ഭാര്യയുടെ പ്രസവം കഴിഞ്ഞാല്‍ ഭര്‍ത്താക്കന്‍മാരിലും വരാം പ്രസവാനന്തര വിഷാദം


പ്രായം കുറഞ്ഞ അച്ഛന്‍മാരിലാണ് പറ്റേണല്‍ പോസ്റ്റ്പാര്‍ട്ടം ഡിപ്രഷന്‍ ഉണ്ടാകുന്നത്

Representative Image| Photo: GettyImages

പ്രസവാനന്തര വിഷാദം ബാധിക്കുന്ന സ്ത്രീകളെക്കുറിച്ച് ധാരാളം കേള്‍ക്കാറുണ്ട്. അമ്മയാവുന്ന ഒന്‍പതില്‍ ഒരാള്‍ പ്രസവാനന്തര വിഷാദം അനുഭവിക്കുന്നുണ്ടെന്നാണ് കണക്കാക്കപ്പെടുന്നത്. എന്നാല്‍ കുഞ്ഞ് പിറന്നാല്‍ അമ്മമാര്‍ക്ക് മാത്രമല്ല അച്ഛന്‍മാര്‍ക്കും വിഷാദം ഉണ്ടാകുന്നുണ്ടെന്നാണ്(Paternal Postpartum Depression-PPND) പുതിയ പഠനത്തില്‍ പറയുന്നത്. പ്രായം കുറഞ്ഞ അച്ഛന്‍മാരാണ് ഇത്തരത്തില്‍ പ്രസവാനന്തര വിഷാദത്തിന് അടിമപ്പെടുന്നതെന്നും അച്ഛന്‍മാരാവുന്ന പത്ത് ശതമാനം പേര്‍ ഈ അവസ്ഥ അനുഭവിക്കുന്നുണ്ടെന്നും ജേണല്‍ ഓഫ് അമേരിക്കല്‍ മെഡിക്കല്‍ അസോസിയേഷന്‍ പറയുന്നു.

കുഞ്ഞിന് വളര്‍ത്തേണ്ടതിനെക്കുറിച്ചുള്ള അറിവില്ലായ്മ, കുട്ടി വലിയ തോതില്‍ കരയുന്നത്, ചുമതലകള്‍ കൂടുന്നത്, ഭാര്യ ഭര്‍ത്താവിനെ മനസ്സിലാക്കാത്ത അവസ്ഥ, ഭാര്യ-ഭര്‍തൃ ബന്ധത്തിലെ പ്രശ്‌നങ്ങള്‍ തുടങ്ങിയ കാര്യങ്ങളാണ് പുരുഷന്‍മാരിലെ ഈ സമയത്തെ വിഷാദത്തിന് കാരണമായി പറയുന്നത്.

അമ്മ കുഞ്ഞിനോട് വളരെ പെട്ടെന്ന് ആത്മബന്ധം സ്ഥാപിക്കുമെങ്കിലും അച്ഛന്‍മാര്‍ക്ക് അതിന് സമയമെടുക്കും. സാമ്പത്തിക പ്രശ്‌നങ്ങള്‍ പോലുള്ള കാര്യങ്ങളും പുരുഷന്‍മാരില്‍ പ്രതിസന്ധിയുണ്ടാക്കും. അച്ഛന്‍മാരിലെ പ്രസവാനന്തര വിഷാദം ഗുരുതരമായി ഏറെനാള്‍ നീണ്ടുനില്‍ക്കുമെന്നതിനാല്‍ വിഷമം, അസ്വസ്ഥത, വ്യാകുലത എന്നിവയൊക്കെ ഉണ്ടാകാനും ഇടയുണ്ട്.

പരിഹരിക്കാന്‍ എന്തു ചെയ്യാം

നേരത്തെ തിരിച്ചറിഞ്ഞാല്‍ വീട്ടില്‍ വെച്ചുതന്നെ ഈ പ്രശ്‌നം പരിഹരിക്കാനാവും.

  • ടോക്ക് തെറാപ്പി(Talk Therapy) വിഷാദ ചികിത്സയ്ക്ക് വളരെ ഫലപ്രദമാണെന്നാണ് ഗവേഷകരുടെ കണ്ടെത്തല്‍.
  • കൃത്യമായി ഭക്ഷണം കഴിക്കുക.
  • ദിവസവും വ്യായാമം ചെയ്യുക.
  • രാത്രി കൃത്യമായി ഉറങ്ങുക.
  • കുഞ്ഞിന്റെ കരച്ചില്‍ ഉറക്കം കളയുന്നുണ്ടെങ്കില്‍ പകല്‍ സമയത്ത് അല്‍പനേരം ഉറങ്ങുക.
  • മദ്യം ഉള്‍പ്പടെയുള്ള ലഹരി ഉപയോഗത്തില്‍ നിന്ന് വിട്ടുനില്‍ക്കുക.
  • ഭാര്യയ്ക്കും കുഞ്ഞിനുമൊപ്പം മറ്റ് ആരെങ്കിലും ഉണ്ടെങ്കില്‍ ആ സമയം അല്പം നടക്കാന്‍ പോകാം. മനസ്സിലെ ഭാരമൊക്കെ ഒഴിഞ്ഞുപോകും.
  • ഇത്തരം കാര്യങ്ങളെല്ലാം ചെയ്തിട്ടും വിഷാദം മാറുന്നില്ലെങ്കില്‍ പ്രശ്‌നം ഗുരുതരമാവുന്നതിന് മുന്‍പായി ഒരു സൈക്കോളജിസ്റ്റിനെ കണ്ട് ആവശ്യമായ ഉപദേശം സ്വീകരിക്കുക.
Content Highlights: Postpartum depression in men take these steps to prevent it, Health, Postpartum depression

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022

Most Commented