• News
  • Views
  • Videos
  • Movies
  • Sports
  • Money
  • Women
  • Health
More
Hero Hero
  • News
  • Features
  • MyPost
  • Videos
  • Hair & Beauty
  • Yoga
  • Diseases
  • Parenting
  • ArogyaMasika
  • Dr.V.P.Gangadharan
  • Mental Health
  • Sexual Health
  • Women's Health
  • Fitness
  • Blood Donors Club
  • Preg. Calendar

'പെടയ്ക്കണ' മീനില്‍ ജീവിതം കണ്ടെത്തി നിവ്യയും പ്രബിതയും

Dec 30, 2020, 10:48 AM IST
A A A

''സ്ത്രീകള്‍ ഏതുരംഗത്തും ശോഭിക്കും. ഉണര്‍ന്നു പ്രവര്‍ത്തിക്കണമെന്നു മാത്രം. മുന്‍പരിചയമില്ലെങ്കിലും കുഴപ്പമൊന്നുമില്ല''

# എബി പി. ജോയി
കോഴിക്കോട് കക്കോടി പാലത്തിനു സമീപം വില്‍പ്പനയ്ക്കായി മീനുകള്‍ തട്ടില്‍ ഒരുക്കിവെക്കുന്ന പ്രബിതയും നി
X

കോഴിക്കോട് കക്കോടി പാലത്തിനു സമീപം വില്‍പ്പനയ്ക്കായി മീനുകള്‍ തട്ടില്‍ ഒരുക്കിവെക്കുന്ന പ്രബിതയും നിവ്യയും

''കോവിഡ്കാലം കഴിഞ്ഞാലും ഈ തൊഴില്‍ തുടരും'' -തികഞ്ഞ ആത്മവിശ്വാസത്തോടെയാണ് കിടിലന്‍ പുതുജീവിതമാര്‍ഗം കണ്ടെത്തിയ കക്കോടിയിലെ നിവ്യയും പ്രബിതയും പറയുന്നത്. നവംബര്‍ 17-നാണ് കോഴിക്കോട്-ബാലുശ്ശേരി റോഡില്‍ കക്കോടിപാലത്തിനു സമീപം ഇരുവരും മീന്‍കച്ചവടം തുടങ്ങിയത്.

വന്‍കിട സൂപ്പര്‍മാര്‍ക്കറ്റിലെ സെയില്‍സ് പ്രൊമോട്ടറായിരുന്നു ആറുവര്‍ഷമായി പ്രബിത. നിവ്യ മൂന്നുവര്‍ഷമായി പ്രമുഖ വസ്ത്രവിപണന ശാലയില്‍ സെയില്‍സ് ഗേളും. ഇരുവരും പ്ലസ് ടു പാസായവര്‍. കോവിഡ് മഹാമാരി തൊഴില്‍ നഷ്ടപ്പെടുത്തിയപ്പോള്‍ ജീവിതം കരുപ്പിടിപ്പിക്കാന്‍ ഇവര്‍ പാതയോരത്ത് മീന്‍ തട്ടൊരുക്കുകയായിരുന്നു.

കക്കോടി അഭയം കുടുംബശ്രീയില്‍നിന്ന് 20,000 രൂപ കടമെടുത്തു. കുടുംബം പിന്തുണയേകി. രാവിലെ ഏഴുമണിയോടെ പുതിയാപ്പ ഹാര്‍ബറില്‍നിന്ന് മീനെത്തും. ഉച്ചയ്ക്ക് 12 വരെയും വൈകുന്നേരം 4.30 മുതല്‍ രാത്രി 9.30 വരെയും ഇവരുടെ മത്സ്യവില്‍പ്പന പൊടിപൊടിക്കും.

രാത്രിയില്‍ തെരുവുവിളക്കിന്റെ വെളിച്ചത്തിലാണ് കച്ചവടം. ന്യായവിലയായതിനാല്‍ സ്ഥിരമായി ഇവിടെനിന്ന് മീന്‍വാങ്ങുന്നവര്‍ ഏറെ. മുമ്പ് വിപണനരംഗത്ത് പ്രവര്‍ത്തിച്ചതിന്റെ പരിചയം കൈമുതലാക്കിയാണ് ഇവരുടെ കച്ചവടം. മീന്‍വൃത്തിയാക്കി, മുറിച്ച് നല്‍കുന്നതിനാല്‍ വീട്ടമ്മമാര്‍ക്കും സന്തോഷം. കല്യാണസദ്യയ്ക്കുള്ള ഓര്‍ഡറും സ്വീകരിക്കാറുണ്ട്.

സൂത, മത്തി, അയല, ചെമ്മീന്‍, ഞണ്ട്, കണയന്‍ തുടങ്ങിയവയാണ് കടയിലുള്ളത്. കച്ചവടം ലാഭകരമായി ഒന്നരമാസത്തോളം പിന്നിടുമ്പോള്‍ ഇരുവര്‍ക്കും താത്പര്യവും ഉത്സാഹവുമേറി. പ്രബിതയുടെ സഹോദരനും മീന്‍പിടിത്തക്കാരനുമായ പ്രമോദ് നല്‍കുന്ന പ്രോത്സാഹനം കൂടിയാവുമ്പോള്‍ കച്ചവടം ജോര്‍. മത്സ്യം കേടാകാതെ സൂക്ഷിച്ചുവെക്കാനുള്ള സൗകര്യവും ഇവര്‍ക്കുണ്ട്. പ്രതിദിനം ശരാശരി 8000 രൂപയുടെ കച്ചവടമുണ്ടാവും. അമിത ലാഭമെടുക്കില്ല. അതിനാല്‍ നല്ല കച്ചവടമാണ്.

 
 
 
 
View this post on Instagram
 
 
 
 
 
 
 
 
 
 
 

A post shared by Mathrubhumi (@mathrubhumidotcom)

കാളില്‍റോഡ് കാട്ടില്‍പീടികയില്‍ വേലായുധന്റെ മകളാണ് നിവ്യ. ഭട്ട് റോഡ് ബീച്ച് സ്രാമ്പിപ്പറമ്പില്‍ പത്മരാജന്റെ മകളാണ് പ്രബിത. ''സ്ത്രീകള്‍ ഏതുരംഗത്തും ശോഭിക്കും. ഉണര്‍ന്നു പ്രവര്‍ത്തിക്കണമെന്നു മാത്രം. മുന്‍പരിചയമില്ലെങ്കിലും കുഴപ്പമൊന്നുമില്ല'' -മീന്‍ കച്ചവടം ഉഷാറാവുന്നതിന്റെ ത്രില്ലില്‍ അതിമോഹങ്ങളില്ലാതെ ഇരുവരും ഏകസ്വരത്തില്‍ പറയുന്നു.

ആദിന്‍, അഭിനന്ദ് എന്നിവരാണ് നിവ്യയുടെ മക്കള്‍. നിരഞ്ജന, ആദിത്യന്‍, സൂര്യദേവ് എന്നിവരാണ് പ്രബിതയുടെ മക്കള്‍. കുട്ടികളെ പഠിപ്പിച്ച് നല്ലനിലയിലെത്തിക്കണമെന്നതു മാത്രമാണ് ഇവരുടെ ഇപ്പോഴത്തെ ആഗ്രഹം.

Content Highlights: Two women started fish sale when they lost their job during Covid 19, Health, Forgot 2020, Covid 19, Corona Virus outbreak

PRINT
EMAIL
COMMENT
Next Story

ബസ് വിറ്റാലെന്താ, പോത്തുകച്ചവടമുണ്ടല്ലോ

കാഞ്ഞങ്ങാട് നീലേശ്വരം കാലിച്ചാനടുക്കം റൂട്ടിലെ 'ഗാലക്സി' ബസ്സുടമയായിരുന്നു .. 

Read More
 

Related Articles

സിംപിളാണ്, മനോഹരവും ; വിവാഹത്തിന് വരുണിന്റെ പ്രിയപത്‌നി നടാഷ സുന്ദരിയായതിങ്ങനെ
Women |
Health |
സെര്‍വിക്കല്‍ കാന്‍സറിനെ പ്രതിരോധിക്കാന്‍ അറിയേണ്ട കാര്യങ്ങള്‍
Food |
ഇടനേരത്ത് കഴിക്കാന്‍ ചിക്ക്പി സാലഡ്
Health |
നാല്‍പത് കടന്നോ? ദിവസവും നട്‌സ് കഴിക്കൂ, ഡിമെന്‍ഷ്യ വരാതെ നോക്കാം
 
  • Tags :
    • COVID19
    • Corona Virus
    • Health
    • Forgot 2020
    • Women
More from this section
ബസുടമയായ നജീബും പിതാവ് ഇബ്രാഹിമും കാഞ്ഞിരപ്പൊയില്‍ ചോമങ്കോട്ടെ പോത്ത്ഫാമില്‍
ബസ് വിറ്റാലെന്താ, പോത്തുകച്ചവടമുണ്ടല്ലോ
Abdul Khader
കോവിഡില്‍ വണ്ടി കട്ടപ്പുറത്തായപ്പോള്‍ റോഡരികില്‍ 'ചങ്ക്സ്'നൊപ്പം അബ്ദുള്‍ഖാദര്‍
 കാളികാവ് സ്രാമ്പിക്കല്ലിലെ പ്രവാസി കോണ്‍ക്രീറ്റ് ടീം
പ്രവാസി കോണ്‍ക്രീറ്റ് ടീം പ്രഖ്യാപിക്കുന്നു വിദേശത്തെ തൊഴില്‍ അസ്തമിച്ചാലും വഴിമുട്ടില്ല ജീവിതം
സിജോ ജോസും വിഷ്ണു വേണുഗോപാലും പച്ചക്കറി സൂപ്പര്‍മാര്‍ക്കറ്റില്‍
പണി പോയപ്പോള്‍ പടുത്തുയര്‍ത്തി പച്ചക്കറി സൂപ്പര്‍മാര്‍ക്കറ്റ്
kavya suresh
പഠനം ഓണ്‍ലൈനില്‍; ക്യാമറക്ലിക്കില്‍ ക്ലിക്കായി കാവ്യ
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.