാത്രകളില്‍ എപ്പോഴും ഒരു സ്റ്റോപ്പ് മുന്‍പേ ബസ്സിറങ്ങി നടക്കുക. തിരിച്ചുപോകുമ്പോള്‍ ഏറ്റവുമടുത്ത സ്റ്റോപ്പ് ഒഴിവാക്കി തൊട്ടടുത്ത സ്റ്റോപ്പിലേക്ക് നടന്ന് ബസ്സ് കയറുക. ചുറ്റുപാടുമായുള്ള ആരോഗ്യകരമായ ബന്ധത്തിനും ഇതുപകരിക്കും.
- ബൈക്കും കാറുമൊക്കെയുപയോഗിക്കുന്നവര്‍ ചെറിയ ദൂരങ്ങള്‍ക്കും മറ്റും വാഹനമുപയോഗിക്കാതിരിക്കുക. ആരോഗ്യം നേടാം, പണവും ലാഭം.
- ചെറുചെറുയാത്രകള്‍ക്ക് സൈക്കിള്‍ ഉപയോഗിക്കുന്നത് നല്ലൊരു വ്യായാമമാണ്. വികസിത രാജ്യങ്ങളില്‍ മറ്റു വാഹനങ്ങളുള്ളവരും നിത്യവും സൈ ക്കിള്‍ സവാരി ചെയ്യാറുണ്ട്. പല രാജ്യങ്ങളിലും സൈക്കിള്‍സവാരി ഒരു സ്റ്റാ റ്റസ് സിംബലായി മാറിവരികയാണ്.
- ഇരുന്നു ജോലി ചെയ്യുന്നവര്‍ ഇടവേളകളില്‍ എഴുന്നേറ്റു നടക്കുന്നത് ശീലമാക്കണം.
- അടുക്കളത്തോട്ടവും പൂന്തോട്ടവും സ്വയം നിര്‍മിക്കുകയും നന്നായി പരിപാലിക്കുകയും ചെയ്യുന്നത് നല്ലതാണ്.
- അത്താഴത്തിനു ശേഷം കുടുംബാംഗങ്ങളോടൊപ്പം ചെറിയൊരു നടത്തം പതിവാക്കുക. വീട്ടുമുറ്റത്തോ തൊടിയിലോ മതിയാകുമിത്.
- നാല്‍പതു വയസ്സു കഴിഞ്ഞാല്‍ പെട്ടെന്നൊരു ദിവസം വലിയ വ്യായാമങ്ങള്‍ തുടങ്ങുന്നത് നന്നല്ല. ഡോക്ടറുടെ ഉപദേശം തേടുക.
- നിത്യേന വായനശാല, ദേവാലയങ്ങള്‍ തുടങ്ങിയ കേന്ദ്രങ്ങളിലേക്കുള്ള നടത്തം ശീലമാക്കുക.
- പുകവലി പാടേ ഉപേക്ഷിക്കുക. പുതുതലമുറയ്ക്ക്, ഈ ദുശ്ശീലം തുടങ്ങാനാകാത്തവിധം ബോധവത്ക്കരണം നല്‍കുക.
- മദ്യപാനം ഒഴിവാക്കുക. മദ്യം, മറ്റു നിരവധി പ്രശ്നങ്ങള്‍ക്കു പുറമേ ഹൃദയാഘാതത്തിനും കാരണമാകും.
- ശരീരഭാരം കൂടാതെ നോക്കണം. ഉയരത്തിനനുസരിച്ചുള്ള തൂക്കമേ ആ കാവൂ.
- ചെയ്യുന്ന വ്യായാമങ്ങളുടെയും (നടത്തമുള്‍പ്പെടെ) കഴിക്കുന്ന ഭക്ഷണത്തിന്റെയും പട്ടിക തയ്യാറാക്കുക. എന്തു മാറ്റം വരുത്തണമെന്ന് സ്വയം ബോധ്യപ്പെടും.
- മുതിര്‍ന്നവര്‍ മൂന്നുമാസത്തിലൊരിക്കലെങ്കിലും തൂക്കം നോക്കുക. ശരീരഭാരം കൂടുന്നില്ലെന്ന് ഉറപ്പാക്കുക.
- മനസ്സിന് അനാവശ്യ പിരിമുറുക്കമുണ്ടാകാതെ നോക്കണം. വേണ്ട കാര്യങ്ങളില്‍ 'ടെന്‍ഷന്‍' ആവാം, അമിതമായ ഉത്കണു പാടില്ല.
- എത്ര ജോലിയുണ്ടെങ്കിലും ചിട്ടയായി ചെയ്തുതീര്‍ക്കാന്‍ ശ്രമിക്കുക. അതിനിടയില്‍ മതിയായ വിശ്രമവും വിനോദവും ഉറപ്പാക്കണം.
- രാത്രി നേരത്തേ കിടന്ന് അതിരാവിലെ ഉണരുന്നതാണ് നല്ലത്. അതിനു പറ്റാത്തവര്‍ വേണ്ടത്ര സ്വച്ഛമായ ഉറക്കം ഉറപ്പുവരുത്തണം. പകലുറങ്ങുന്നത് ഒഴിവാക്കണം.
- മനസ്സിനും ശരീരത്തിനും ശാന്തത പകരുന്ന ധ്യാനം, യോഗാമുറകള്‍ തുടങ്ങിയവ ശീലിക്കുക. ഏകാഗ്രത കൂട്ടാം, രോഗങ്ങളകറ്റുകയും ചെയ്യാം. നിത്യ വും അരമണിക്കൂര്‍ ഇതിനായി നീക്കിവെക്കാം.
- അനാവശ്യമായ മദമാത്സര്യങ്ങളും പക, അസൂയ, വിദ്വേഷം തുടങ്ങിയ വിരുദ്ധവികാരങ്ങളും പിരിമുറുക്കം കൂട്ടുകയും ഹൃദ്രോഗസാധ്യതയേറ്റുകയും ചെയ്യും.
- ആഹ്ലാദകരമായ കുടുംബാന്തരീക്ഷത്തിന് ആരോഗ്യകരമായ ലൈംഗികജീവിതം അനുപേക്ഷണീയമാണ്.
Content Highlihts: best diet for healthy heart, World Heart Day 2019, Healthy Heart, Heart Diseases
