‘സമാശ്വാസം’ ഇനി ബി.പി.എലിനുമാത്രം; പകുതിയിലേറെപ്പേർ അനർഹരാകും


സി. സാന്ദീപനി

നടപടി സാമ്പത്തികബാധ്യത താങ്ങാനാവില്ലെന്ന കാരണംപറഞ്ഞ്

Representative Image| Photo: GettyImages

കോട്ടയ്ക്കൽ: ഗുരുതരരോഗങ്ങൾ നേരിടുന്നവർക്കു മാസംതോറും നിശ്ചിതസംഖ്യ നൽകുന്ന സാമൂഹികസുരക്ഷാമിഷന്റെ സമാശ്വാസം പദ്ധതി ദാരിദ്ര്യരേഖയ്ക്കു താഴെയുള്ളവർക്കുമാത്രമായി പരിമിതപ്പെടുത്തി. ഉത്തരവായിട്ടില്ലെങ്കിലും കഴിഞ്ഞവർഷം മുതലുള്ള കുടിശ്ശികയുൾപ്പെടെ ഇനി ബി.പി.എൽ. വിഭാഗക്കാർക്കുമാത്രം നൽകിയാൽമതിയെന്നാണ് മിഷന്റെ തീരുമാനം.

എണ്ണായിരത്തിലേറെ വരുന്ന ഗുണഭോക്താക്കളിൽനിന്ന് ബി.പി.എലുകാരെ തരംതിരിച്ച് ഓണത്തിനുമുൻപ്‌ കുടിശ്ശിക കൊടുക്കാനുള്ള ശ്രമത്തിലാണ് ഉദ്യോഗസ്ഥർ. മുഴുവൻപേർക്കും കുടിശ്ശികയടക്കം കൊടുക്കണമെങ്കിൽ മുപ്പതുകോടിയോളം രൂപ വേണം. മാസംതോറും ഇത്ര വലിയ ബാധ്യത സർക്കാരിനു താങ്ങാനാകില്ലെന്ന് കഴിഞ്ഞ ഒക്ടോബർ പതിമൂന്നിനുചേർന്ന യോഗത്തിൽ ധനസെക്രട്ടറി വ്യക്തമാക്കിയിരുന്നു.

നാലുവിഭാഗങ്ങളായുള്ള പദ്ധതിയിൽ രണ്ടെണ്ണം നേരത്തേതന്നെ ദാരിദ്ര്യരേഖയ്ക്കു താഴെയാക്കി. പദ്ധതി മുഴുവനായും ബി.പി.എലുകാർക്കായി ചുരുക്കിയാൽ പകുതിയിലേറെ സാമ്പത്തികബാധ്യത കുറയ്ക്കാനാകുമെന്നാണ് കണക്കുകൂട്ടൽ. അഞ്ചുകോടി രൂപ മാത്രമാണ് സമാശ്വാസം നൽകാൻ ഇപ്പോൾ സർക്കാർ അനുവദിച്ച തുക.

സമാശ്വാസം നാലുതരം

  • മാസത്തിലൊരിക്കലെങ്കിലും ഡയാലിസിസ് ചെയ്യേണ്ട ബി.പി.എൽ. രോഗികൾക്ക് മാസം 1100 രൂപ. ഗുണഭോക്താക്കൾ: 5849.
  • വൃക്ക, കരൾ മാറ്റിവെക്കലിനു വിധേയരായവർക്കു തുടർചികിത്സയ്ക്കു മാസം 1000 രൂപ. ഗുണഭോക്താക്കൾ: 1500.
  • ഹീമോഫീലിയയും അനുബന്ധരോഗങ്ങളും പിടിപെട്ടവർക്ക് മാസം 1000 രൂപ. ഗുണഭോക്താക്കൾ: 1327.
  • അരിവാൾരോഗം ബാധിച്ച ആദിവാസി, ഗോത്രവിഭാഗങ്ങൾ ഒഴികെയുള്ളവർക്ക് മാസം 2000 രൂപ. ഗുണഭോക്താക്കൾ: 198.
കുടിശ്ശികയുമേറെ

അവയവം മാറ്റിവെച്ചവർക്ക്‌ 2020 ജൂലായ് മുതലും ഡയാലിസിസ് രോഗികൾക്ക് 2020 ഫെബ്രുവരി മുതലും ഹീമോഫീലിയക്കാർക്ക് 2020 നവംബർ മുതലും സമാശ്വാസം നൽകാനുണ്ട്. അരിവാൾ രോഗികൾക്കുള്ള സഹായം മാത്രമാണു കൊടുത്തുതീർത്തത്.

Content Highlights: SAMASHWASAM relief scheme will now be provided only to BPL patients, Health


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented