കോവിഡ് മൂലം മാനസിക പിരിമുറുക്കവും ഉറക്കമില്ലായ്മയും


അഞ്ജലി എൻ. കുമാർ

നിരീക്ഷണത്തിലുള്ളവരും കോവിഡ് ബാധിതർക്കുമായി സംസ്ഥാന സർക്കാർ നടത്തുന്ന ‘ഒറ്റയ്ക്കല്ല ഒപ്പമുണ്ട്’ പദ്ധതിയിൽ നടത്തിയ പരിശോധനയിലാണ് കണ്ടെത്തൽ

Representative Image| Photo: GettyImages

കൊച്ചി: സംസ്ഥാനത്ത്‌ കോവിഡ് മൂലം മാനസിക പിരിമുറുക്കവും ഉറക്കമില്ലായ്മയും അനുഭവിക്കുന്നവരിൽ കൂടുതൽ പേർ എറണാകുളം ജില്ലയിൽ. നിരീക്ഷണത്തിലുള്ളവരും കോവിഡ് ബാധിതർക്കുമായി സംസ്ഥാന സർക്കാർ നടത്തുന്ന ‘ഒറ്റയ്ക്കല്ല ഒപ്പമുണ്ട്’ പദ്ധതിയിൽ നടത്തിയ പരിശോധനയിലാണ് കണ്ടെത്തൽ.

ജില്ലയിൽ ഇതുവരെ 3,19,154 പേർക്ക്‌ മാനസിക പിന്തുണ നൽകി. പിന്തുണ നൽകിയവരിൽ 18,862 പേർക്ക്‌ കൗൺസലിങ് വേണ്ടിവന്നു. മാനസിക പിന്തുണ ആവശ്യപ്പെട്ട് 1921 പേർ അധികൃതരെ വിളിച്ചു. മാനസിക പിരിമുറുക്കം നേരിടുന്നവരിൽ 24 പേർക്ക്‌ മരുന്നു നൽകിയുള്ള ചികിത്സ ആരംഭിച്ചു.

ജില്ലയിൽ ഇതുവരെ 3384 പേർക്ക്‌ മാനസിക പിരിമുറുക്കം ഉള്ളതായി കണ്ടെത്തി. ഇതു സംസ്ഥാനത്തെ ഏറ്റവും ഉയർന്ന കണക്കാണ്. 2113 പേരുമായി പാലക്കാടും 1464 പേരുമായി കൊല്ലവുമാണ് പിന്നിലുള്ളത്. അതോടൊപ്പം ഉറക്കമില്ലായ്മ ഏറെ അലട്ടുന്നതും ജില്ലയിലാണ്. ഇതുവരെ 877 പേർക്ക്‌ കോവിഡ് മൂലം ഉറക്കം നഷ്ടപ്പെട്ടു.

രോഗം വന്നതിനാൽ സമൂഹം മോശമായി ചിന്തിക്കുമോ, അകലം പാലിക്കുമോ തുടങ്ങിയുള്ള ചിന്തകളാണു പിരിമുറുക്കത്തിനു കാരണമെന്ന് ആരോഗ്യപ്രവർത്തകർ പറയുന്നു. ബന്ധുക്കളിൽനിന്ന്‌ അകന്നു കഴിയുന്നതുമൂലമുള്ള വിഷമവും താൻ മൂലം കുടുംബാംഗങ്ങൾ രോഗബാധിതരാകുമോ എന്ന വ്യാകുലതയുമെല്ലാം ഒരാളെ പിരിമുറുക്കത്തിലാഴ്ത്തുന്നുണ്ട്.

വൈകാരിക പിന്തുണയില്ലാത്തതിന്റെ തെളിവ്

കോവിഡ് മാത്രമല്ല, കോവിഡ് മൂലം സമൂഹത്തിലുണ്ടായ മാറ്റങ്ങളും അതിൽനിന്നു കരകയറാൻ ഒരു വൈകാരിക പിന്തുണ ലഭിക്കാത്തതുമൂലവുമാണ് മാനസിക പിരിമുറുക്കങ്ങൾ ഏറുന്നത്. വരുമാനം നിലച്ചതും പ്രിയപ്പെട്ടവർ അടുത്തില്ലാത്തതുമെല്ലാം ഇതിന് കാരണമാണ്. മാനസിക സഹായം തേടിയെത്തുന്ന വനിതകളും കൂടുതലാണ്. മാനസികവും ശാരീരികവുമായി ഉപദ്രവിക്കുന്ന പങ്കാളികളും വർക്ക് അറ്റ് ഹോം നൽകുന്ന പിരിമുറുക്കവും ഇതിനോടു ചേർത്തുവായിക്കാം. ലോക്ഡൗണിലും തുടർന്നുള്ള നാളുകളിലും ചെറിയ കാര്യങ്ങളിൽ പോലും മനസ്സ് ഉറയ്ക്കാതെ ആത്മഹത്യ ചെയ്യാനൊരുങ്ങിയ കൗമാരക്കാർ കൂടുതലാണ്. സുഹൃത്തുക്കളുമായുള്ള തുറന്നുപറച്ചിലുകൾ ഇല്ലാത്തതും വീട്ടിൽനിന്നുള്ള പിന്തുണയില്ലാത്തുമായിരുന്നു കാരണം. ഇത്തരം പ്രതിസന്ധി ഘട്ടത്തിൽ സാമ്പത്തിക പിന്തുണയ്ക്കൊപ്പം മാനസിക പിന്തുണയും ആവശ്യമാണ്.

-ഡോ. എലിസബത്ത് ആന്റണി,
ക്ലിനിക്കൽ സൈക്കോളജിസ്റ്റ്, എറണാകുളം ജനറൽ ആശുപത്രി

Content Highlights: Stress and insomnia caused by Covid19, Health, Covid19, Corona Virus

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented