കോവിഡിനൊപ്പം ഇനി എച്ച്.1 എൻ.1 പരിശോധനയും


ജി.സജിത്കുമാർ

ആരോഗ്യവകുപ്പ് ഇതിനായി കർമപദ്ധതി തയ്യാറാക്കി

Photo: AP

കൊല്ലം: കോവിഡ് പരിശോധനാകേന്ദ്രങ്ങളിൽ ഇനി എച്ച്.വൺ എൻ.വൺ പരിശോധനയും. കോവിഡ് പരിശോധനയ്ക്കായി എടുക്കുന്ന സാമ്പിളുകളിൽ ഒരു ശതമാനത്തിൽ എച്ച്.വൺ എൻ.വൺ കൂടി പരിശോധിക്കാനാണ് തീരുമാനം. ആരോഗ്യവകുപ്പ് ഇതിനായി കർമപദ്ധതി തയ്യാറാക്കി.

കോവിഡ് പരിശോധനയിൽ ശ്രദ്ധകേന്ദ്രീകരിച്ചതോടെ ഒരുവർഷത്തിലേറെയായി എച്ച്.വൺ എൻ.വൺ അടക്കമുള്ള പനികളുടെ നിരീക്ഷണം സംസ്ഥാനത്ത് കാര്യമായി നടക്കുന്നില്ല. ഇതു പരിഹരിക്കാനാണ് പുതിയ തീവ്രയത്നപദ്ധതി. ഏതാനും വർഷങ്ങളായി സംസ്ഥാനത്ത്‌ എച്ച്.വൺ എൻ.വൺ രോഗത്തിന്റെ സാന്നിധ്യം ചെറിയതോതിൽ കാണപ്പെടുന്ന സാഹചര്യമാണുള്ളത്‌. ചികിത്സയ്ക്കായി ‘ഒസൽറ്റാമിവിർ’ എന്ന ജീവൻരക്ഷാ മരുന്ന് ലഭ്യമാണ്. അതുകൊണ്ടുതന്നെ മരണം പൂർണമായി ഒഴിവാക്കാനാണ് ശ്രമം.

എച്ച്.വൺ എൻ.വൺ പരിശോധനയ്ക്കായി പ്രത്യേക സാമ്പിൾ എടുക്കേണ്ടതില്ലെന്നതാണ് സൗകര്യം. തുടക്കത്തിൽ ചൊവ്വ, വെള്ളി ദിവസങ്ങളിലാകും പരിശോധന.

സംസ്ഥാനത്തെ എല്ലാ ബ്ലോക്കുകളിൽനിന്നും സാമ്പിളുകൾ ശേഖരിക്കും. ഓരോ ബ്ലോക്കിൽനിന്നും മൂന്നുമുതൽ അഞ്ചുവരെ സാമ്പിളുകളിലാണ് പരിശോധന നടത്തുക. ഓരോ ജില്ലയിലും ചുതലപ്പെടുത്തുന്ന സർക്കാർ, സ്വകാര്യമേഖലയിലെ ലാബുകളിലാകും പരിശോധിക്കുക. ആർ.ടി.പി.സി.ആർ.-എച്ച്.വൺ എൻ.വൺ പരിശോധനയ്ക്ക് എന്ന് പ്രത്യേകം രേഖപ്പെടുത്തിയാണ് സാമ്പിൾ അയയ്ക്കുക.

തൊട്ടടുത്തദിവസം ഫലം കൈമാറണം. ആരോഗ്യവകുപ്പിലെ ജില്ലാ സർവെയലൻസ് ഓഫീസർമാർക്കാണ് ഫലങ്ങൾ ക്രോഡീകരിച്ച് റിപ്പോർട്ട് തയ്യാറാക്കാനുള്ള ചുമതല.

എലിപ്പനിക്ക്‌ എതിരേയും ജാഗ്രത

എലിപ്പനിമൂലമുള്ള മരണങ്ങൾ കൂടുന്ന സാഹചര്യത്തിൽ അതിനായുള്ള ലാബ് പരിശോധനാ സൗകര്യങ്ങൾ വർദ്ധിപ്പിക്കണമെന്നും ആരോഗ്യവകുപ്പ് നിർദേശം നൽകി. സംസ്ഥാനത്തെ 38 ലാബുകളെ ഇതിനായി ചുമതലപ്പെടുത്തി. രോഗലക്ഷണങ്ങൾ കണ്ടെത്തി 72 മണിക്കൂറിനകം ചികിത്സ ലഭ്യമാക്കിയില്ലെങ്കിൽ സ്ഥിതി അപകടകരമാകുമെന്നാണ് വിലയിരുത്തൽ.

Content Highlights: H1N1 testing with Covid19 test, Health

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented