മാതൃഭൂമി ഡോട്ട് കോം മാക്‌സെഡ് വെബ്ബിനാര്‍ പരമ്പരയിലെ നാലാമത്തെ സെഷന്‍ ജൂലൈ 26ന് ഞായറാഴ്ച നടക്കും. ആരോഗ്യ വിദഗ്ദ്ധ ഡോ. സൗമ്യ സരിനാണ് ഇത്തവണ പങ്കെടുക്കുന്നത്. വൈകിട്ട് 6:30ന് സൂം ആപ്പ് വഴിയാണ് വെബിനാര്‍. രജിസ്‌ട്രേഷന്‍ സൗജന്യമാണ്.

കോവിഡിന്റെ പശ്ചാത്തലത്തില്‍ കേരളത്തിലെ ആരോഗ്യരംഗത്ത് വരുത്തേണ്ട അനിവാര്യമായ മാറ്റങ്ങളെ കുറിച്ചും ജനങ്ങളുടെ പ്രശ്‌നങ്ങളെ ഫലപ്രദമായി നേരിടാനുള്ള വിവിധ ആരോഗ്യ പരിപാലന രീതികളെ കുറിച്ചുമായിരിക്കും ശിശുരോഗ വിദഗ്ദ്ധയും വ്‌ളോഗറുമായ ഡോ. സൗമ്യ സരിന്‍ സംസാരിക്കുക.
 
കോവിഡ് വ്യാപനത്തിന്റെ പശ്ചാത്തലത്തില്‍ ആവശ്യമായ ആരോഗ്യ മാനദണ്ഡങ്ങള്‍ പാലിച്ചുകൊണ്ട് ഒരു പുതിയ ജീവിതരീതി എങ്ങനെ ചിട്ടപ്പെടുത്താം എന്നതാവും ചര്‍ച്ചയിലെ പ്രധാന പ്രതിപാദ്യവിഷയം. കൂടുതല്‍ വിവരങ്ങള്‍ക്കും രജിസ്ട്രേഷനും മാക്‌സെഡ് വെബ്‌സൈറ്റ് (www.maxed.in) സന്ദര്‍ശിക്കുക.

dr soumya sarin

Content Highlights: Mathrubhumi Maxed Webinar Dr Soumya Sarin Covid kerala Health