ന്യൂഡൽഹി: മുമ്പ് കോവിഡ് ബാധിച്ച ചെറുപ്പക്കാരുടെ ശരീരത്തിലുള്ള ആന്റിബോഡിക്ക് വീണ്ടുമുള്ള വൈറസ് ബാധയിൽനിന്നു പൂർണസംരക്ഷണം നൽകാൻ കഴിയില്ലെന്നു പഠനം. പ്രതിരോധശേഷി കൂട്ടാനും രോഗപ്പകർച്ച കുറയ്ക്കാനും പ്രതിരോധ കുത്തിവെപ്പുതന്നെ വേണമെന്നും ‘ദ ലാൻസെറ്റ് റെസ്പിറേറ്ററി മെഡിസിൻ’ ജേണലിൽ പ്രസിദ്ധീകരിച്ച പഠനം പറയുന്നു.

‘ഒരിക്കൽ കോവിഡ് വന്ന ചെറുപ്പക്കാരെ വീണ്ടും വൈ റസ് ബാധിക്കാനും അവരിൽനിന്ന് മറ്റുള്ളവരിലേക്കു പകരാനുമുള്ള സാധ്യതയുണ്ട്. മുമ്പ് രോഗം പിടിപെട്ടു എന്നതുകൊണ്ട് രോഗപ്രതിരോധശേഷി ഉണ്ടാവണമെന്നില്ല. രോഗത്തെ ചെറുത്തുനിൽക്കാൻ അധിക പരിരക്ഷ നൽകുന്ന പ്രതിരോധ കുത്തിവെപ്പ് അവർക്കും ആവശ്യമാണെ’ന്ന് അമേരിക്കയിലെ മൗണ്ട് സിനായിലുള്ള ഐകാൻ സ്കൂൾ ഓഫ് മെഡിസിൻ പ്രൊഫസർ സ്റ്റുവർട്ട് സീൽഫൊൺ പറഞ്ഞു. ഐകാൻ സ്കൂളിലെ ഗവേഷകർ 2020 മേയ് മുതൽ നവംബർവരെ യു.എസ്. മറീൻ കോറിലെ 18-20 നും ഇടയിൽ പ്രായമുള്ള മൂവായിരത്തോളം പേരിലാണ് പഠനം നടത്തിയത്. ഇവരിൽ 1,098 (45 ശതമാനം) പേർക്കും വീണ്ടും രോഗംബാധിച്ചു.

Content Highlights: Covid19 can come back to young people who have been affected before, Health, Covid19, Corona Virus