പല്ലിന്റെ ഇനാമല്‍ സംരക്ഷിക്കാന്‍ 10 കാര്യങ്ങള്‍

1A

1/12

1.jpg

2/12

ഇനാമല്‍ എന്ന ഉരുക്കുകോട്ട 

പല്ലിന്റെ ആരോഗ്യം അതിനെ സംരക്ഷിക്കുന്ന ഇനാമലിന്റെ കരുത്തുമായി ബന്ധപ്പെട്ടിരിക്കുന്നു. പല്ലിനുള്ളിലെ മൃദുലമായ ഭാഗങ്ങളെ സംരക്ഷിക്കുകയെന്നതാണ് ഇനാമലിന്റെ പ്രാഥമിക ധര്‍മം. മനുഷ്യശരീരത്തിലെ ഏറ്റവും കടുപ്പമേറിയ ഭാഗമാണ് ഇനാമല്‍. ഇതുള്ളതുകൊണ്ടാണ് ഭക്ഷണം ചവയ്ക്കാനും കടിച്ചു തിന്നാനുമൊക്കെ സാധിക്കുന്നത്. അതിനാല്‍ ദന്ത സംരക്ഷണം എന്നാല്‍ ഇനാമല്‍ കേടുകൂടാതെ സംരക്ഷിക്കുക എന്നതാണ്. മുട്ടയുടെ പുറമേയുള്ള തോട് അതിനുള്ളിലുള്ളതിനെ സംരക്ഷിക്കുന്നതുപോലെയാണ് ഇനാമല്‍ പല്ലിനെ കാത്തുസൂക്ഷിക്കുന്നത്.

2.jpg

3/12

പല്ലിന്റെ നിറംമാറ്റത്തിനു പിന്നില്‍

പല്ലിന്റെ പുറമെ കാണുന്ന ഭാഗമാണ് ഇനാമല്‍. അതുകൊണ്ടുതന്നെ സാധാരണഗതിയില്‍ നമ്മള്‍ കഴിക്കുന്നതും കുടിക്കുന്നതുമായ ആഹാര പാനീയങ്ങള്‍ പല്ലില്‍ പറ്റിപ്പിടിച്ചിരിക്കാനും കറവീഴ്ത്താനും സാധ്യതയുണ്ട്. പുകവലി, ചായ, കാപ്പി എന്നിവയുടെ സ്ഥിരമായ ഉപയോഗം എന്നിവ ഇനാമലിന്റെ നിറംമാറ്റത്തിന് കാരണമാകുന്നു. 

പൊതുവെ വെളുത്ത നിറത്തില്‍ കാണേണ്ട പല്ലുകള്‍ ഇതുകൊണ്ട് മഞ്ഞ നിറത്തിലൊ, ഇളം കറുപ്പ് നിറത്തിലോ ആയിത്തീരുന്നു. ചില മരുന്നുകളുടെ പാര്‍ശഫലംകൊണ്ടും ഇങ്ങനെ വരാം.

3.jpg

4/12

ആസിഡാണ് വില്ലന്‍

ഇനാമല്‍ കടുപ്പമേറിയ ഭാഗമാണെങ്കിലും അമ്ലസ്വഭാവമുള്ള സാഹചര്യത്തില്‍ വളരെ പെട്ടന്ന് നശിക്കും. കഴിക്കുന്ന ആഹാരം വായില്‍ പറ്റിപ്പിടിച്ചിരിക്കുകയാണെങ്കില്‍ ബാക്ടിരിയകളുടെ പ്രവര്‍ത്തന ഫലമായി ഉണ്ടാകുന്ന ആസിഡുകള്‍ പല്ലിന്റെ ഇനാമല്‍ കേടുവരുത്തുന്നു. ഒരിക്കല്‍ കേടുവന്ന ഇനാമലിന്റെ ഭാഗം അസ്ഥികളെപോലെ പിന്നീടൊരിക്കലും പഴയ അവസ്ഥയിലെത്തുകയില്ല. പല്ലുകള്‍ക്ക് ഇങ്ങനെ സംഭവിക്കുന്നത് ആദ്യം അതിന്റെ നടുഭാഗത്തായിരിക്കും. ശ്രദ്ധിച്ചിലെങ്കില്‍ ആ പല്ലുതന്നെ നഷ്ടപ്പെടാനും മതി.

4.jpg

5/12

വായ്ക്കുള്ളിലെ ആസിഡ് ഫാക്ടറി

ഭക്ഷണത്തിലെ ഷുഗര്‍, സ്റ്റാര്‍ച്ച് എന്നിവയാണ് വായ്ക്കുള്ളില്‍ വാസമുറപ്പിച്ചിട്ടുള്ള ബാക്ടീരിയകള്‍ ആഹാരമാക്കുന്നത്. തുടര്‍ന്ന് ബാക്ടീരിയകള്‍ പുറത്ത് വിടുന്ന അമ്ല സ്വഭാവമുള്ള പദാര്‍ഥങ്ങള്‍ ഇനാമലിന്റെ ആരോഗ്യത്തെ സാരമായി ബാധിക്കുന്നു. ഇക്കാര്യത്തില്‍ ബാക്ടീരിയകളെ പൂര്‍ണമായും കുറ്റപ്പെടുത്താന്‍ സാധിക്കില്ല. കാരണം സോഡ, ചിലതരം ജ്യൂസുകള്‍, മദ്യം എന്നിവയും ഇനാമലിനെ തകര്‍ക്കുന്നവയാണ്.

5.jpg

6/12

പല്ല് പ്രതികരിക്കുന്നു

പല്ലിന്റെ ഇനാമല്‍ തകര്‍ന്നാല്‍ ഉള്‍ഭാഗം വളരെപെട്ടന്ന് തന്നെ നശിക്കാന്‍ ആരംഭിക്കും. ഇനാമലിന്റെ സംരക്ഷണം നഷ്ടപ്പെട്ട പല്ല് വളരെ സെന്‍സിറ്റീവാകും. ചുട്, തണുപ്പ് തുടങ്ങിയവ പല്ല് വേദനയക്കൊ മറ്റ് അസ്വസഥതകള്‍ക്കോ കാരണമാകും. പല്ലിന്റെ ഉള്‍ഭാഗം എത്രത്തോളം കേടുവന്നു എന്നതിനെ അനുസരിച്ചിരിക്കും പല്ലിനുണ്ടാകുന്ന ബുദ്ധിമുട്ടുകള്‍.

6.gif

7/12

ദഹനക്കേട് ഒരു പ്രശ്‌നമാണ്

ഇതൊന്നുമല്ലാതെ ആരോഗ്യകരമായ കാരണങ്ങള്‍ കൊണ്ടും പല്ലുകള്‍ക്ക് കേടുവരാം. ബുളിമിയ (bulimia) എന്ന അവസ്ഥ ഉള്ളവര്‍ അമിതമായി ഭക്ഷണം കഴിക്കും. ഇത് ദഹന പ്രശ്‌നങ്ങള്‍ ഉണ്ടാക്കുകയും ഛര്‍ദ്ദിക്ക് കാരണമാകുകയും ചെയ്യുന്നു. തുടര്‍ച്ചയായി ഛര്‍ദ്ദിക്കുന്നതിലൂടെ ആമാശയത്തിലെ ഹൈഡ്രോക്‌ളോറിക് ആസിഡ് പല്ലിലെ ഇനാമലിലെ കേടുവരുത്തും. മറ്റ് ദഹന പ്രശ്‌നങ്ങള്‍ മൂലവും സമാനമായ അവസ്ഥ ഉണ്ടാകാറുണ്ട്.

7.gif

8/12

ഉമ്മിനീര്‍ എന്ന രക്ഷകന്‍

ആവശ്യത്തിന് ഉമ്മിനീര്‍ ശരീരം ഉത്പാദിപ്പിക്കാതെ വരുന്ന അവസ്ഥയില്‍ പല്ലിന് കേടുസംഭവിക്കാം. കാരണം ഉമ്മിനീരിന് ക്ഷാരഗുണമുള്ളതിനാല്‍ വായില്‍ ഉണ്ടാകുന്ന ആസിഡിനെ നിര്‍വീര്യമാക്കാന്‍ ഉമ്മിനീരിന് സാധിക്കും. ആവശ്യത്തിന് ഉമ്മിനീര്‍ ശരീരം ഉത്പാദിപ്പിക്കാതെ വരുമ്പോള്‍ വായ്ക്കുള്ളിലെ ആസിഡിന്റെ അളവ് കൂടുകയും പല്ലിന്റെ ഇനാമലിന്റെ നാശത്തിന് കാരണമാകുകയും ചെയ്യും. ചില മരുന്നുകള്‍ കഴിക്കുന്നവര്‍ക്കും ഇതുണ്ടായേക്കാം.

8.gif

9/12

പല്ല് കടിക്കരുത്, കടിക്കാന്‍ അനുവദിക്കരുത്

ഉറക്കത്തില്‍ പല്ല് കടിക്കുന്ന സ്വഭാവമുള്ളവര്‍ക്കും ഇനാമലിന്റെ നാശത്തിനെ അഭിമുഖീകരിക്കേണ്ടിവരും. എന്നാല്‍ ഉറങ്ങികിടക്കുന്ന അവസ്ഥയില്‍ ഇത് നിയന്ത്രിക്കാന്‍ സാധിക്കില്ല എന്നതിനാല്‍ ഇക്കാര്യത്തില്‍ ദന്ത ഡോക്ടറുടെ അഭിപ്രായത്തോടെ മൗത്ത് ഗാര്‍ഡ് ഉപയോഗിക്കാം.

9.gif

10/12

പല്ല് ചവയ്ക്കാനും കടിച്ചുമുറിക്കാനും മാത്രമുള്ളതാണ്

ചിലര്‍ കുപ്പികളുടെ അടപ്പ് തുറക്കാനും മറ്റും പല്ല് ഉപയോഗിക്കാറുണ്ട്. ഇത് വളരെ അപകടമാണെന്ന് മാത്രമല്ല ഇനാമല്‍ തേഞ്ഞ് പോകാനും ഇളകി പോകാനും വരെ കാരണമായേക്കാം. നഖം കടിക്കുക, പേന കടിക്കുക, കട്ടിയേറിയ ധാന്യങ്ങള്‍, ഐസ് എന്നിവ കടിച്ച് പൊട്ടിക്കുക എന്നിവയൊക്കെ ചെയ്താല്‍ പല്ലിന്റെ കാര്യം ഭാഗ്യം പോലിരിക്കും.

10.gif

11/12

ശ്രദ്ധവേണം കുട്ടികള്‍ക്ക്

കുട്ടികളിലാണ് കൂടുതലും പല്ലിന് കേട്‌വരുന്നതായി കാണുന്നത. ഇതിന് കാരണം മധുര പലഹാരങ്ങളുടെ ഉപയോഗം, കോള പോലുള്ള പാനീയങ്ങളുടെ അമിതമായ ഉപയോഗം ഫ്‌ളൂറൈഡിന്റെ അഭാവം എന്നിവയാണ്.

11.gif

12/12

ദന്തസംരക്ഷണം ദാ ഇങ്ങനെയൊക്കെയാണ്

ദന്തസംരക്ഷണം ആരോഗ്യത്തിന് അത്യാവശ്യമാണ്. ഭക്ഷണത്തിന് ശേഷം അരമണിക്കുറിനുള്ളില്‍ വായും പല്ലും വൃത്തിയാക്കിയിരിക്കണം. പല്ല് വൃത്തിയാക്കാന്‍ കനം കുറഞ്ഞ നാരുകളുള്ള ബ്രഷ് ഉപയോഗിക്കുന്നതാണ് ഇനാമലിന്റെയും മോണകളുടെയും ആരോഗ്യത്തിന് നല്ലത്. പല്ല് വൃത്തിയാക്കാനുള്ള പേസ്റ്റില്‍ ഫ്‌ളൂറൈഡ് അടങ്ങിയിട്ടുണ്ട് എന്ന് ഉറപ്പ് വരുത്തുക. ഭക്ഷണത്തിന് ശേഷം കുറച്ച് പാലൊ ചീസോ കഴിക്കുന്നതും പല്ലിന് ഗുണം ചെയ്യും. 

കൂര്‍ത്ത മുനയുള്ള വസ്തുക്കള്‍കൊണ്ട് പല്ല് കുത്താതിരിക്കുക. മൗത്ത് വാഷ് ഉപയോഗിക്കുന്നവര്‍ അതില്‍ ഫ്‌ളൂറൈഡ് അടങ്ങിയിട്ടുണ്ട് എന്ന് ഉറപ്പ് വരുത്തുക. പല്ല് വെളുപ്പിക്കുന്നതിനായി കെമിക്കല്‍ പ്രയോഗങ്ങള്‍ പല്ലില്‍ നടത്താതിരുക്കുക, ദന്ത ഡോക്ടറുടെ ഉപദേശം തേടുക എന്നിവയൊക്കെ ചെയതാല്‍ പല്ല് കൂടുതല്‍ കാലം ആരോഗ്യത്തോടെയിരിക്കും.

തയ്യാറാക്കിയത്: വിഷ്ണു എന്‍.എല്‍

 

 
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Most Commented