കുട്ടികളില്‍ പോഷകാഹാരക്കുറവ് കൂടുന്നുവെന്ന് റിപ്പോര്‍ട്ട്


കെ.എം. ബൈജു

തൂക്കക്കുറവും വിളര്‍ച്ചയും കൂടുന്നതായി ദേശീയ ആരോഗ്യ സര്‍വേ

Representative Image | Photo: Gettyimages.in

കോഴിക്കോട്: സംസ്ഥാനത്ത് പോഷകാഹാരക്കുറവ് കാരണം ആരോഗ്യപ്രശ്‌നങ്ങള്‍ നേരിടുന്ന കുട്ടികളുടെ എണ്ണം കൂടിവരുന്നതായി 2019-20ലെ ദേശീയ കുടുംബാരോഗ്യ സര്‍വേ (എന്‍.എഫ്.എച്ച്.എസ്-5). അഞ്ചുവര്‍ഷത്തിനിടെ, ഉയരക്കുറവുള്ള അഞ്ചുവയസ്സില്‍ താഴെയുള്ളവരുടെ ശതമാനം 19.7-ല്‍നിന്ന് 23.4 ശതമാനമായി. തൂക്കക്കുറവുള്ളവര്‍ 16.1-ല്‍നിന്ന് 19.7 ശതമാനവുമായി. രക്തക്കുറവ് കാരണം വിളര്‍ച്ച ബാധിച്ച കുട്ടികള്‍ 35.7 ശതമാനത്തില്‍നിന്ന് 39.4 ആയി. അമിത ഭാരമുള്ളവര്‍ 3.4 ശതമാനത്തില്‍നിന്ന് നാല് ആയി.

തൂക്കക്കുറവുള്ള കുട്ടികള്‍ ഏറ്റവുമധികം പാലക്കാടാണ്. ഭൂരിഭാഗം ജില്ലകളിലും 2015-16 സര്‍വേയെ അപേക്ഷിച്ച് പോഷകാഹാരക്കുറവ് കാരണം ആരോഗ്യപ്രശ്‌നമുള്ളവരുടെ എണ്ണം കൂടി. 2022-ഓടെ കുട്ടികളിലെ പോഷകാഹാരക്കുറവ് ഇല്ലാതാക്കാനുള്ള 'സമ്പുഷ്ട കേരളം' പദ്ധതി നടപ്പാക്കുന്നുണ്ടെങ്കലും ലക്ഷ്യം അകലെയാണ്.

സാമൂഹികമായും സാമ്പത്തികമായും പിന്നാക്കംനില്‍ക്കുന്ന പട്ടികജാതി, പട്ടികവര്‍ഗ വിഭാഗങ്ങള്‍ ഉള്‍പ്പെടെയുള്ളവരിലാണ് കുട്ടികളിലെ പോഷകാഹാരക്കുറവ് കൂടുതലായി കാണുന്നത്. അങ്കണവാടികളും സ്‌കൂളുകളും ആരോഗ്യകേന്ദ്രങ്ങളും വഴി കുട്ടികള്‍ക്ക് പോഷകാഹാരം നല്‍കാനുള്ള സംവിധാനം സംസ്ഥാനത്തുണ്ട്. എന്നാല്‍, ദുര്‍ബല വിഭാഗങ്ങളെ കേന്ദ്രീകരിച്ച് പ്രത്യേകം പദ്ധതികള്‍ വേണ്ടതുണ്ടെന്ന് പഠനം നടത്തുന്ന ശ്രീചിത്തിര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് അച്യുതമേനോന്‍ സെന്ററിലെ ഗവേഷകന്‍ കെ.യു. സാബു പറയുന്നു.

തൂക്കക്കുറവുള്ളവര്‍(ശതമാനം)
പാലക്കാട്- 27.7
ആലപ്പുഴ- 20.4
ഇടുക്കി- 23.6
കാസര്‍കോഡ്- 21.4
മലപ്പുറം- 21.4
എറണാകുളം- 19.4

ഉയരക്കുറവുള്ളവര്‍(ശതമാനം)
വയനാട്- 31.3
പാലക്കാട്- 29.7
മലപ്പുറം- 29.4
കാസര്‍കോഡ്- 25.3
ഇടുക്കി- 24.3
എറണാകുളം- 22

വിളര്‍ച്ചയുള്ളവര്‍(ശതമാനം)​
പാലക്കാട്- 51.9
തൃശ്ശൂര്‍- 48
മലപ്പുറം- 47
വയനാട്- 45
പത്തനംതിട്ട- 44

വിശദമായ സര്‍വേ നടത്തി നടപടി സ്വീകരിക്കും
ദേശീയ സര്‍വേയിലെ വിവരങ്ങള്‍ വിശകലനം ചെയ്തുവരികയാണ്. പുറത്തുവന്നത് യഥാര്‍ഥ ചിത്രമാണോയെന്നു സംശയമുണ്ട്. ആദിവാസി, കടലോര മേഖലകളില്‍ പോഷകാഹാരക്കുറവ് രൂക്ഷമാണ്. ആരോഗ്യവകുപ്പും സാമൂഹികനീതി വകുപ്പും ചേര്‍ന്ന് മുപ്പതിനായിരം പേരെയെങ്കലും പങ്കെടുപ്പിച്ചുള്ള വിശദമായ സര്‍വേ നടത്തും. അതിന്റെ അടിസ്ഥാനത്തില്‍ നടപടി സ്വീകരിക്കും.

-ബിജു പ്രഭാകര്‍ (സാമൂഹിക നീതി, വനിതാ ശിശുക്ഷേമ വകുപ്പ് സെക്രട്ടറി)

Content Highlights: NFHS report says Malnutrition in Children, Health, Kids Health

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022


bjp

1 min

നെഹ്‌റുവിനെ ലക്ഷ്യമിട്ട് വിഭജനത്തേക്കുറിച്ചുള്ള വീഡിയോയുമായി ബിജെപി; തിരിച്ചടിച്ച് കോണ്‍ഗ്രസ്

Aug 14, 2022

Most Commented