ഒമിക്രോൺ ബാധിക്കുക ശ്വസനപഥത്തിലെ ആദ്യഭാഗത്തെ; ജാഗ്രത വേണം


ശരണ്യ ഭുവനേന്ദ്രൻ

ശ്വസനപഥത്തിലെ ആദ്യ ഭാഗത്തെയാണ് (ശ്വാസകോശം ഒഴികെയുള്ള ഭാഗം) ഒമിക്രോൺ വകഭേദം ബാധിക്കുക.

പ്രതീകാത്മക ചിത്രം | Photo: A.N.I

ന്യൂഡൽഹി: നേരിയ രോഗലക്ഷണങ്ങളുടെ അടിസ്ഥാനത്തിൽ ഒമിക്രോണിനെ നിസ്സാരവത്കരിച്ചാൽ കാത്തിരിക്കുന്നത് ദുരന്തമായിരിക്കുമെന്ന് ആരോഗ്യവിദഗ്‌ധർ. ആളുകളുടെ പ്രതിരോധശേഷി നശിപ്പിക്കാൻ ശേഷിയുള്ളതാണ് ഈ കോവിഡ് വകഭേദം.

ജനുവരി ആദ്യവാരം ഏഴായിരത്തിൽ താഴെയുണ്ടായിരുന്ന പ്രതിദിന കോവിഡ് ബാധ ഏഴുദിവസംകൊണ്ട് ഒരുലക്ഷം കടന്നത് അതിതീവ്രവ്യാപനമാണ് വ്യക്തമാക്കുന്നതെന്നും ആരോഗ്യവിദഗ്ധർ ചൂണ്ടിക്കാട്ടുന്നു. ഗുരുതര രോഗബാധിതർ, 60 പിന്നിട്ട അനുബന്ധ രോഗമുള്ളവർ എന്നിവരിലേക്ക് രോഗമെത്തുന്നത് സ്ഥിതി വഷളാക്കും.



ബാധിക്കുന്നത് ശ്വസനപഥത്തിന്റെ ആദ്യ ഭാഗത്തെ

ശ്വസനപഥത്തിലെ ആദ്യ ഭാഗത്തെയാണ് (ശ്വാസകോശം ഒഴികെയുള്ള ഭാഗം) ഒമിക്രോൺ വകഭേദം ബാധിക്കുന്നതെന്നാണ് പഠനങ്ങൾ സൂചിപ്പിക്കുന്നത്.

രോഗലക്ഷണങ്ങൾ നേരിയതാകാനും രോഗവ്യാപനം അധികമാകാനും ഇതാണു കാരണം.

തീവ്രതകുറഞ്ഞ പനി

പനി, ശരീരവേദന, തലവേദന, ക്ഷീണം, അതിസാരം തുടങ്ങിയ ലക്ഷണങ്ങളാണ് ഇതുവരെ ഒമിക്രോൺ രോഗികളിൽ റിപ്പോർട്ട് ചെയ്തിട്ടുള്ളതെന്ന് എയിംസിലെ ട്രോമ സെന്റർ തലവൻ അഞ്ജൻ ത്രിക പറഞ്ഞു. രോഗിയുടെ പ്രതിരോധശേഷി അനുസരിച്ച് 72 മണിക്കൂർ മുതൽ 14 ദിവസംവരെ രോഗബാധ നീളാം. രോഗബാധിതരിൽ 90 ശതമാനവും രണ്ടുഡോസ് വാക്സിനും സ്വീകരിച്ചവരായതും രോഗതീവ്രത കുറയാൻ കാരണമാണെന്ന് അദ്ദേഹം പറഞ്ഞു.

ഡെൽറ്റ വകഭേദം ശ്വസനപഥത്തിലെ രണ്ടാം ഭാഗമായ ശ്വാസകോശത്തെയാണ് ബാധിച്ചിരുന്നത്. അതിനാലാണ് മണവും രുചിയും നഷ്ടപ്പെടുന്നതും ന്യുമോണിയ അടക്കമുള്ള രോഗങ്ങളുമുണ്ടാകുന്നതും.

3000 പിന്നിട്ട് രോഗബാധിതർ

രാജ്യത്തെ ഒമിക്രോൺ ബാധിതരുടെ എണ്ണം 3007-ലെത്തി. 1999 പേർ രോഗമുക്തിനേടി. മഹാരാഷ്ട്രയിലാണ് (876) കൂടുതൽ രോഗികൾ. ഡൽഹി (465), കർണാടകം (333), രാജസ്ഥാൻ (291), കേരളം (284), തുടങ്ങിയ സംസ്ഥാനങ്ങളിലാണ് കേസുകളധികവും.

Content highlights: omicron is not trivial and caution should be exercised


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022

Most Commented