വയോജനങ്ങൾക്ക് സർക്കാർസേവനങ്ങൾ വീടുകളിൽ


വയോജനങ്ങൾക്ക് സേവനങ്ങൾ വീട്ടിലെത്തിക്കാൻ സന്നദ്ധസേനകൾ

Representative Image| Photo: GettyImages

ആലപ്പുഴ: കോവിഡ് സാഹചര്യത്തിൽ വീടുകളിൽക്കഴിയുന്ന വയോജനങ്ങൾക്ക് സർക്കാർ സേവനങ്ങൾ വീട്ടിലെത്തിക്കാൻ സാമൂഹിക സന്നദ്ധസേനകൾ സജ്ജമാകുന്നു. തദ്ദേശസ്വയംഭരണ, സാമൂഹികനീതി വകുപ്പുകളുടെ നേതൃത്വത്തിലാണ് ദുരിതമനുഭവിക്കുന്ന വയോജനങ്ങൾക്കും കിടപ്പുരോഗികൾക്കുമായി പദ്ധതി നടപ്പാക്കുന്നത്.

സർക്കാർ പദ്ധതികളും ആനുകൂല്യങ്ങളും യഥാസമയത്ത് വയോജനങ്ങൾക്കു ലഭ്യമാകുകയാണ് പദ്ധതിയിലൂടെ ലക്ഷ്യമിടുന്നത്. 65 വയസ്സിനു മുകളിലുള്ളവർ, പരസഹായമില്ലാതെ താമസിക്കുന്നവർ, കാഴ്‌ച-കേൾവിക്കുറവുള്ളവർ, ചലനശേഷിയില്ലാത്തവർ തുടങ്ങിയവരാണു പദ്ധതിയുടെ ഉപഭോക്താക്കൾ.

പഞ്ചായത്തിൽനിന്ന്‌ 15 പേരും നഗരസഭയിൽനിന്ന് 17 പേരും കോർപ്പറേഷനിൽനിന്ന് 25 പേരുമാണ് സന്നദ്ധസേനയിലുൾപ്പെടുന്നത്. കോവിഡ് സാഹചര്യത്തിൽ സർക്കാർ ആനുകൂല്യങ്ങൾക്കും മറ്റുമായി അക്ഷയകേന്ദ്രങ്ങളിലോ പഞ്ചായത്ത്, വില്ലേജ് ഓഫീസുകളിലോ എത്തിയാണ് അപേക്ഷനൽകേണ്ടത്. ഈ അവസ്ഥയ്ക്കു പരിഹാരമായി ഉദ്യോഗസ്ഥരെ വീടുകളിലെത്തിച്ച് സേവനങ്ങൾ ലഭ്യമാക്കുക, ഇവർക്കുവേണ്ട മരുന്നും മറ്റും വാങ്ങിനൽകുക തുടങ്ങിയവയാണ് ഉദ്ദേശിക്കുക.

പദ്ധതിയുടെ രണ്ടാംഘട്ടത്തിൽ അവശതയനുഭവിക്കുന്ന രോഗികൾക്ക് പാലിയേറ്റീവ് കെയർ മാതൃകയിൽ വീടുകളിലെത്തി ചികിത്സയും ലഭ്യമാക്കും. തദ്ദേശസ്ഥാപനങ്ങളുടെയും സർക്കാർവകുപ്പുകളുടെയും പക്കൽ നിലവിലുള്ള രേഖകളിൽനിന്ന് പ്രത്യേകം സർവേ നടത്തിയാകും സേവനം ലഭ്യമാക്കേണ്ടവരെ തിരഞ്ഞെടുക്കുന്നത്. ഇതിനായി കംപ്യൂട്ടർപരിജ്ഞാനമുള്ള ചെറുപ്പക്കാർ, ജനമൈത്രി പോലീസ് അംഗങ്ങൾ, അക്ഷയകേന്ദ്രം പ്രവർത്തകർ എന്നിവരെയാണു തിരഞ്ഞെടുക്കുന്നത്. തദ്ദേശസ്ഥാപന സെക്രട്ടറി, ആരോഗ്യപ്രവർത്തകർ, കുടുംബശ്രീ അംഗങ്ങൾ തുടങ്ങിയവരടങ്ങുന്ന സമിതിക്കാണു പദ്ധതിയുടെ നടത്തിപ്പുചുമതല. തദ്ദേശസ്ഥാപനത്തിലെ ഉദ്യോഗസ്ഥനായിരിക്കും ഏകോപനച്ചുമതല.

Content Highlights: Government Assistance for Seniors Living at Home, Health, Heriatric Care

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented