കോവിഡ് രണ്ടാം തരംഗത്തില്‍ പ്രതിരോധം തീര്‍ത്ത് ഹോമിയോ


സിറാജ് കാസിം

കോവിഡനന്തര ചികിത്സയ്ക്കും പ്രത്യേക ക്ലിനിക്കുകള്‍ തുടങ്ങി സമഗ്ര പദ്ധതികളാണ് വകുപ്പ് ലക്ഷ്യമിടുന്നത്

Representative Image| Photo: GettyImages

കൊച്ചി: കോവിഡ് രണ്ടാം തരംഗത്തില്‍ ആരോഗ്യ മേഖലയില്‍ പ്രതിരോധത്തിന്റെ കൂറ്റന്‍ മതില്‍ തീര്‍ത്ത് ഹോമിയോപ്പതിയും. കോവിഡ് പ്രതിരോധ മരുന്ന് കോവിഡിനെതിരായ പോരാട്ടത്തില്‍ ഏറെ സ്വീകരിക്കപ്പെട്ടു. കോവിഡ് രണ്ടാം തരംഗത്തെ പ്രതിരോധിച്ച മാതൃകയില്‍ അടുത്ത ഘട്ടത്തേയും ഫലപ്രദമായി നേരിടാനാണ് ഹോമിയോ വകുപ്പ് ഒരുങ്ങുന്നത്. കോവിഡനന്തര ചികിത്സയ്ക്കും പ്രത്യേക ക്ലിനിക്കുകള്‍ തുടങ്ങി സമഗ്ര പദ്ധതികളാണ് വകുപ്പ് ലക്ഷ്യമിടുന്നത്.

പരിമിതികള്‍ക്കുള്ളില്‍നിന്നു ലഭ്യമായ എല്ലാ കരുത്തും ഉപയോഗിച്ചു പ്രവര്‍ത്തിക്കാനാണു ലക്ഷ്യമിടുന്നതെന്ന് ജില്ലാ ഹോമിയോ ആശുപത്രി സൂപ്രണ്ട് ഇന്‍ ചാര്‍ജ് ഡോ. സൂസന്‍ മത്തായി പറഞ്ഞു. ''നൂറുകണക്കിനു രോഗികളാണ് ഇപ്പോള്‍ ഇവിടെ ചികിത്സ തേടിയെത്തുന്നത്. ഡിസ്‌പെന്‍സറികളില്‍നിന്ന് ജില്ലാ ആശുപത്രിയിലെ ഡോക്ടറുമായി ടെലി കണ്‍സല്‍ട്ടന്‍സി നടത്തി ചികിത്സ തേടാം. ഡോക്ടറോടു സംസാരിച്ച ശേഷം നിര്‍ദേശിക്കുന്ന മരുന്നുകള്‍ ഡിസ്‌പെന്‍സറിയില്‍ നിന്നു വാങ്ങാം. യാത്ര നടത്താതെ തന്നെ ജില്ലയുടെ ഏതു ഭാഗത്തും ആളുകള്‍ക്കു പ്രയോജനപ്പെടുത്താവുന്ന പദ്ധതിയാണിത്''- ഡോ. സൂസന്‍ മത്തായി പറഞ്ഞു.

കോവിഡാനന്തരം മുന്നോട്ട്

കോവിഡിനു ശേഷമുള്ള ചികിത്സയ്ക്കായി ഹോമിയോ വകുപ്പ് പുതിയ ക്ലിനിക്കുകള്‍ തുടങ്ങി. ജില്ലാ ആശുപത്രിയിലെ ഡോ. വി.ജി. അജിത് കുമാറും ഡോ. സ്മിത കെ. മേനോനും ഡോ. സി.എസ്. റിഫ്നയുമൊക്കെ പങ്കുവെച്ചത് അക്കാര്യമാണ്. ''മേയ് രണ്ടാം വാരത്തിലാണ് ഞങ്ങള്‍ ഇവിടെ പോസ്റ്റ് കോവിഡ് ക്ലിനിക് തുടങ്ങിയത്. കോവിഡ്മുക്തിക്കു ശേഷം പലരും ക്ഷീണം, ശരീരവേദന, ഉറക്കമില്ലായ്മ, ചുമ തുടങ്ങിയ ബുദ്ധിമുട്ടുകള്‍ അനുഭവിക്കുന്നുണ്ട്. ജില്ലാ ആശുപത്രിയില്‍ രാവിലെ ഒമ്പതു മുതല്‍ രണ്ടു മണി വരെയാണ് പോസ്റ്റ് കോവിഡ് ക്ലിനിക് പ്രവര്‍ത്തിക്കുന്നത്. ഡിസ്‌പെന്‍സറികളില്‍ ഉച്ചയ്ക്കു 12 മുതല്‍ രണ്ടുമണി വരെയും'' - ഡോ. സ്മിത പറഞ്ഞു.

രക്തപരിശോധനയും ഇ.സി.ജി.യും അടക്കമുള്ള ടെസ്റ്റുകള്‍ക്കായി മികച്ച ലാബും സജ്ജീകരിച്ചിട്ടുണ്ട്. മഞ്ഞ വിഭാഗം റേഷന്‍ കാര്‍ഡുള്ളവര്‍ക്ക് എല്ലാ പരിശോധനകളും സൗജന്യമാണ്. പിങ്ക് കാര്‍ഡില്‍ ഉള്‍പ്പെട്ടവര്‍ക്കു പകുതി നിരക്ക് മതി.

പ്രതിരോധം തന്നെയാണ് പ്രധാനം

കോവിഡിനെ ഏറ്റവും ഫലപ്രദമായി പ്രതിരോധിക്കാനാണ് ഹോമിയോ വകുപ്പ് ലക്ഷ്യമിടുന്നത്. ഞങ്ങളുടെ പ്രതിരോധ മരുന്നു തേടി നൂറുകണക്കിന് ആളുകളാണ് ആശുപത്രികളെ സമീപിക്കുന്നത്.

മൂന്നു ദിവസം തുടര്‍ച്ചയായി കഴിക്കേണ്ട മരുന്ന് 21 ദിവസത്തെ ഇടവേളയ്ക്കു ശേഷം ആവര്‍ത്തിക്കണം. ജീവനക്കാരുടെ കുറവ് പോലെയുള്ള പരിമിതികളുണ്ടെങ്കിലും എല്ലാവരും ഒന്നിച്ചുനിന്ന് പ്രതിരോധ പ്രവര്‍ത്തനങ്ങളുമായി മുന്നോട്ടു പോകുകയാണ്
- ഡോ. ലീന റാണി, ജില്ലാ മെഡിക്കല്‍ ഓഫീസര്‍ (ഹോമിയോ)

Content Highlights: Homeo treatment for Covid health problems, Health, Covid19

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented