അദ്ഭുതമരുന്നുകള്‍: കര്‍ശന നടപടിയുമായി ആയുഷ് വകുപ്പ്


സജീവ് പള്ളത്ത്

മൂന്നുവര്‍ഷത്തിനിടെ റിപ്പോര്‍ട്ടുചെയ്തത് 14,876 സംഭവങ്ങള്‍

Representative Image| Photo: Gettyimages

കോട്ടയം: മരുന്നുകള്‍ക്ക് ഇല്ലാത്ത ഗുണഗണങ്ങള്‍ അവതരിപ്പിച്ച് വ്യാപാരനേട്ടത്തിനായി ശ്രമിക്കുന്നവര്‍ക്കെതിരേ കര്‍ശന നടപടിയുമായി ആയുഷ് വകുപ്പ്. ആയുഷ് ചികിത്സാവിഭാഗങ്ങള്‍ക്ക് പ്രാധാന്യവും വിശ്വാസ്യതയും വര്‍ധിച്ചതോടെയാണ് ചില സ്വകാര്യ ഔഷധ നിര്‍മാതാക്കള്‍ തങ്ങളുടെ മരുന്നുകളെക്കുറിച്ച് തെറ്റായ അവകാശവാദങ്ങളുമായി എത്തിയിട്ടുള്ളത്.

ഉപഭോക്താക്കളെ കബളിപ്പിക്കാനുള്ള ശ്രമങ്ങള്‍ക്കെതിരേ സംസ്ഥാനസര്‍ക്കാരുകള്‍ നടപടി സ്വീകരിക്കണമെന്ന് ആയുഷ് മന്ത്രാലയം നിര്‍ദേശം നല്‍കി. ഡ്രഗ്സ് ആന്‍ഡ് കോസ്മെറ്റിക്സ് ആക്ട് 1940, റൂള്‍സ് 1945, ഡ്രഗ്സ് ആന്‍ഡ് മാജിക് റെമഡീസ് (തെറ്റിദ്ധാരണാപരമായ പരസ്യങ്ങള്‍) ആക്ട്-1954 എന്നിവപ്രകാരം നിയമനടപടി സ്വീകരിക്കാന്‍ സംസ്ഥാന സര്‍ക്കാരിന് അധികാരമുണ്ടെന്ന് ആയുഷ് മന്ത്രാലയം ഓര്‍മിപ്പിച്ചു.



ആയുര്‍വേദം, സിദ്ധ, യുനാനി, ഹോമിയോപ്പതി തുടങ്ങിയവയ്ക്ക് പ്രാധാന്യം കൈവന്നതോടെയാണ് ആശാസ്യമല്ലാത്ത പ്രവണതകളും തുടങ്ങിയത്. തെറ്റിദ്ധരിപ്പിക്കുന്ന പരസ്യങ്ങള്‍ സംപ്രേഷണം ചെയ്യുന്നത് വിലക്കാന്‍ പ്രക്ഷേപണ മന്ത്രാലയത്തിനും നിര്‍ദേശം നല്‍കിയിട്ടുണ്ട്. ഇക്കാര്യങ്ങള്‍ അഡ്വര്‍ടൈസിങ് സ്റ്റാന്‍ഡേര്‍ഡ്‌സ് കൗണ്‍സില്‍ ഓഫ് ഇന്ത്യയും നിരീക്ഷിക്കും.

2018 മുതല്‍ 14,876 പരാതികള്‍

മരുന്നുകമ്പനികളുടെ അനാവശ്യ അവകാശവാദങ്ങള്‍ സംബന്ധിച്ച് 2018 മുതല്‍ 2021 വരെ 14,876 സംഭവങ്ങള്‍ ഫാര്‍മക്കോ വിജിലന്‍സ് വിഭാഗം റിപ്പോര്‍ട്ടുചെയ്തു. ഇവയില്‍ നടപടിയെടുക്കാന്‍ അതത് വിഭാഗങ്ങളെ ചുമതലപ്പെടുത്തി. 'ഗാമാ' പോര്‍ട്ടല്‍ വഴിയും പരാതികള്‍ സ്വീകരിക്കുന്നുണ്ട്. ഗ്രീവന്‍സ് എഗെന്‍സ്റ്റ് മിസ്ലീഡിങ് അഡ്വര്‍ടൈസ്മെന്റ് പോര്‍ട്ടല്‍ (ഗാമാ പോര്‍ട്ടല്‍), കേന്ദ്ര ഉപഭോക്തൃകാര്യ മന്ത്രാലയമാണ് നിയന്ത്രിക്കുന്നത്. 2020-21-ല്‍ വ്യാജ അവകാശവാദങ്ങളെക്കുറിച്ച് 339 പരാതികളാണ് പോര്‍ട്ടലില്‍ രജിസ്റ്റര്‍ചെയ്തത്. ഇവിടെ ലഭിക്കുന്ന പരാതികള്‍ ബന്ധപ്പെട്ട വിഭാഗത്തിലേക്ക് കൈമാറും.

പൊതുജനങ്ങള്‍ക്ക് പരാതിപ്പെടാം

ഗൂഗിളില്‍ GAMA PORTAL എന്ന് ടൈപ്പ് ചെയ്താല്‍ പോര്‍ട്ടല്‍ തുറക്കും. ഇരുവശത്തും രജിസ്റ്റര്‍ കംപ്ലയിന്റ് എന്ന ഭാഗമുണ്ട്. ഇതില്‍ എവിടെയെങ്കിലും ക്ലിക്കുചെയ്താല്‍ അടുത്തഘട്ടത്തിലേക്കെത്തി ഇ-മെയില്‍ വിലാസവും പാസ്വേര്‍ഡും നല്‍കി, വ്യാജ പരസ്യങ്ങള്‍, അനാവശ്യ അവകാശവാദങ്ങള്‍ എന്നിവയിലുള്ള പരാതികള്‍ രജിസ്റ്റര്‍ചെയ്യാം.

Content Highlights: Magical remedies- department of AYUSH with strict action


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented