ഗ്രാമീണമേഖലയിൽ സ്പെഷ്യലിസ്റ്റ് ഡോക്ടർമാർ കുറവ്


സജീവ് പള്ളത്ത്

സാമൂഹികാരോഗ്യകേന്ദ്രങ്ങളിൽ 76 ശതമാനം സ്പെഷ്യലിസ്റ്റ് ഡോക്ടർ തസ്തികകളും ഒഴിഞ്ഞുകിടക്കുന്നു

Representative Image| Photo: GettyImages

കോട്ടയം: 2005 മുതൽ 2020 വരെയുള്ള കണക്കെടുപ്പിൽ രാജ്യത്ത് അലോപ്പതി ഡോക്ടർമാരുടെ എണ്ണത്തിൽ വർധനയുണ്ടെങ്കിലും സ്പെഷ്യലിസ്റ്റുകളുടെ എണ്ണത്തിൽ വൻ കുറവ്. ഇതുമൂലം സാമൂഹികാരോഗ്യകേന്ദ്രങ്ങളിൽ 76 ശതമാനം സ്പെഷ്യലിസ്റ്റ് ഡോക്ടർ തസ്തികകളും ഒഴിഞ്ഞുകിടക്കുന്നു.

കേന്ദ്ര ആരോഗ്യമന്ത്രാലയം പ്രസിദ്ധീകരിച്ച 2020-ലെ ദേശീയ ഗ്രാമീണ ആരോഗ്യസ്ഥിതിവിവരക്കണക്കിലാണ് ഗ്രാമീണജനത ആരോഗ്യരംഗത്ത് നേരിടുന്ന പ്രതിസന്ധി വെളിപ്പെട്ടത്. എല്ലാ സംസ്ഥാനത്തും ഗ്രാമങ്ങളിലെ ജനങ്ങൾ പ്രാഥമികാരോഗ്യ കേന്ദ്രങ്ങളിലെ സേവനം കഴിഞ്ഞാൽ ഏറ്റവുമധികം ആശ്രയിക്കുന്നത് സാമൂഹികാരോഗ്യ കേന്ദ്രങ്ങളെയാണ്.

മുൻപ് സി.എച്ച്.സി.കളിൽ ഫിസിഷ്യൻ, സർജൻ, ഗൈനക്കോളജിസ്റ്റ്, ഒബ്‌സ്റ്റട്രീഷ്യൻ, പീഡിയാട്രീഷ്യൻ തുടങ്ങി വിവിധ വിഭാഗങ്ങളിൽ സ്പെഷ്യലിസ്റ്റ് ഡോക്ടർമാരുടെ സേവനം ലഭിച്ചിരുന്നു. നേരത്തെ രാജ്യത്തെ സാമൂഹികാരോഗ്യകേന്ദ്രങ്ങളിൽ മികച്ച പ്രസവശുശ്രൂഷ ലഭിച്ചിരുന്നത് ഗ്രാമീണജനതയ്ക്ക് ഏറെ ആശ്വാസവുമായിരുന്നു.

ഇപ്പോൾ ഇവിടങ്ങളിൽ തസ്തികകളിൽ വിദഗ്ധരെ ലഭിക്കാത്തതിനാൽ താലൂക്ക്, ജനറൽ, ജില്ലാ ആശുപത്രികളെ ഗ്രാമീണർക്ക് ആശ്രയിക്കേണ്ടി വരുന്നു. ഇതുമൂലം സ്പെഷ്യലിസ്റ്റ് സേവനം എല്ലാവരിലേക്കും എത്തുന്നതിന് പരിമിതിയുണ്ട്.

13,384 സ്പെഷ്യലിസ്റ്റ് തസ്തികകളാണ് ഗ്രാമീണമേഖലയിലുള്ളത്. സർജൻ-78.9 ശതമാനം, ഗൈനക്കോളജിസ്റ്റ്, ഒബ്‌സ്റ്റട്രീഷ്യൻ-69.7 ശതമാനം, ഫിസിഷ്യൻ-78.2 ശതമാനം, പീഡിയാട്രീഷ്യൻ-78.2 ശതമാനം എന്നിങ്ങനെയാണ് തസ്തിക ഒഴിഞ്ഞുകിടക്കുന്നത്.

15 വർഷത്തിനിടെ സാമൂഹികാരോഗ്യകേന്ദ്രങ്ങളിൽ ആകെ ഡോക്ടർമാരുടെ എണ്ണം കാലാനുസൃതമായി വർധിച്ചിട്ടുണ്ട്. നിലവിൽ 28,000-ത്തിലേറെ ഡോക്ടർമാരാണ് സേവനം ചെയ്യുന്നത്.

സ്പെഷ്യലിസ്റ്റ് ഡോക്ടർമാരുടെ എണ്ണത്തിലെ കുറവ് പരിഹരിക്കാൻ എം.ബി.ബി.എസ്. പഠനത്തിന്റെ തുടർച്ചയായി രണ്ടുവർഷ പി.ജി.ഡിപ്ലോമ കോഴ്‌സ് കൂടി മെഡിക്കൽ വിദ്യാർഥികൾക്കായി പുതുതായി അനുവദിക്കുന്നുണ്ട്. ഇത് കൂടുതൽ പേർ പ്രയോജനപ്പെടുത്തിയാൽ സ്പെഷ്യലിസ്റ്റുകളുടെ അഭാവം പരിഹരിക്കാനായേക്കും.

Content Highlights: Low number of specialist doctors in rural areas, Health

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dharmajan Bolgatty

1 min

ധര്‍മജന്റെ ഉടമസ്ഥതയിലുള്ള സ്ഥാപനത്തില്‍നിന്ന് 200 കിലോ പഴകിയ മത്സ്യം പിടിച്ചെടുത്തു 

May 27, 2022


satheesan

1 min

ജോ ജോസഫിനെതിരായ അശ്ലീല വീഡിയോ അപ്‌ലോഡ് ചെയ്തയാളെ പിടിച്ചാല്‍ വാദി പ്രതിയാകും - സതീശന്‍

May 27, 2022


PC George

5 min

ഉയരേണ്ടത് ഇതാണ്: ഞങ്ങളിലില്ല മതരക്തം, ഞങ്ങളിലുള്ളത് മാനവരക്തം | പ്രതിഭാഷണം

May 27, 2022

Most Commented