.jpg?$p=70fc63a&f=16x10&w=852&q=0.8)
പ്രതീകാത്മക ചിത്രം | Photo: Getty Images
പലവിധ ശാരീരിക വേദനകള്‍ പ്രായമായവരുടെ ഉറക്കം കെടുത്തുന്ന ഒരു പ്രശ്‌നമാണ്. കുറേയേറെ പ്രശ്‌നങ്ങള്‍ക്ക് പരിഹാരമായി, മുതിര്‍ന്നവര്‍ക്ക് പ്രത്യേകമായി ജെറിയാട്രിക് ഫിസിയോ തെറാപ്പി എന്ന വിഭാഗംതന്നെയുണ്ട്. ഒറ്റക്കാര്യം മാത്രം - വിദഗ്ധരായ ഫിസിയോ തെറാപ്പിസ്റ്റിനെ നേരില്‍ക്കണ്ട് പരിശോധനയ്ക്ക് വിധേയരാകണം. പിന്നീട് വീട്ടില്‍നിന്നുതന്നെ ആകാം.
•കൂടുതല്‍ പ്രശ്‌നങ്ങള്‍ ഇവിടെ
•മുതുക്, കാല്‍മുട്ട്, ചുമല്‍, തുടയുടെയും പിന്‍കാലിന്റെയും പേശികള്‍, ഉപ്പൂറ്റി (ഹീല്‍).
•ശരീരത്തിന്റെ ചലനം തീരെ ഇല്ലാതാകുമ്പോള്‍ പേശികളുടെ ശേഷി കുറയും.
•തിരുത്തിയാല്‍ വലിയ ഫലം
•നടത്തം, ഇരുത്തം, കിടത്തം എന്നിവയില്‍ ചെറിയ മാറ്റംവരുത്തിയാല്‍ പല വേദനകള്‍ക്കും ആശ്വാസം ലഭിക്കും.
•ചെരിപ്പിന്റെ ഘടനയും ഇനവും ഉയരവും നമ്മുടെ ശരീരത്തിന്റെ പേശികളെയും സന്ധികളെയും ബാധിക്കും.
•വേദന ഉള്ളവര്‍ തുടര്‍ച്ചയായി പടികള്‍ കയറുന്നതും ഇറങ്ങുന്നതും ഒഴിവാക്കണം. പടികളുടെ ഉയരവും ഒരു ഘടകമാണ്.
•ചലിച്ചുകൊണ്ടേയിരിക്കണം
•നല്ല ആരോഗ്യത്തിനായി ചലിച്ചുകൊണ്ടേയിരിക്കണം. അവശതകളുണ്ടെന്ന് കരുതി ദൈനംദിന കാര്യങ്ങള്‍ വേണ്ടെന്ന് വെക്കരുത്.
•സ്ത്രീകളാണ് അറുപതുകള്‍ക്കുശേഷം കൂടുതല്‍ സക്രിയരാകുന്നവര്‍. വീട്ടുജോലികളിലും മറ്റും സ്ത്രീകള്‍ കൂടുതല്‍ സമയം ചെലവഴിക്കുമ്പോള്‍ പുരുഷന്മാര്‍ ഒതുങ്ങിക്കൂടുകയാണ്.
•വേദന വന്നുതുടങ്ങുമ്പോള്‍ത്തന്നെ പരിഹാരം തേടണം.
•എങ്ങനെ സക്രിയമാകാം
•അവനവന്റെ കാര്യങ്ങള്‍ സ്വയംചെയ്യാന്‍ ശ്രമിക്കുക.
• അരമണിക്കൂറെങ്കിലുംനടക്കണം. ഒറ്റയടിക്ക് പറ്റുന്നില്ലെങ്കില്‍ ഇടവിട്ട് നടക്കാം.
ദിവസവും വ്യായാമം ചെയ്യുന്നത്(പ്രത്യേകിച്ചും ശ്വാസമെടുത്തും വിട്ടും നടക്കുന്നത്) ആരോഗ്യത്തിലേക്കുള്ള വഴിയാണ്. ഇതുവഴി മസ്തിഷ്‌ക കോശങ്ങളിലേക്ക് കൂടുതല്‍ രക്തവും ഓക്‌സിജനും ലഭിക്കും. മറവിരോഗത്തെ പ്രതിരോധിക്കാന്‍ സഹായിക്കും.
•കിടപ്പുരോഗികള്‍ മുതല്‍ കായിക താരങ്ങള്‍വരെ
ഫിസിയോ തെറാപ്പിയുടെ ഗുണഭോക്താക്കള്‍ പ്രായമായവര്‍ മാത്രമല്ല. കായികതാരങ്ങള്‍, വലിയ ശസ്ത്രക്രിയക്ക് വിധേയരായവര്‍, അര്‍ബുധ ചികിത്സ തേടുന്നവര്‍, കിടപ്പുരോഗികള്‍, കോവിഡനന്തര ശാരീരിക ബുദ്ധിമുട്ടുള്ളവര്‍, പേശി സംബന്ധമായ ബുദ്ധിമുട്ട് നേരിടുന്നവര്‍, അംഗപരിമിതര്‍ എല്ലാം ഇതിന്റെ ഗുണഭോക്താക്കളാണ്.
വിവരങ്ങള്‍ക്ക് കടപ്പാട്:
ഡോ. അഷ്‌കര്‍ അലി കേലാട്ട്,
(എച്ച്.ഒ.ഡി. ആന്‍ഡ് ചീഫ് ഫിസിയോ തെറാപ്പിസ്റ്റ്, ആസ്റ്റര്‍ മിംസ്, കോഴിക്കോട്)
Content Highlights: physiotherapy for old age people geriatric physiotherapy
Also Watch
RELATED STORIES
.jpg?$p=be39324&f=1x1&w=100&q=0.8)
.jpg?$p=0321dbb&f=1x1&w=100&q=0.8)
.jpg?$p=f6f3400&f=1x1&w=100&q=0.8)
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=be39324&q=0.8&f=16x11&w=104)
.jpg?$p=e5ffab0&q=0.8&f=16x11&w=104)
.jpg?$p=7bb9d44&q=0.8&f=16x11&w=104)
.jpg?$p=5954cd7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..