അമിത മദ്യപാനം അർബുദത്തിനു കാരണമാകുമെന്ന് പഠനം; ഇന്ത്യയിൽ അഞ്ചുശതമാനം പേർ


വരുൺ പി. മാവേലിൽ

കഴിഞ്ഞവർഷം ലോകത്താകെ 63 ലക്ഷം പേർക്കാണ് അർബുദം സ്ഥിരീകരിച്ചത്

എറണാകുളത്തെ ഒരു ബീവറേജ് ഔട്ട്ലെറ്റിന് മുൻപിലെ തിരക്ക്| ഫോട്ടോ: ബി. മുരളീകൃഷ്ണൻ

കോഴിക്കോട്: അമിതമദ്യപാനം അർബുദത്തിനു കാരണമാകുന്നതായി പഠനറിപ്പോർട്ട്. ദി ലാൻസെറ്റ് ഓങ്കോളജി ജേണലിലാണ് റിപ്പോർട്ട് പ്രസിദ്ധീകരിച്ചിരിക്കുന്നത്.

കഴിഞ്ഞവർഷം അന്താരാഷ്ട്രതലത്തിൽ 7,41,300 പേർക്കാണ് അമിതമദ്യപാനം കാരണം അർബുദം പിടിപെട്ടത്. ഇത് മൊത്തം രോഗികളുടെ 4.1 ശതമാനം വരും. ഇവരിൽ 77 ശതമാനം (5,68,700) പുരുഷന്മാരാണ്.

കഴിഞ്ഞവർഷം ലോകത്താകെ 63 ലക്ഷം പേർക്കാണ് അർബുദം സ്ഥിരീകരിച്ചത്. ഇതിൽ കൂടുതൽ പേർക്കും അന്നനാളം, കരൾ, കുടൽ, സ്തനാർബുദ രോഗമാണ് റിപ്പോർട്ടുചെയ്തത്. ഇന്ത്യയിൽ 62,100 പേർക്കാണ് അമിതമദ്യപാനം കാരണം രോഗം സ്ഥിരീകരിച്ചത്. ഇത് രാജ്യത്തെയാകെ അർബുദരോഗികളുടെ അഞ്ചുശതമാനം വരും.

ലോകരാജ്യങ്ങളിൽ അമിതമദ്യപാനം മൂലം അർബുദരോഗികളായവർ കൂടുതലും മംഗോളിയയിലാണ്. കുവൈത്തിൽ മദ്യപാനം മൂലമുള്ള രോഗം റിപ്പോർട്ട് ചെയ്യപ്പെട്ടില്ല.

യൂറോപ്പ്, എഷ്യ, ആഫ്രിക്ക എന്നിവിടങ്ങളിലെ രാജ്യങ്ങളിൽ മദ്യ ഉപഭോഗം കൂടിവരുകയാണെന്നും പഠനം പറയുന്നു.

കോവിഡ് ഇതിന് പ്രധാന കാരണമായെന്നും കണ്ടെത്തിയിട്ടുണ്ട്. കണ്ടെത്തൽ ആശങ്കയുളവാക്കുന്നതാണെന്ന് പഠനത്തിനു നേതൃത്വംകൊടുത്ത ഫ്രാൻസിലെ ഇന്റർനാഷണൽ ഏജൻസി ഫോർ റിസർച്ച് ഓൺ കാൻസറിലെ (ഐ.എ.ആർ.സി.) ഗവേഷക ഹാരിയറ്റ് റംഗെ പറഞ്ഞു.

അമിത മദ്യപാനംമൂലം അർബുദ രോഗികളായവർ (ശതമാനക്കണക്കിൽ)

മംഗോളിയ- 10, ചൈന- 6, ഫ്രാൻസ്- 5, ഇന്ത്യ- 5, ജർമനി- 4, യു.കെ.- 4, ബ്രസീൽ -4, യു.എസ്.- 3, കുവൈത്ത്- 0

അർബുദ സാധ്യത കൂട്ടും

"അമിതമദ്യപാനം അർബുദം വരാനുള്ള ഒട്ടേറെ കാരണങ്ങളിൽ ഒന്നാണ്. അമിതമായി മദ്യപിക്കുന്ന ഒരാൾക്ക് വൻകുടൽ, കരൾ, തുടങ്ങിയ അവയവങ്ങളിൽ പെട്ടെന്ന് അർബുദം ബാധിച്ചേക്കാം. ആഹാര, ജീവിതശൈലീ അർബുദരോഗങ്ങളുടെ ഭാഗംതന്നെയാണ് അമിത മദ്യപാനവും."

ഡോ. കെ.വി. ഗംഗാധരൻ, സീനിയർ കൺസൾട്ടന്റ്, മെഡിക്കൽ ഓങ്കോളജിസ്റ്റ്, ആസ്റ്റർ മിംസ്, കോഴിക്കോട്

Content Highlights: Heavy drinking can cause cancer Study says, Cancer, Health

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


Nitish Kumar, Tejashwi Yadav

1 min

നിതീഷ് കുമാറിന്റെ സത്യപ്രതിജ്ഞ ബുധനാഴ്ച ഉച്ചയ്ക്ക് രണ്ടിന്; തേജസ്വി യാദവ് ഉപമുഖ്യമന്ത്രിയാകും

Aug 9, 2022


05:31

മാവില വിറ്റും പണം കണ്ടെത്താം; ഇത് കുറ്റ്യാട്ടൂർ പെരുമ

Apr 12, 2022

Most Commented