ഡി.ആർ.ഡി.ഒ. 500 ഓക്‌സിജൻ പ്ലാന്റ് നിർമിക്കും


പ്രകാശൻ പുതിയേട്ടി

പി.എം. കെയർ ഫണ്ട് ഉപയോഗിക്കും. 380 പ്ലാന്റിന് നിർമാണാനുമതി നൽകി

Representative Image| Photo: GettyImages

ന്യൂഡൽഹി: പ്രതിരോധ ഗവേഷണ സ്ഥാപനമായ ഡി.ആർ.ഡി.ഒ. 500 ഓക്സിജൻ പ്ലാന്റ് നിർമിക്കുന്നു. രാജ്യത്തുടനീളമുള്ള ആശുപത്രികളിൽ മൂന്നുമാസത്തിനകം പി.എം. കെയർ ഫണ്ടുപയോഗിച്ച് പ്ലാന്റുകൾ സ്ഥാപിക്കും. ചെറുയുദ്ധവിമാനമായ തേജസ്സിൽ ഓക്സിജൻ ഉത്പാദിപ്പിക്കാൻ ഉപയോഗിക്കുന്ന സാങ്കേതികവിദ്യ അടിസ്ഥാനമാക്കിയാണ് നിർമാണം. 380 പ്ലാന്റിന് നിർമാണാനുമതി നൽകിക്കഴിഞ്ഞു.

തേജസ് യുദ്ധവിമാനത്തിനുള്ള ഓക്സിജൻ സാങ്കേതികവിദ്യ ഡി.ആർ.ഡി.ഒ.യുടെ ഡിഫൻസ് ബയോ എൻജിനിയറിങ് ആൻഡ് ഇലക്‌ട്രോ മെഡിക്കൽ ലബോറട്ടറി ആണ് വികസിപ്പിച്ചെടുത്തത്. നേരിട്ട് ആശുപത്രി കിടക്കകളിലേക്ക് വിതരണം ചെയ്യാവുന്ന സാന്ദ്രതയിലുള്ള ഓക്സിജൻ നിർമിക്കാൻ ഈ സാങ്കേതിക വിദ്യയിലൂടെ പറ്റും. മെഡിക്കൽ ഓക്സിജൻ സിലിൻഡറുകളിൽ നിറച്ചും ഉപയോഗിക്കാം.

വടക്കുകിഴക്കൻ മേഖലയിലെയും ലഡാക്കിലെയും ചില സൈനിക ആശുപത്രികളിൽ ഇത്തരം പ്ലാന്റുകൾ സ്ഥാപിച്ചുകഴിഞ്ഞു. അന്താരാഷ്ട്ര നിലവാരത്തിലുള്ള പ്ലാന്റുകൾക്ക് അതേ തരത്തിലുള്ള ഓൺസൈറ്റ് പരിപാലനമടക്കമാണ് ഏർപ്പെടുത്തുക. ബെംഗളൂരു ടാറ്റ അഡ്വാൻസ്ഡ് സിസ്റ്റംസ് ലിമിറ്റഡ് 332-ഉം കോയമ്പത്തൂർ ട്രൈഡന്റ് ന്യൂമാറ്റിക്സ് പ്രൈവറ്റ് ലിമിറ്റഡ് 48-ഉം പ്ലാന്റുകളാണ് നിർമിക്കുക. ഇരുസ്ഥാപനങ്ങൾക്കും ഇതിനുള്ള സാങ്കേതികവിദ്യ ഡി.ആർ.ഡി.ഒ. നൽകി. മിനിറ്റിൽ 1000 ലിറ്റർ ഉത്പാദിപ്പിക്കാൻ ശേഷിയുള്ള പ്ലാന്റുകളാണ് രൂപകല്പന ചെയ്തിട്ടുള്ളത്. ദിവസം 195 സിലിൻഡറുകൾ നിറയ്ക്കാനും 190 രോഗികൾക്ക് നേരിട്ടു നൽകാനും കഴിയും. അന്തരീക്ഷ വായുവിൽനിന്ന് നേരിട്ട് ഓക്സിജൻ വലിച്ചെടുത്തുപയോഗിക്കുന്ന സാങ്കേതികവിദ്യയാണിതിലുള്ളത്.

Content Highlights: DRDO to build 500 oxygen plant, Health, Covid19, Corona Virus, Medical Oxygen

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


Nirmala Sitharaman

1 min

കേന്ദ്രത്തിന് നഷ്ടം ഒരുലക്ഷം കോടി; സംസ്ഥാനങ്ങളുമായി പങ്കിടുന്ന തീരുവയില്‍ മാറ്റമില്ലെന്ന് ധനമന്ത്രി

May 22, 2022

More from this section




Most Commented