കേരളത്തിന് പുറത്തുനിന്നുള്ള കുട്ടികള്‍ക്ക് ശ്രീചിത്രയില്‍ ഇനി സൗജന്യ ചികിത്സയില്ല


രാജേഷ് കെ. കൃഷ്ണന്‍

ആർ.ബി.എസ്.കെ. പദ്ധതി വഴി നേരത്തേ ലഭിച്ചിരുന്ന ഒ.പി. ചികിത്സയും ബുധനാഴ്ച മുതൽ സൗജന്യമല്ലാതാകും.

Representative Image | Photo: Gettyimages.in

തിരുവനന്തപുരം: കേരളത്തിന് പുറത്തുനിന്നുള്ള കുട്ടികൾക്ക് ശ്രീചിത്രയിൽ നൽകിവരുന്ന സൗജന്യചികിത്സ നിർത്തലാക്കുന്നു. കേന്ദ്രപദ്ധതിയായ രാഷ്ട്രീയ ബാൽ സ്വാസ്ഥ്യ കാര്യക്രം (ആർ.ബി.എസ്.കെ.) വഴി സൗജന്യമായി നൽകി വരുന്ന ചികിത്സയാണ് ബുധനാഴ്ച മുതൽ നിർത്തലാക്കുന്നത്. തിരഞ്ഞെടുത്ത ഹൃദ്രോഗങ്ങൾക്ക് അല്ലാതെയുള്ള കുട്ടികളുടെ രോഗങ്ങൾക്ക് കേരളത്തിലെ എ.പി.എൽ. വിഭാഗക്കാരും പണംനൽകണം. ആർ.ബി.എസ്.കെ. പദ്ധതി വഴി നേരത്തേ ലഭിച്ചിരുന്ന ഒ.പി. ചികിത്സയും ബുധനാഴ്ച മുതൽ സൗജന്യമല്ലാതാകും.

സംസ്ഥാന സർക്കാരിന് കീഴിൽ പ്രവർത്തിക്കുന്ന നാഷണൽ ഹെൽത്ത് മിഷൻ കേരളയും ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്‌നോളജിയും തമ്മിൽ ആർ.ബി.എസ്.കെ. പദ്ധതിയിൽ ഒപ്പിട്ട കരാർ പ്രകാരമാണ് സൗജന്യ ചികിത്സ നിർത്തലാക്കുന്നത്.

ആർ.ബി.എസ്.കെ. പദ്ധതിയിലൂടെ കേരളത്തിൽനിന്നുള്ള രോഗികൾക്ക് മാത്രമേ ഇനി ചികിത്സാ ആനുകൂല്യം ലഭ്യമാകൂ. തിരഞ്ഞെടുത്ത 23 ഇനം ഹൃദ്രോഗങ്ങൾക്കുള്ള കിടത്തിചികിത്സയ്ക്ക് മാത്രമായി സാമ്പത്തിക സഹായം പരിമിതപ്പെടുത്തുമെന്നും ശ്രീചിത്രാ അധികൃതർ പറഞ്ഞു.

സംസ്ഥാനത്ത് നിന്നുള്ള കുട്ടികൾക്കും കാർഡിയോളജി, കാർഡിയാക് സർജറി കേസുകൾക്ക് മാത്രമെ ഇനി സൗജന്യ ചികിത്സ നൽകു. റേഡിയോളജി, ന്യൂറോളജി, ന്യൂറോ സർജറി തുടങ്ങിയ കേസുകളിൽ ദാരിദ്ര്യരേഖയ്ക്ക് താഴെയുള്ള കേരളത്തിൽനിന്നുള്ള കുട്ടികൾക്ക് സംസ്ഥാന സർക്കാരിന്റെ ‘താലോലം’ പദ്ധതിപ്രകാരം കിടത്തിചികിത്സ ലഭ്യമാക്കും.

ഒട്ടേറെ കുട്ടികൾക്ക് സഹായമായ പദ്ധതികളാണ് പുതിയ കരാർ പ്രകാരം ഇല്ലാതാകുന്നത്. സംസ്ഥാനത്തിന് പുറത്തുനിന്ന്‌ 954 കുട്ടികളാണ് ഹൃദ്രോഗമടക്കമുള്ള രോഗങ്ങളുമായി കഴിഞ്ഞവർഷം ശ്രീചിത്രയിൽ ചികിത്സ തേടിയത്.

ആർ.ബി.എസ്.കെ. പദ്ധതി വഴി പുറമേനിന്നുള്ള കുട്ടികൾക്ക് സൗജന്യ ചികിത്സ തുടരണമെന്ന് ശ്രീചിത്ര അധികൃതർ ആവശ്യപ്പെട്ടെങ്കിലും കരാർ അവസാനിപ്പിക്കുകയാണെന്ന് നാഷണൽ ഹെൽത്ത് മിഷൻ കേരള അറിയിച്ചു. ഇക്കാര്യത്തിൽ സംസ്ഥാന, കേന്ദ്ര ആരോഗ്യ മന്ത്രാലയങ്ങൾക്ക് നിവേദനം നൽകിയെങ്കിലും നടപടിയുണ്ടായില്ല. ശ്രീചിത്ര സ്വന്തമായി നൽകിവരുന്ന ‘പേഷ്യന്റ് സബ്‌സിഡി സ്‌കീം’ പ്രകാരം എല്ലാ വിഭാഗത്തിലും നൽകിവരുന്ന സൗജന്യ ചികിത്സകൾ തുടരുമെന്ന് അധികൃതർ അറിയിച്ചു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022

Most Commented