ഓരോ മൂന്ന് സെക്കൻഡിലും ഒരു അൽഷിമേഴ്സ് രോ​ഗി; രോഗമുണ്ടോയെന്ന് സംശയിക്കുന്നവരും കൂടുതൽ


അബിന മാത്യു

Representative Image | Photo: Canva.com

കണ്ണൂർ: സംസ്ഥാനത്ത് 2.16 ലക്ഷം മേധാക്ഷയ (ഡിമെൻഷ്യ) രോഗികളെന്ന് കണക്കുകൾ. അൽഷിമേഴ്സ് ആൻഡ് റിലേറ്റഡ് ഡിസോഡേഴ്സ് സൊസൈറ്റി ഓഫ് ഇന്ത്യയുടെ സർവേ പ്രകാരമാണ് കണക്ക്. ഇതിൽതന്നെ 60 ശതമാനത്തിന് മുകളിൽ അൽഷിമേഴ്സ് രോഗികളാണ്. രോഗബാധിതരെക്കാൾ തങ്ങൾക്ക് രോഗമുണ്ടോയെന്ന് സംശയിച്ച് വിളിക്കുന്നവരാണ് കൂടുതലെന്ന് കണ്ണൂർ ഡിമെൻഷ്യ കെയർ സൊസൈറ്റി പ്രസിഡന്റ് കാർത്തി ഭാസ്കരൻ പറഞ്ഞു.

അൽഷിമേഴ്സ് ഡിസീസ് ഇന്റർനാഷണലിന്റെ റിപ്പോർട്ടനുസരിച്ച് ഓരോ മൂന്ന് സെക്കൻഡിലും മേധാക്ഷയം ബാധിച്ച ഒരു പുതിയ വ്യക്തി ഉണ്ടാകുന്നു. 2050 ആകുമ്പോഴേക്കും 139 മില്യൺ മേധാക്ഷയബാധിതർ ഉണ്ടാകുമെന്നാണ് കണക്കുകൾ സൂചിപ്പിക്കുന്നത്.

മേധാക്ഷയം ഒരു രോഗാവസ്ഥയാണ്. ഇതിൽ കൂടുതൽ ആളുകളിൽ കാണപ്പെടുന്നത് അൽഷിമേഴ്സാണ്. അറുപതിന് മുകളിൽ പ്രായമുള്ളവരെയാണ് അൽഷിമേഴ്സ് അധികവും ബാധിക്കുക. ഫ്രോണ്ടോ ടെംപറൽ ഡിമെൻഷ്യ, വാസ്കുലർ ഡിമെൻഷ്യ, ലേവി ബോഡി ഡിമെൻഷ്യ, മിക്സഡ് ഡിമെൻഷ്യ തുടങ്ങിയവയും പ്രധാനപ്പെട്ടവയാണ്.

കൂടുതൽ പരിചരണകേന്ദ്രങ്ങൾ ആവശ്യം

കണക്കുകൾ പ്രകാരം 10 ശതമാനം ആളുകളിൽ മാത്രമാണ് രോഗനിർണയം നടക്കുന്നത്. 90 ശതമാനം രോഗബാധിതരും അവഗണിക്കപ്പെട്ടവരാണ്.

എം.എം.എസ്.ഇ. പരിശോധന, എം.ആർ.ഐ./സി.ടി. സ്കാൻ, വിറ്റാമിൻ ബി12/തൈറോയ്ഡ് ഹോർമോൺ എന്നീ പരിശോധകളിലൂടെ രോഗം നിർണയിക്കാം. സർക്കാർ, സ്വകാര്യ മേഖലകളിൽ മതിയായ രോഗനിർണയ, പരിചരണ കേന്ദ്രങ്ങൾ ഇല്ലാത്തതും രോഗനിർണയം വൈകുന്നതിനും രോഗബാധിതർ അവഗണിക്കപ്പെടുന്നതിനും കാരണമാകുന്നുണ്ടെന്ന് കുന്നംകുളം പകൽ പരിപാലനകേന്ദ്രത്തിൽ സോഷ്യൽ വർക്കറായ ഒ.പി. സുരേഷ് കുമാർ പറയുന്നു.

മേധാക്ഷയം ചികിത്സിച്ച് ഭേദമാക്കാൻ സാധ്യമല്ല. രോഗാവസ്ഥ മൂർച്ഛിക്കാതെ നോക്കാനും പരിചരണത്തിനുമാണ് സംവിധാനങ്ങൾ വേണ്ടത്. ചികിത്സ രോഗബാധിതരെക്കാൾ പരിചാരകർക്കാണ് ആവശ്യം. മേധാക്ഷയബാധിതരോട് ഇടപെടേണ്ടത് എങ്ങനെയെന്ന് പരിചാരകർ മനസ്സിലാക്കണം. ആവശ്യമെങ്കിൽ കൗൺസലിങ്ങും വേണം.

മേധാക്ഷയരോഗികളെ പരിചരിക്കുന്നതിന് സർക്കാർ നടപ്പിലാക്കിയ പദ്ധതിയാണ് ‘സ്മൃതിപഥം’ (കേരള സ്റ്റേറ്റ് ഇനീഷ്യേറ്റീവ് ഓൺ ഡിമൻഷ്യ). സാമൂഹികനീതിവകുപ്പിന്റെ കീഴിൽ 2014-ലാണ് പദ്ധതി ആരംഭിച്ചത്. ഇതിന്റെ ഭാഗമായി എറണാകുളം എടവനക്കാട് മുഴുവൻസമയ പരിചരണകേന്ദ്രവും തൃശ്ശൂർ കുന്നംകുളത്ത് പകൽ പരിപാലനകേന്ദ്രവും 2015 മുതൽ പ്രവർത്തിക്കുന്നുണ്ട്. രോഗബാധിതരുടെ എണ്ണം വർധിക്കുന്നത് കണക്കിലെടുത്ത് സംസ്ഥാനത്ത് കൂടുതൽ മെമ്മറി ക്ലിനിക്കുകളും പരിചരണ കേന്ദ്രങ്ങളും തുടങ്ങാനുള്ള തയ്യാറെടുപ്പിലാണ് സാമൂഹിനനീതിവകുപ്പ്.

Content Highlights: what is alzheimers disease


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented