മധുരമെന്ന് കരുതി ബ്ലീച്ചിങ് പൗഡർ കഴിച്ച അഞ്ചുവയസ്സുകാരി വിദഗ്ധചികിത്സയിലൂടെ ജീവിതത്തിലേക്ക്


കുട്ടിയുടെ കുടുംബത്തിന് മുഖ്യമന്ത്രി എം.കെ. സ്റ്റാലിൻ അഞ്ച് ലക്ഷം രൂപ സഹായധനം നൽകി.

അന്നനാളം തകരാറിലായി ചികിത്സയിൽക്കഴിഞ്ഞിരുന്ന പെൺകുട്ടിയും കുടുംബവും നന്ദിയറിയിച്ച് മുഖ്യമന്ത്രി എം.കെ. സ്റ്റാലിനെ സന്ദർശിച്ചപ്പോൾ

ചെന്നൈ: പഞ്ചസാരയാണെന്ന് കരുതി ബ്ലീച്ചിങ് പൗഡർ കഴിച്ച് അന്നനാളം തകരാറിലായ പെൺകുട്ടി സർക്കാർ ആശുപത്രിയിലെ വിദഗ്ധചികിത്സയിലൂടെ ജീവിതത്തിലേക്ക് തിരിച്ചെത്തുന്നു. തുടർചികിത്സയ്ക്കും മറ്റുമായി കുട്ടിയുടെ കുടുംബത്തിന് മുഖ്യമന്ത്രി എം.കെ. സ്റ്റാലിൻ അഞ്ച് ലക്ഷം രൂപ സഹായധനം നൽകി. തെങ്കാശി ജില്ലയിലെ മേലൂർ സ്വദേശികളാണ് പെൺകുട്ടിയും കുടുംബവും.

കുറച്ചുമാസങ്ങൾക്ക് മുമ്പ് വീട്ടിൽ കളിക്കുന്നതിനിടെയാണ് കുട്ടി ബ്ലീച്ചിങ് പൗഡർ കഴിച്ചത്. ഭക്ഷണം കഴിക്കാനാകാതെ വന്ന കുട്ടിയെ തെങ്കാശിയിലെ ആശുപത്രികളിൽ പ്രവേശിപ്പിച്ചെങ്കിലും ചികിത്സയിൽ വലിയ ഫലമുണ്ടായില്ല. തുടർചികിത്സ തേടുന്നതിന് പ്രയാസപ്പെട്ടിരുന്ന കുടുംബത്തിന്റെ ദുരവസ്ഥ മാധ്യമങ്ങൾ വാർത്തയാക്കിയതോടെ ആരോഗ്യമന്ത്രി എം. സുബ്രഹ്മണ്യൻ ഇടപെട്ടു. ചെന്നൈ എഗ്മോറിലെ കുട്ടികളുടെ ആശുപത്രിയിൽ മന്ത്രി പെൺകുട്ടിക്ക് വിദഗ്ധചികിത്സ ലഭ്യമാക്കി.



ഇതിനിടെ പെൺകുട്ടിക്ക് സങ്കീർണമായ ശസ്ത്രക്രിയ വിജയകരമായി പൂർത്തിയാക്കി. അഞ്ചുമാസം നീണ്ട ചികിത്സകൾക്ക് ശേഷം ആരോഗ്യം വീണ്ടെടുത്ത പെൺകുട്ടിക്കൊപ്പം കുടുംബം കഴിഞ്ഞദിവസം സെക്രട്ടേറിയറ്റിലെത്തി മുഖ്യമന്ത്രിയെക്കണ്ട് നന്ദിയറിച്ചു. അപ്പോഴാണ് സഹായധനത്തിന്റെ ചെക്ക് മുഖ്യമന്ത്രി കൈമാറിയത്. മെഡിക്കൽ സംഘത്തെയും മുഖ്യമന്ത്രി അഭിനന്ദിച്ചു. ആരോഗ്യമന്ത്രി സുബ്രഹ്മണ്യൻ, വകുപ്പ് സെക്രട്ടറി ജെ. രാധാകൃഷ്ണൻ എന്നിവർ ചടങ്ങിൽ പങ്കെടുത്തു.

Content Highlights: Little girl from consumed bleaching powder by mistake


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented