വിപണിയിലുള്ള മരുന്നുകള്‍ രണ്ടരലക്ഷം; ഗുണനിലവാരം പരിശോധിക്കുന്നത് 800-ല്‍ താഴെ


സ്വന്തം ലേഖകന്‍

പരിശോധന കൂട്ടിയില്ലെങ്കില്‍ നിലവാരമില്ലാത്ത മരുന്നുകള്‍ വന്‍തോതില്‍ വിറ്റഴിക്കാന്‍ ഇടയുണ്ട്

പ്രതീകാത്മക ചിത്രം

തിരുവനന്തപുരം: രണ്ടരലക്ഷം ബാച്ച് മരുന്നുകള്‍ വിപണിയിലുള്ള സംസ്ഥാനത്ത് മാസത്തിലൊരിക്കല്‍ ഗുണനിലവാര പരിശോധനയ്ക്ക് വിധേയമാകുന്നത് 800-ല്‍ താഴെ മരുന്നുകള്‍ മാത്രം.

പരിശോധന കൂട്ടിയില്ലെങ്കില്‍ നിലവാരമില്ലാത്ത മരുന്നുകള്‍ വന്‍തോതില്‍ വിറ്റഴിക്കാന്‍ ഇടയുണ്ട്. ജി.എസ്.ടി. ഏര്‍പ്പെടുത്തിയതോടെ ഇതരസംസ്ഥാനങ്ങളിലെ വിതരണക്കാരില്‍നിന്ന് മെഡിക്കല്‍ സ്റ്റോറുകളിലേക്ക് നേരിട്ട് മരുന്നെത്തുന്നുണ്ട്. ഇവ പരിശോധിക്കാന്‍ നിലവിലെ സംവിധാനം അപര്യാപ്തമാണ്.

ഡ്രഗ്സ് ഇന്‍സ്‌പെക്ടര്‍മാരുടെ പരിമിതികാരണം ഗുണനിലവാര പരിശോധന ഉയര്‍ത്താന്‍ കഴിയുന്നില്ലെന്നും നിലവാരമില്ലാത്ത മരുന്നുകള്‍ വിപണിയിലെത്താന്‍ സാധ്യതയുണ്ടെന്നും സംസ്ഥാന ഡ്രഗ്സ് കണ്‍ട്രോളര്‍ സര്‍ക്കാരിന് നല്‍കിയ റിപ്പോര്‍ട്ടില്‍ പറയുന്നു.മാസം 1000 കോടി രൂപയുടെ മരുന്നുകള്‍ വിറ്റഴിയുന്ന സംസ്ഥാനത്ത് ഇവയുടെ ഗുണനിലാരം ഉറപ്പുവരുത്താനും വില്‍പ്പന നിയന്ത്രിക്കാനും 47 ഇന്‍സ്‌പെക്ടര്‍മാര്‍ മാത്രമാണുള്ളത്.

30,000 ഔഷധവിപണന സ്ഥാപനങ്ങളുടെ മേല്‍നോട്ടവും സൗന്ദര്യവര്‍ധക വസ്തുക്കളുടെ ഗുണനിലവാര പരിശോധയും ഇവരുടെ ചുമതലയാണ്.

പരിശോധനയ്ക്ക് പരമാവധി 13 ഇനം മരുന്നുമാത്രം

നിയമപരമായ നടപടികള്‍ പൂര്‍ത്തീകരിച്ച് പരമാവധി 13 ഇനം മരുന്നുകളാണ് ഒരുമാസം പരിശോധനയ്ക്ക് എടുക്കാന്‍ കഴിയുക. ഉദ്യോഗസ്ഥരുടെ എണ്ണം വര്‍ധിപ്പിക്കുകയോ, മരുന്നെടുക്കുന്നതിനുവേണ്ടി പ്രത്യേക വിഭാഗം രൂപതവ്കരിക്കുകയോ ചെയ്യാതെ വ്യാജമരുന്നുകളുടെ വിതരണം തടയാന്‍ കഴിയില്ല. ആറു സ്ഥലങ്ങളില്‍ മാത്രമാണ് ജില്ലാ മേധാവിമാരുള്ളത്. ഭൂരിഭാഗം ഓഫീസുകള്‍ക്കും വാഹനങ്ങളില്ല. പരാതികളില്‍ പെട്ടെന്ന് അന്വേഷണം നടത്താന്‍ പ്രത്യേക എന്‍ഫോഴ്സ്മെന്റ് സ്‌ക്വാഡുമില്ല. 2013-ല്‍ 15 ഇന്‍സ്‌പെക്ടര്‍മാരുടെയും മൂന്ന് ജില്ലാ ഓഫീസര്‍മാരുടെയും തസ്തിക സൃഷ്ടിക്കാന്‍ ഉദ്യോഗസ്ഥ ഭരണപരിഷ്‌കാരവകുപ്പ് ശുപാര്‍ശ നല്‍കിയിരുന്നു. എന്നാല്‍ നടപ്പായില്ല

തിരുവനന്തപുരത്തിന് പുറമേ എറണാകുളം, തൃശ്ശൂര്‍ എന്നിവടങ്ങളില്‍ ലാബുകള്‍ സജ്ജീകരിച്ചെങ്കിലും സാംപിള്‍ എടുക്കേണ്ട ഡ്രഗ്സ് ഇന്‍സ്‌പെക്ടര്‍മാരുടെ എണ്ണത്തില്‍ 20 വര്‍ഷത്തിനിടെ വര്‍ധനയുണ്ടായിട്ടില്ല. വ്യാജമരുന്നുകളുടെ വിപണനം തടയാന്‍ കേന്ദ്രസര്‍ക്കാര്‍ നിയോഗിച്ച മഷേല്‍ക്കര്‍ കമ്മിറ്റിയും അടിയന്തരമായി ഡ്രഗ്സ് കണ്‍ട്രോള്‍വകുപ്പ് വിപുലീകരിക്കാന്‍ നിര്‍ദേശിച്ചിരുന്നു. നിലവില്‍ ഡ്രഗ്സ് ഇന്‍സ്‌പെക്ടര്‍മാരുടെ തസ്തികയിലേക്ക് പി.എസ്.സി. തയാറാക്കിയ പട്ടിക നിലവിലുണ്ട്.

Content Highlights: Decrease in Medicine quality inspection, Health, Medicine

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented