കോവിഡ് മരണം കണക്കാക്കുന്നതിന് കേന്ദ്രനിര്‍ദേശം നടപ്പാക്കും; മരണക്കണക്ക് ഉയര്‍ന്നേക്കും


കോവിഡ് പോസിറ്റീവ് ആയി ഒരുമാസത്തിനകം മരിച്ചാല്‍ അത് കോവിഡ് മരണമായി കണക്കാക്കാമെന്നാണ് പുതിയ മാര്‍ഗനിര്‍ദേശം

Photo: PTI

തിരുവനന്തപുരം: കോവിഡ് മരണം കണക്കാക്കുന്നത് സംബന്ധിച്ച കേന്ദ്രനിര്‍ദേശം ലഭിക്കുന്നമുറയ്ക്ക് സംസ്ഥാനവും മാര്‍ഗരേഖ പുതുക്കും. കഴിഞ്ഞവര്‍ഷം മുതലുള്ള മരണങ്ങള്‍ ഇത്തരത്തില്‍ പുനഃപരിശോധിക്കേണ്ടിവന്നാല്‍ മരണക്കണക്കില്‍ വന്‍വര്‍ധനയുണ്ടാകുമെന്നാണ് കരുതുന്നത്.

കോവിഡ് പോസിറ്റീവ് ആയി ഒരുമാസത്തിനകം മരിച്ചാല്‍ അത് കോവിഡ് മരണമായി കണക്കാക്കാമെന്നാണ് പുതിയ മാര്‍ഗനിര്‍ദേശം. ഇതോടെ, മരണകാരണം നിശ്ചയിച്ചതു സംബന്ധിച്ച പരാതികളുണ്ടായാല്‍ അവകൂടി പരിശോധിച്ച് നടപടി സ്വീകരിക്കേണ്ടിവരുമെന്നാണ് ആരോഗ്യവകുപ്പ് അധികൃതര്‍ നല്‍കുന്ന സൂചന. ബന്ധുക്കള്‍ക്ക് പ്രത്യേക ചോദ്യാവലി നല്‍കി വിശദീകരണം കേട്ടും ആശുപത്രിരേഖകള്‍ പരിശോധിച്ചും ഇത്തരം പരാതികളില്‍ തീരുമാനമെടുക്കാനാവുമെന്നാണ് കരുതുന്നത്.

രോഗം ബാധിച്ച് രണ്ടാഴ്ചയ്ക്കുശേഷം പരിശോധനയില്‍ നെഗറ്റീവ് ആയ ആരോഗ്യപ്രവര്‍ത്തകര്‍ അടക്കം ഒട്ടേറെപ്പേര്‍ കുഴഞ്ഞുവീണും മറ്റും മരിച്ചിട്ടുണ്ട്. എന്നാല്‍, ആശുപത്രിയില്‍ ചികിത്സയിലല്ലാത്തതിനാലും മരണസമയത്ത് അവര്‍ കോവിഡ് പോസിറ്റീവ് അല്ലാത്തതിനാലും കോവിഡ് മരണക്കണക്കില്‍ ഉള്‍പ്പെടുത്തിയിരുന്നില്ല. പരാതിയുണ്ടായാല്‍ ഇത്തരം മരണങ്ങളെല്ലാം പുനഃപരിശോധിക്കേണ്ടിവരും. കോവിഡ് ബാധിച്ചിരുന്നുവെങ്കിലും രോഗിക്കുണ്ടായിരുന്ന മറ്റു ഗുരുതര രോഗങ്ങളാണ് മരണകാരണമെന്നു ചൂണ്ടിക്കാട്ടിയാണ് ഇത്തരം മരണങ്ങള്‍ ആരോഗ്യവകുപ്പ് കോവിഡ് പട്ടികയില്‍നിന്നൊഴിവാക്കിയിരുന്നത്. കോവിഡ് മരണങ്ങളില്‍ 95 ശതമാനവും പോസിറ്റീവ് ആയി 25 ദിവസത്തിനകമാണെന്ന് മെഡിക്കല്‍ ഗവേഷണ കൗണ്‍സില്‍ പഠനത്തില്‍ കണ്ടെത്തിയിരുന്നു.

ആരോഗ്യവകുപ്പിന്റെ കണക്കുകളും ഇന്‍ഫര്‍മേഷന്‍ കേരള മിഷന്‍ ക്രോഡീകരിച്ച കണക്കുകളും തമ്മില്‍ 7316 മരണങ്ങളുടെ വ്യത്യാസമുള്ളതായി വിവരാവകാശ രേഖകള്‍ ചൂണ്ടിക്കാട്ടി ജൂലായ് മാസം പ്രതിപക്ഷം ആരോപണം ഉന്നയിച്ചിരുന്നു. അന്ന് പതിനാറായിരത്തിലധികമായിരുന്നു ആരോഗ്യ വകുപ്പിന്റെ കണക്കുകള്‍ പ്രകാരമുള്ള കോവിഡ് മരണം. ഇന്‍ഫര്‍മേഷന്‍ കേരളയുടെ കണക്കുകളനുസരിച്ച് ആകെ മരണം 23,486-ഉം.

2020 മാര്‍ച്ച് 28-നാണ് സംസ്ഥാനത്ത് ആദ്യ കോവിഡ് മരണം റിപ്പോര്‍ട്ട് ചെയ്തത്. ആരോഗ്യവകുപ്പിന്റെ കണക്കനുസരിച്ച് കഴിഞ്ഞദിവസംവരെയുള്ള മരണം 22,551 ആയി ഉയര്‍ന്നിട്ടുണ്ട്.

Content Highlights: New Covid19 death guidelines by central government, Health, Covid19

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented