കൂടുതല്‍ ഉറങ്ങിയാല്‍ സ്‌ട്രോക്ക് വരുമോ? പഠനങ്ങള്‍ പറയുന്നത്...


കൂടുതല്‍ സമയം ഉറങ്ങുകയും എന്നാല്‍, നല്ല ഉറക്കം കിട്ടാതിരിക്കുകയും ചെയ്യുന്നവരില്‍ സ്‌ട്രോക്കിനുള്ള സാധ്യത 82 ശതമാനം അധികമാണെന്നും പഠനം വ്യക്തമാക്കുന്നു

പ്രതീകാത്മക ചിത്രം | Photo: Getty Images

നമ്മുടെ ആരോഗ്യത്തിനും ശാരീരികക്ഷമതയ്ക്കും ഏറ്റവും അത്യാവശ്യമുള്ളതാണ് ഉറക്കം. ഉറക്കത്തിന്റെ അളവ് കുറയുന്നത് ഗുരുതരമായ ആരോഗ്യപ്രശ്‌നങ്ങളുണ്ടാക്കുമെന്ന് പഠനങ്ങളില്‍ കണ്ടെത്തിയിട്ടുണ്ട്. എന്നാല്‍, കൂടുതല്‍ ഉറങ്ങിയാല്‍ ആരോഗ്യപ്രശ്‌നങ്ങള്‍ സൃഷ്ടിക്കുമോ എന്ന സംശയത്തില്‍ നാളുകളായി പഠനങ്ങള്‍ നടന്നുവരികയാണ്. ദിവസവും എട്ടുമണിക്കൂറില്‍ കൂടുതല്‍ ഉറങ്ങുന്നത് സ്‌ട്രോക്കിന് വഴിവെക്കുമെന്ന് വ്യക്തമാക്കുകയാണ് പുതിയ പഠനം. ആറുമണിക്കൂറിനും എട്ടുമണിക്കൂറിനും ഇടയില്‍ ഉറങ്ങുന്നവരുമായി താരതമ്യം ചെയ്യുമ്പോള്‍ എട്ടുമണിക്കൂറിലധികം ഉറങ്ങുന്നത് ശീലമാക്കിയവരില്‍ സ്‌ട്രോക്കിനുള്ള സാധ്യത അധികമാണെന്നാണ് പഠനം വ്യക്തമാക്കുന്നത്.

സമകാലിക ജീവിതശൈലി കാരണം 25 വയസ്സില്‍താഴെ പ്രായമുള്ളവരില്‍ അപ്രതീക്ഷിത ഹൃദയസ്തംഭനം ഉണ്ടാക്കുമെന്നും ഇത് സ്‌ട്രോക്കിനു കാരണമാകുമെന്നുമാണ് പഠനം ചൂണ്ടിക്കാട്ടുന്നത്.

ശരാശരി 62 വയസ്സ് പ്രായമുള്ള 32,000 പേരിലാണ് പഠനം നടത്തിയത്. ന്യൂറോളജി എന്ന ജേണലിലാണ് പഠനം പ്രസിദ്ധീകരിച്ചത്.
പഠനത്തില്‍ പങ്കെടുത്തവരുടെ ഉറക്കത്തിന്റെ സമയക്രമവും സ്‌ട്രോക്ക് നിരക്കും ബന്ധിപ്പിച്ചാണ് ഗവേഷകര്‍ റിപ്പോര്‍ട്ട് തയ്യാറാക്കിയത്.

തലച്ചോറിലെ ഏതെങ്കിലും ഭാഗത്തേക്കുള്ള രക്ത ഒഴുക്കില്‍ തടസ്സം നേരിടുമ്പോഴാണ് സ്‌ട്രോക്ക് സംഭവിക്കുന്നത്. ഇത് തലച്ചോറിലെ കോശങ്ങളില്‍ നാശനഷ്ടമുണ്ടാക്കും. ദിവസം ഒന്‍പത് മണിക്കൂറോ അതിലധികമോ ഉറങ്ങുന്നവരില്‍ എട്ടുമണിക്കൂറിന് താഴെ ഉറങ്ങുന്നവരുമായി താരതമ്യപ്പെടുത്തുമ്പോള്‍ സ്‌ട്രോക്ക് വരാനുള്ള സാധ്യത 23 ശമതാനം കൂടുതലാണെന്ന് പഠനം വ്യക്തമാക്കുന്നു.

ഉച്ചയ്ക്ക് ഒരു മണിക്കൂര്‍ ഉറങ്ങുന്നവരില്‍ 30 മിനിറ്റിനു താഴെ ഉറങ്ങുന്നവരുമായി താരതമ്യപ്പെടുത്തുമ്പോള്‍ സ്‌ട്രോക്ക് ഉണ്ടാകാനുള്ള സാധ്യത 25 ശതമാനം അധികമാണ്. അതുപോലെ, കൂടുതല്‍ സമയം ഉറങ്ങുകയും എന്നാല്‍, നല്ല ഉറക്കം കിട്ടാതിരിക്കുകയും ചെയ്യുന്നവരില്‍ സ്‌ട്രോക്കിനുള്ള സാധ്യത 82 ശതമാനം അധികമാണെന്നും പഠനം വ്യക്തമാക്കുന്നു.

Content highlights: too much excessive sleep may increase stroke risk


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


06:03

16-ാം വയസ്സില്‍ പാര്‍ട്ടി അംഗത്വം; എതിരാളികള്‍ക്ക് പോലും സ്വീകാര്യന്‍... കോടിയേരി ഓർമയാകുമ്പോൾ

Oct 1, 2022

Most Commented