മെഡിസെപ് നടപ്പാക്കാന്‍ ഉത്തരവിറങ്ങി


ആനുകൂല്യങ്ങൾക്ക് തീയതിയായില്ല

പ്രതീകാത്മക ചിത്രം

തിരുവനന്തപുരം: സംസ്ഥാനസര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ഇന്‍ഷുറന്‍സ് പദ്ധതിയായ മെഡിസെപ് നടപ്പാക്കുന്നതുസംബന്ധിച്ച് ഉത്തരവിറങ്ങി. പദ്ധതിയുടെ ആനുകൂല്യങ്ങള്‍ എന്നുമുതല്‍ ലഭ്യമായിത്തുടങ്ങുമെന്നത് പിന്നീട് അറിയിക്കും. പദ്ധതിയുമായി ബന്ധപ്പെട്ട് കേസുള്ളതിനാല്‍ കോടതിവിധിക്ക് അനുസൃതമായിട്ടാകും നടപ്പാക്കുക. ഫെബ്രുവരി മുതല്‍ ആനുകൂല്യങ്ങള്‍ നടപ്പാക്കാനുള്ള ശ്രമങ്ങളാണ് നടക്കുന്നത്.

നടപടിക്രമങ്ങള്‍ പൂര്‍ത്തിയാക്കിയശേഷം ആനുകൂല്യങ്ങള്‍ എന്നുമുതല്‍ ലഭിക്കുമെന്ന തീയതി പ്രഖ്യാപിക്കും. ഓറിയന്റല്‍ ഇന്‍ഷുറന്‍സ് കമ്പനിവഴി നടപ്പാക്കുന്ന പദ്ധതിക്ക് 4800 രൂപയും 18 ശതമാനം ജി.എസ്.ടി.യുമാണ് വാര്‍ഷിക പ്രീമിയമായി നിശ്ചയിച്ചിട്ടുള്ളത്. ആശുപത്രികളുടെ എംപാനലിങ് പൂര്‍ത്തിയായാല്‍ തേഡ് പാര്‍ട്ടി അഡ്മിനിസ്ട്രേറ്റര്‍മാര്‍ വഴിയാകും ഓറിയന്റല്‍ ഇന്‍ഷുറന്‍സ് കമ്പനി പദ്ധതി നടപ്പാക്കുക.



സംസ്ഥാന ധനകാര്യ വിഭാഗം ഇതുമായി ബന്ധപ്പെട്ട ഏകോപനത്തിനായി ഒരു നോഡല്‍ സെല്‍ രൂപവത്കരിക്കും. എംപാനല്‍ ചെയ്ത ആശുപത്രികളുടെ പട്ടികയ്‌ക്കൊപ്പം പാക്കേജിനെക്കുറിച്ചും നടപടിക്രമങ്ങളെക്കുറിച്ചുമുള്ള വിശദ വിവരങ്ങള്‍ പുറത്തിറക്കും. പരാതികള്‍ പരിഹരിക്കാന്‍ ത്രിതല പരാതിപരിഹാര സംവിധാനമൊരുക്കും.

മൂന്നുവര്‍ഷത്തെ ഇന്‍ഷുറന്‍സ് പരിരക്ഷയ്ക്കുള്ള പ്രീമിയം തുക സര്‍ക്കാര്‍ ഓറിയന്റല്‍ ഇന്‍ഷുറന്‍സിനു നല്‍കും. ഇത് മാസം 500 രൂപവീതം ജീവനക്കാരുടെ ശമ്പളത്തില്‍നിന്ന് പിടിക്കും. പ്രീമിയം എന്നുമുതല്‍ പിടിച്ചുതുടങ്ങുമെന്ന് സര്‍ക്കാര്‍ പിന്നീട് അറിയിക്കും. ഇന്‍ഷുറന്‍സ് കമ്പനിക്കു നല്‍കേണ്ട പ്രീമിയം കഴിച്ചുള്ള തുക കോര്‍പസ് ഫണ്ടിലേക്കു മാറ്റും.

മുന്‍ എം.എല്‍.എ.മാരെക്കൂടി പദ്ധതിയുടെ ഭാഗമാക്കാന്‍ തീരുമാനിച്ചിട്ടുണ്ട്. ഇതിനുള്ള ഉത്തരവ് പ്രത്യേകമായി ഇറക്കും.

ജനുവരി പത്തുവരെ വിവരം നല്‍കാം

തിരുവനന്തപുരം: സംസ്ഥാന സര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ആരോഗ്യ ഇന്‍ഷുറന്‍സ് പദ്ധതിയായ മെഡിസെപിലേക്ക് വിവരം നല്‍കുന്നതിനുള്ള തീയതി ജനുവരി പത്തുവരെ നീട്ടി.

തിരുത്തലുകള്‍, കൂട്ടിച്ചേര്‍ക്കലുകള്‍, പരാതികള്‍ എന്നിവയ്ക്കുള്ള തീയതിയാണ് നീട്ടിയത്. ഇവ പരിഹരിക്കുന്നതിനുള്ള സമയപരിധി ഈമാസം 15 വരെയായി പുതുക്കിനിശ്ചയിച്ചിട്ടുണ്ട്. ഇതിന് ശേഷമുള്ള തിരുത്തലുകള്‍ക്കായി പോര്‍ട്ടല്‍ ലോഗിന്‍ ലഭിക്കില്ല. എന്‍.പി.എസ്. പെന്‍ഷന്‍കാര്‍ക്കും സമയ പരിധി ബാധകമാക്കിയിട്ടുണ്ട്.

വിവരങ്ങള്‍ www.medisep.kerala.gov.in എന്ന പോര്‍ട്ടലില്‍ ലഭിക്കും. സൈറ്റിലെ സ്റ്റാറ്റസ് എന്ന ഓപ്ഷനില്‍ ആവശ്യപ്പെടുന്ന വിവരങ്ങള്‍ നല്‍കി പരിശോധിക്കണം. തിരുത്തലുകളുണ്ടെങ്കില്‍ അതത് ഡി.ഡി.ഒ./നോഡല്‍ ഓഫീസര്‍ക്ക് അപേക്ഷ നല്‍കണം.

പെന്‍ഷന്‍കാര്‍ മെഡിസെപ് പദ്ധതിക്കായി ട്രഷറി ഓഫീസര്‍ക്കാണ് അപേക്ഷ നല്‍കേണ്ടത്. ഇത്തരത്തില്‍ പരിഹരിക്കാനാകാത്ത പരാതികള്‍ ഡി.ഡി.ഒ.മാര്‍ ശേഖരിച്ച് വകുപ്പുതല നോഡല്‍ ഓഫീസര്‍മുഖേന നല്‍കാനും നിര്‍ദേശിച്ചിട്ടുണ്ട്.

കൂട്ടിച്ചേര്‍ക്കലുകളോ തിരുത്തലുകളോ ആവശ്യമില്ലാത്ത ജീവനക്കാരുടെ വിവരങ്ങള്‍ പൂര്‍ണമായി പരിശോധിക്കപ്പെട്ടിട്ടുണ്ടോയെന്ന് ഉദ്യോഗസ്ഥരും പെന്‍ഷന്‍കാരുടെ വിവരങ്ങള്‍ ട്രഷറി ഓഫീസര്‍മാരും പരിശോധിക്കണം.

മെഡിസെപ് ഐ.ഡി ഉണ്ടാക്കിയശേഷം മരിച്ച ജീവനക്കാര്‍, പെന്‍ഷന്‍കാര്‍ എന്നിവരുടെ അംഗത്വം ബന്ധപ്പെട്ട ഉദ്യോഗസ്ഥരോട് റദ്ദാക്കാനും നിര്‍ദേശിച്ചിട്ടുണ്ട്. നിലവിലുള്ള ആശ്രിതരുടെ വിവരങ്ങള്‍ ചേര്‍ക്കുന്നതിന് ജീവനക്കാര്‍ക്കും പെന്‍ഷന്‍കാര്‍ക്കും ഇനി അവസരം ഉണ്ടാകില്ല.

Content highlights: green signal to medisep insurance programme, government employees and pensioners


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented