നെഞ്ചിലേക്ക് വ്യാപിച്ച തൈറോയ്ഡ് മുഴ ശസ്ത്രക്രിയയിലൂടെ നീക്കി; 52-കാരിക്ക് പുതുജീവിതം


തൈറോയ്ഡ് ഗ്രന്ഥിയില്‍ നിന്ന് നീക്കിയത് 15 സെന്റീമീറ്റര്‍ നീളവും 600 ഗ്രാം തൂക്കവുമുള്ള മുഴ

Representative Image| Photo: GettyImages

തിരുവനന്തപുരം: കോവിഡ് നിയന്ത്രണങ്ങള്‍ക്കിടയിലും അതിസങ്കീര്‍ണ ശസ്ത്രക്രിയ അടിയന്തരമായി നടത്തി രോഗിക്ക് പുതുജീവന്‍ നല്കി തിരുവനന്തപുരം മെഡിക്കല്‍കോളേജാശുപത്രി. ശ്വാസതടസ്സവും നെഞ്ചുവേദനയുമായെത്തിയ 52-കാരിയുടെ തൈറോയ്ഡ് ഗ്രന്ഥിയില്‍ നിന്ന് 15 സെന്റീമീറ്റര്‍ നീളവും 600 ഗ്രാം തൂക്കവുമുള്ള മുഴ ശസ്ത്രക്രിയയിലൂടെ നീക്കംചെയ്താണ് അപകടാവസ്ഥയില്‍ നിന്ന് രക്ഷിച്ചത്.

മേയ് 23-നാണ് പൂന്തുറ സ്വദേശിനിയായ വീട്ടമ്മയെ അത്യാസന്നനിലയില്‍ തിരുവനന്തപുരം മെഡിക്കല്‍കോളേജാശുപത്രിയിലെ അത്യാഹിതവിഭാഗത്തിലെത്തിച്ചത്. പരിശോധനയില്‍ ഹൃദയാഘാതമുണ്ടായതായി കണ്ടെത്തി. തുടര്‍ന്ന് തീവ്രപരിചരണവിഭാഗത്തിലേക്ക് മാറ്റി. ചികിത്സ നല്കുന്നതിനിടെ ശ്വാസതടസ്സം വര്‍ധിച്ചു. വെന്റിലേറ്ററിന്റെ സഹായത്തോടെ കൃത്രിമശ്വാസം നല്‍കിയശേഷം തുടര്‍പരിശോധന നടത്തിയപ്പോഴാണ് തൈറോയ്ഡ് ഗ്രന്ഥിയില്‍ നിന്ന് നെഞ്ചിനുള്ളിലേക്ക് വളര്‍ന്ന മുഴ ശ്വാസനാഡിയെയും മഹാധമനിയെയും തടസ്സപ്പെടുത്തുന്നതായി കണ്ടെത്തിയത്.

ഹൃദയത്തിന്റെ പ്രവര്‍ത്തനം നിയന്ത്രണവിധേയമാക്കിയശേഷം രോഗിയെ ശസ്ത്രക്രിയാവിഭാഗത്തില്‍ പ്രവേശിപ്പിച്ചു.

തൈറോയ്ഡ് ഗ്രന്ഥിയില്‍നിന്ന് നീക്കം ചെയ്ത മുഴ
തൈറോയ്ഡ് ഗ്രന്ഥിയില്‍നിന്ന്
നീക്കം ചെയ്ത മുഴ

അഡീഷണല്‍ പ്രൊഫസര്‍ ഡോ.ആര്‍.സി.ശ്രീകുമാറിന്റെ നേതൃത്വത്തില്‍ അസിസ്റ്റന്റ് പ്രൊഫസര്‍ ഡോ.അനില്‍സുന്ദരം, ജൂനിയര്‍ റസിഡന്റുമാരായ ഡോ.അവിനാശ്, ഡോ.സിംന, ഡോ.കെവിന്‍, ഡോ.ജയഹരി എന്നിവരടങ്ങുന്ന സംഘം അടിയന്തര ശസ്ത്രക്രിയ നടത്തി. പകുതിയിലധികം ഭാഗവും നെഞ്ചിനുള്ളിലേക്ക് വ്യാപിച്ച് അപകടകരമായ നിലയിലായിരുന്ന മുഴ കഴുത്തിലുണ്ടാക്കിയ മുറിവിലൂടെ അഞ്ച് മണിക്കൂര്‍ നീണ്ട അതിസങ്കീര്‍ണ ശസ്ത്രക്രിയയിലൂടെയാണ് നീക്കം ചെയ്തത്.

അനസ്ത്യേഷ്യ വിഭാഗം പ്രൊഫസര്‍ ഡോ. ബാബുരാജ്, അസിസ്റ്റന്റ് പ്രൊഫസര്‍ ഡോ. നീതാജോസ്, ജൂനിയര്‍ റസിഡന്റ്മാരായ ഡോ. അഞ്ജലി, ഡോ. ശ്രീദേവി, സ്റ്റാഫ് നഴ്സുമാരായ ശിവകാമി, ശില്പ എന്നിവര്‍ ശസ്ത്രക്രിയയില്‍ പങ്കാളികളായി. ശസ്ത്രക്രിയാവിഭാഗം മേധാവി പ്രൊഫസര്‍ ഡോ. അബ്ദുല്‍ലത്തീഫ്, മെഡിസിന്‍വിഭാഗം അഡീഷണല്‍ പ്രൊഫസര്‍ ഡോ. ശ്രീകണ്ഠന്‍, സര്‍ജറിവിഭാഗം അസിസ്റ്റന്റ് പ്രൊഫസര്‍ ഡോ. ഉണ്ണികൃഷ്ണന്‍, ഡോ. രാജേഷ് എന്നിവര്‍ ശസ്ത്രക്രിയയ്ക്കും തുടര്‍ചികിത്സകള്‍ക്കും പൂര്‍ണ പിന്തുണ നല്കി. ആരോഗ്യനില മെച്ചപ്പെട്ടതിനെത്തുടര്‍ന്ന് രോഗി വീട്ടിലേക്ക് മടങ്ങി.

Content Highlights: Thyroid tumor which had spread to the chest was surgically removed at Medical College Thiruvananthapuram, Health

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented