പ്രതീകാത്മക ചിത്രം | ANI
സൗഹൃദങ്ങളും സാമൂഹിക ബന്ധങ്ങളുമൊക്കെ മാനസിക സൗഖ്യം പകരുന്നതിനെക്കുറിച്ച് നിരവധി പഠനങ്ങൾ പുറത്തുവന്നിട്ടുണ്ട്. ഇപ്പോഴിതാ അരുമ മൃഗങ്ങൾ ഉള്ളവർക്കും മാനസിക സന്തോഷം ലഭിക്കുമെന്ന് കണ്ടെത്തിയിരിക്കുകയാണ് ഒരു പഠനം. ഓമന മൃഗങ്ങളെ പരിപാലിക്കുന്നതു കൊണ്ടുള്ള ആരോഗ്യ ഗുണങ്ങളാണ് പഠനത്തിൽ കണ്ടെത്തിയിരിക്കുന്നത്.
പലരും വീട്ടിലെ ഒരംഗത്തെപ്പോലെ അരുമ മൃഗങ്ങളെ കാണുന്നവരാണ്. അത്തരക്കാരെ സന്തോഷിപ്പിക്കുന്നതാണ് പുതിയ പഠനം. വീട്ടിൽ ഒരു വളർത്തുമൃഗം ഉണ്ടാകുന്നത് തലച്ചോറിന്റെ പ്രവർത്തനത്തിന് ഗുണം ചെയ്യുമെന്നാണ് സയൻസ് അലർട്ടിൽ പങ്കുവെച്ചിരിക്കുന്ന റിപ്പോർട്ടിൽ പറയുന്നത്.
മിഷിഗൺ സർവകലാശാലയിലെ ഗവേഷകരാണ് പഠനത്തിനു പിന്നിൽ. അമേരിക്കയിലെ അമ്പതിനു മുകളിൽ പ്രായമുള്ളവരെ ആസ്പദമാക്കിയാണ് പഠനം സംഘടിപ്പിച്ചത്. അഞ്ചുവർഷത്തിൽ കൂടുതലായി അരുമ മൃഗങ്ങളെ പരിപാലിക്കുന്നവരിൽ സമയബന്ധിതമായി ഓർമ്മകൾ വീണ്ടെടുക്കാനുള്ള ശേഷി മികച്ച നിലയിൽ കാണപ്പെട്ടു. മസ്തിഷ്കത്തിന് പ്രായമാകുന്നതിന്റെ വേഗം കുറയ്ക്കാനും ഓമന മൃഗങ്ങൾക്ക് കഴിവുണ്ടെന്നാണ് പഠനം പറയുന്നത്.
2010 മുതൽ 2016 വരെ നടത്തിയ സർവേ ആധാരമാക്കിയാണ് നിഗമനത്തിലെത്തിത്. ഓരോ തവണ കോഗ്നിറ്റീവ് ടെസ്റ്റുകൾ നടത്തുമ്പോഴും ഇക്കൂട്ടരുടെ സ്കോറുകൾ കൂടിവരികയാണുണ്ടായത്. പ്രായമായവരിലും ഇക്കാര്യത്തിൽ ഗുണകരമായ മാറ്റങ്ങളാണ് കണ്ടുവന്നതെന്നും പഠനത്തിലുണ്ട്.
നേരത്തേയും സമാനമായ പഠനങ്ങൾ പുറത്തുവന്നിട്ടുണ്ട്. അരുമ മൃഗങ്ങളെ പരിപാലിക്കുന്നവർ നേരത്തേ എഴുന്നേൽക്കുകയും സജീവമായി ഇരിക്കുകയും ചെയ്യുന്നുവെന്ന് പഠനങ്ങൾ വ്യക്തമാക്കുന്നുണ്ട്. ഇത് മസ്തിഷ്കത്തിന്റെ ആരോഗ്യത്തിന് ഗുണം ചെയ്യുമെന്നും ഒപ്പം ഉടമകളുടെ ഏകാന്തതയും സമ്മർദവും കുറയ്ക്കുമെന്നും ഗവേഷകർ വ്യക്തമാക്കുന്നുണ്ട്.
Content Highlights: pets help protect your brain as you get older says study
Also Watch
RELATED STORIES
.jpg?$p=bfd19a9&f=1x1&w=100&q=0.8)
.jpg?$p=60d9f40&f=1x1&w=100&q=0.8)
.jpg?$p=58f860a&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=bdadd5b&f=1x1&w=100&q=0.8)
.jpg?$p=60d9f40&q=0.8&f=16x11&w=104)
.jpg?$p=58f860a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..