തൃശ്ശൂർ: സ്റ്റേഡിയങ്ങളും ഹാളുകളും ഉപയോഗിച്ച് ആയിരങ്ങൾക്ക് ഒരേസമയം വാക്സിൻ നൽകുന്ന രീതി കോവിഡ് വ്യാപനസാധ്യത കൂട്ടുന്നുണ്ടെന്ന് ഡോക്ടർമാരുടെ സംഘടനയായ ഐ.എം.എ.

ഇത്തരം ക്യാമ്പുകളിൽ പങ്കെടുത്ത് ദിവസങ്ങൾക്കകം പോസിറ്റീവാകുന്നവരുടെ എണ്ണം കൂടുന്നുണ്ട്. സെന്ററുകളുടെ എണ്ണം കൂട്ടി ഓരോ സ്ഥലത്തും വരുന്ന ആളുകളുടെ എണ്ണം കുറച്ച് കോവിഡ് മാനദണ്ഡം പാലിക്കുംവിധം വാക്സിനേഷൻ നടത്തുകയാണ് വേണ്ടതെന്നും ഐ.എം.എ. സംസ്ഥാന പ്രസിഡന്റ് ഡോ. പി.ടി. സഖറിയാസ്, സെക്രട്ടറി ഡോ. പി. ഗോപകുമാർ എന്നിവർ പറഞ്ഞു. ഒരാഴ്ചയ്ക്കുള്ളിൽ രോഗികളുടെ എണ്ണം പതിന്മടങ്ങ് വർധിക്കാൻ സാധ്യതയുള്ളതിനാൽ ഓക്സിജൻ ക്ഷാമം മുൻകൂട്ടി കാണണം.

സ്വകാര്യ ആശുപത്രികളിലെ ഓക്സിജൻ ലഭ്യതയും ഉറപ്പാക്കണം. കേരളത്തിൽ ആവശ്യത്തിനുള്ള ഓക്സിജൻ ലഭ്യത ഉറപ്പുവരുത്തിമാത്രമേ മറ്റുസംസ്ഥാനങ്ങളിലേക്ക്‌ വിതരണം നടത്താവൂ. ആശുപത്രിക്കിടക്കകൾ വർധിപ്പിക്കുമ്പോൾ ഓക്സിജൻ ബെഡ്ഡുകളായിരിക്കണം. സി.എഫ്.എൽ.ടി.സി.കളിലും ഡി.എൽ.ടി.സി.കളിലും ഓക്സിജൻ ലഭ്യമാക്കണം.

Content Highlights: Mega vaccination camps likely to spread Covid19 says Indian Medical Association, Health, Covid19