Representative Image| Photo: Gettyimages
തിരുവനന്തപുരം: കോവിഡ് മരണക്കണക്കില്‍ സംഭവിച്ച പിഴവില്‍ അഞ്ചു ജില്ലാ മെഡിക്കല്‍ ഓഫീസര്‍മാര്‍ക്ക് ആരോഗ്യ സെക്രട്ടറിയുടെ കാരണം കാണിക്കല്‍ നോട്ടീസ്. മരണക്കണക്കുകള്‍ മറച്ചുവെക്കുന്നുവെന്ന ആരോപണങ്ങളെത്തുടര്‍ന്ന് 2020 ജനുവരി 30-നും 2021 ജൂണ്‍ 18-നും ഇടയിലുള്ള കണക്കുകളില്‍ നടത്തിയ സൂക്ഷ്മപരിശോധനയില്‍ ഉണ്ടായ പിഴവാണ് സെക്രട്ടറിയും ജില്ലാമെഡിക്കല്‍ ഓഫീസര്‍മാരും തമ്മിലുള്ള പോരിലേക്ക് നീളുന്നത്.
സൂക്ഷ്മപരിശോധനയ്ക്കുശേഷം 7023 കോവിഡ് മരണങ്ങള്‍ പട്ടികയില്‍ ചേര്‍ക്കാനുണ്ടെന്നായിരുന്നു ആരോഗ്യവകുപ്പ് ഡയറക്ടര്‍, സെക്രട്ടറിയെ അറിയിച്ചത്. പരിശോധനയ്ക്കുശേഷം ജില്ലാ മെഡിക്കല്‍ ഓഫീസര്‍മാര്‍ അപ് ലോഡ് ചെയ്തതാകട്ടെ 8500-ല്‍ അധികം മരണങ്ങളും. ഇതില്‍ 3779 എണ്ണത്തില്‍ നടത്തിയ സൂക്ഷ്മ പരിശോധനയില്‍ 527 മരണങ്ങള്‍ ഇരട്ടിപ്പാണെന്ന് കണ്ടെത്തിയെന്നാണ് സെക്രട്ടറി രാജന്‍ ഖൊബ്രഗഡെ ഡയറക്ടറെ അറിയിച്ചിട്ടുള്ളത്. ഏറ്റവും കൂടുതല്‍ തെറ്റുവരുത്തിയിട്ടുള്ള എറണാകുളം, കോഴിക്കോട്, തൃശ്ശൂര്‍, ആലപ്പുഴ, തിരുവനന്തപുരം ജില്ലാ മെഡിക്കല്‍ ഓഫീസര്‍മാരാണെന്നും കണ്ടെത്തി. ഇവര്‍ക്കാണ് സെക്രട്ടറി നേരിട്ട് കാരണം കാണിക്കല്‍ നോട്ടീസ് നല്‍കിയത്. മരണക്കണക്കില്‍ ആരോഗ്യവകുപ്പ് ഡയറക്ടറുടെ നിരീക്ഷണം വേണമെന്നും ആവശ്യപ്പെട്ടിട്ടുണ്ട്.
മരണസ്ഥിരീകരണം സംബന്ധിച്ച് സര്‍ക്കാര്‍ വ്യക്തത നല്‍കിയതോടെയാണ് കൂട്ടത്തോടെ കോവിഡ് മരണങ്ങള്‍ റിപ്പോര്‍ട്ടുചെയ്യാന്‍ തുടങ്ങിയത്. കണക്ക് മറച്ചുെവക്കുന്നുവെന്ന ആരോപണങ്ങളെത്തുടര്‍ന്ന് ഇതിനായി സോഫ്റ്റ്വേറും ആരോഗ്യവകുപ്പ് സജ്ജമാക്കിയിരുന്നു. ഡേറ്റാ എന്‍ട്രിയിലുണ്ടായ പിഴവുകാരണം ആവര്‍ത്തനം സംഭവിച്ചിട്ടുണ്ടാകാമെന്നാണ് ഡോക്ടര്‍മാര്‍ പറയുന്നത്.
അതിന് മുതിര്‍ന്ന ഡോക്ടര്‍മാരെ സര്‍ക്കാര്‍ ബലിയാടാക്കുകയാണെന്നും ആരോപണം ഉയര്‍ന്നിട്ടുണ്ട്. അതേസമയം, പട്ടികയില്‍ ഇരട്ടിപ്പുണ്ടാകാന്‍ സാധ്യതയില്ലെന്നാണ് ജില്ലാ മെഡിക്കല്‍ ഓഫീസുകളിലെ ജീവനക്കാര്‍ നല്‍കുന്ന വിവരം.
Content Highlights: Covid19 death numbers in Kerala
Also Watch
RELATED STORIES
.jpg?$p=5954cd7&f=1x1&w=100&q=0.8)
.jpg?$p=223d159&f=1x1&w=100&q=0.8)
.jpg?$p=817a5d1&f=1x1&w=100&q=0.8)
.jpg?$p=0c51f5d&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=9e067e5&q=0.8&f=16x11&w=104)
.jpg?$p=5954cd7&q=0.8&f=16x11&w=104)
.jpg?$p=817a5d1&q=0.8&f=16x11&w=104)
.jpg?$p=0c51f5d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..