കോവിഡ് രോഗികൾ വർധിക്കുന്നു; നിയന്ത്രണം കടുപ്പിച്ച് സംസ്ഥാനങ്ങൾ


രോഗാണു മൂക്കിലൂടെയും വായിലൂടെയുമാണ് ശരീരത്തില്‍ പ്രവേശിക്കുന്നത്.

പ്രതീകാത്മക ചിത്രം | Photo: A.N.I

ന്യൂഡല്‍ഹി: കോവിഡ് ബാധിതരുടെ എണ്ണം കുത്തനെ ഉയര്‍ന്നതോടെ കൂടുതല്‍ നിയന്ത്രണങ്ങളുമായി സംസ്ഥാനങ്ങള്‍. പുതിയ വകഭേദമായ ഒമിക്രോണ്‍ വ്യാപിക്കുന്നതിന്റെ പശ്ചാത്തലത്തിലാണ് നിയന്ത്രണങ്ങള്‍ കടുപ്പിക്കുന്നത്. പുതുച്ചേരിയില്‍ പുതിയ ഉത്തരവുണ്ടാകുന്നതുവരെ ഒന്നുമുതല്‍ ഒമ്പതുവരെ ക്ലാസുകള്‍ ഓണ്‍ലൈനാക്കിയതായി വിദ്യാഭ്യാസ മന്ത്രി എ. നമശ്ശിവായം അറിയിച്ചു. പുതുവത്സരത്തിനുമുമ്പ് പ്രതിദിന രോഗികളുടെ എണ്ണം 25-ഓളമായിരുന്ന സ്ഥാനത്ത് കഴിഞ്ഞ ദിവസം 444 പേര്‍ക്കാണ് കോവിഡ് സ്ഥിരീകരിച്ചത്.

തമിഴ്‌നാട്ടില്‍ മദ്രാസ് സര്‍വകലാശാല സെമസ്റ്റര്‍ പരീക്ഷകള്‍ നീട്ടിവെച്ചു. ഹിമാചല്‍ പ്രദേശില്‍ സര്‍ക്കാര്‍ ഓഫീസുകളുടെ പ്രവര്‍ത്തനം അഞ്ചുദിവസമാക്കി. 10 മുതല്‍ 24വരെ സമൂഹിക, മതപര കൂടിച്ചേരലുകള്‍ക്ക് വിലക്കേര്‍പ്പെടുത്തി.



രോഗികളുമായി അടുത്ത സമ്പര്‍ക്കം

ഒമിക്രോണിന്റെ അതിവ്യാപന സ്വഭാവമാണ് ആരോഗ്യപ്രവര്‍ത്തകരെ രോഗികകളാക്കുന്നതെന്ന് ഐ.എം.എ. നിയുക്ത സംസ്ഥാന (കേരളം) പ്രസിഡന്റ് ഡോ. സുല്‍ഫിക്കര്‍ പറഞ്ഞു. രോഗികളുമായി കൂടുതല്‍ അടുപ്പം പാലിക്കുന്നത് ആരോഗ്യപ്രവര്‍ത്തകരാണ്. ആദ്യ രണ്ടുഡോസ് വാക്‌സിനെടുത്ത് ഒമ്പതുമാസം പിന്നിട്ടുകഴിഞ്ഞു. വാക്‌സിനേകിയ പ്രതിരോധശേഷിയിലുണ്ടായ കുറവും രോഗം പെട്ടെന്ന് പിടിപെടാന്‍ കാരണമായി ചൂണ്ടിക്കാട്ടുന്നുവെന്ന് അദ്ദേഹം പറഞ്ഞു.

കോവിഡ് ചികിത്സയിലേര്‍പ്പെടുന്ന ആരോഗ്യപ്രവര്‍ത്തകര്‍ ഐ.സി.യു.വില്‍മാത്രം പി.പി.ഇ. കിറ്റ് ധരിച്ചാല്‍ മതിയെന്നാണ് ലോകാരാഗ്യസംഘടനയുടെ പുതുക്കിയ മാര്‍ഗനിര്‍ദേശമെന്ന് എയിംസ് മേധാവി ഡോ. രണ്‍ദീപ് ഗുലേറിയ പറഞ്ഞു.

രോഗാണു മൂക്കിലൂടെയും വായിലൂടെയുമാണ് ശരീരത്തില്‍ പ്രവേശിക്കുന്നത്. മൂന്നുപാളികളുള്ള മുഖാവരണത്തിനൊപ്പം കൈയുറകള്‍കൂടി ധരിക്കാമെന്ന് അദ്ദേഹം പറഞ്ഞു.

ലക്ഷണമില്ലെങ്കില്‍ ജോലി ചെയ്യാം

സമ്പര്‍ക്കപ്പട്ടികയിലുള്ളവര്‍ക്ക് കോവിഡ് ലക്ഷണങ്ങളില്ലെങ്കില്‍ ഏകാന്തവാസം വേണ്ടെന്ന നിലപാടിലാണ് ഡല്‍ഹി എല്‍.എം.എച്ച്.സി. അടക്കമുള്ള ആശുപത്രി അധികൃതര്‍. രോഗിയുമായി സമ്പര്‍ക്കമുണ്ടാകുന്നവര്‍ കോവിഡ് പരിശോധനയ്ക്ക് വിധേയരാകണം.

ഫലം നെഗറ്റീവാണെങ്കില്‍ മൂന്നുപാളികളുള്ള മുഖാവരണം ധരിച്ച് ജോലിയില്‍ തുടരാമെന്ന ആരോഗ്യമന്ത്രാലയത്തിന്റെ നിര്‍ദേശം മുന്‍നിര്‍ത്തിയാണ് നടപടി.

Content highlights: number of covid patients increasing day by day states tightening controls


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented